2 Corintios 12:11 - Nuevo Testamento Toba Sur

¹¹ Aÿim 'ico' huo'o da ñi'onataxac souaxat da maichi ñi'amaqten, qalaxayi qami' mayi qauayiñiÿa'a aÿim. Qamaq qamí'ctaxa mayi qavi'oxoyiñiitac aÿim, cha'ayi sela'a da sa ishit da aÿim napacalec nam qoquiitague'pi mayi 'eetega da nataÿaña nam Jesús lamaxashicpi, nai'ctaxa da aÿim qaica ca shinec.

Nuevo Testamento Toba Sombrero Negro

¹¹ Jayem ena'am ta'le je'n jalaĝayaqa't da'me 'yoyaĝac, qalaĝaja ami jayem auaviquiyigue da'me dojo' qaedi ja'uo. Jayem 'uo da'me jañoqotet ena'am gaa'me eetapela'ajalo namaĝa's p'ajodaye, chane'eja naqa'ami toqo' da'me jayem a'nonaĝachigui.

La'aqtaqa Ñim Lo'onatac 'Enauacna 2013

¹¹ Aỹem saỹaten da maiche ño'oxoreetapeguela't, nache damaye ỹa'axat da qaica ca saỹaanapec, qalaxaye qami' aỹem qauamaqỹalec da so'ot damaye. Qamaq qami'ctaxa maye qavio'oxoyiñiitac aỹem, cha'aye sela'a da saishet da aỹem napacalec nam qoquiitague'pi maye 'eetega da nataỹaña nam Jesús lamaxashecpi, na'aictaxa da aỹem qaica ca shenec.

2 Corintios 12:11 Referans Kwoze

2 Corintios 11:5

Cha'ayi aÿim sela'a da sa ishit da aÿim napacalec nam qoquiitague'pi mayi 'eetega da nataÿaña nam Jesús lamaxashicpi.

2 Corintios 11:1

Da iyaxa da qami' cada'ac da qanañaxachiiguet da 'ico' ñi'oopaxac. Nai'ctaxa ca 'eetec, qalaxayi nachi 'en'am aÿim qan'añaxachiiguet.

Efesios 3:8

Cha'ayi aÿim ÿataqta qaica ca i'amaqchic, sa ishit da shin'am ca ÿapacteec qaica ca l'amaqchic na lalamaxatpi ñi Dios. Qalaxayi ñimayi aÿim ÿanagui de'eda ñi'achiquiaxac da yaqto' sa'axatem nam sa ishit da judío l'ecpi da no'on qad'axaÿaxac mayi i'axat dam sa ishit da qanaloqten lsallaxa so Cristo.

2 Corintios 12:12

Cha'ayi da ñiualaxaunaxac co'ollaq qami' sootapegueto, qataq nam n'anecpi, qataq nam sa qaÿauanapigui, qataq nam i'ot da n'aalaxa, nachina na ichoxot da ÿoqta 'eesa da aÿim lamaxashic so Jesús.

2 Corintios 12:6

Qaq nai'ctaxa da huo'otaq ñi'oxodeela't, qalaq sa ishit da 'ico' huo'o da ñi'onataxac, cha'ayi aÿim ÿataqta 'eesa cam sa'axat. Qalaxayi aÿim sa ishit da nachi shiitec de'eda, yaqto' sa ishit da huo'o ca ÿagaqnapeguec da lmejnaxanaxac da shiita, huo'otaq cam hua'aqchigui i'aqtac.

2 Corintios 1:6

Qaq ÿoqo'oyi da qomi' huo'o da qanque'ejnaxac, qalaq naigui da qami' qai'añaqchi't qataq qami' qanca'alaxatreec. Qaq da ñi Dios qomi' i'añaqchi't, nachi nataq'en da qoñiita qami' qai'añaqchi't, qataq qami' qanca'alaxatreec, yaqto' ishit da qanaloita'aguet da qan'añaxachiiguet de'eda que'ejnaxac mayi qomi' ñique'etaxanaqtapigui.

1 Corintios 3:22

nai'ctaxa da Pablo, huo'otaq Apolo, huo'otaq Pedro, huo'otaq ana 'alhua, huo'otaq da nca'alaxa, huo'otaq da nleuaxa, huo'otaq naua ñachaataqtaiguilo na'axa'te, huo'otaq ca ñaq natauo, cha'ayi namayi 'enauac qadalamaxachi.

Lucas 17:10

Qaq nachi 'eetec nataq'en qami', qom mashi ivita da qaumachi 'enauac nam qami' ÿamaxalguete ñi Dios, nachi qoñiita': “Qomi' mayi qomi' nlataqa, ÿataqta qaica ca shinaxac, cha'ayi nam so'otaqtac, nachinatac na maichi qad'onatacpi.”

1 Corintios 13:2

Qataq aÿim da huo'otaq sa'axattac da l'aqtac ñi Dios, qataq saÿaten 'enauac nam lataxacpi mayi saq cha'a, qataq semata'a't 'enauac na nauattonaxanaxacpi, qataq da ipi'iÿaxac mashi ivi' da seshit da ñoqochinaxat aca qasoxonaxa, qalaxayi da qaica ca isoxoyic, nachi ñaqaiyita qaica ca shinec.

2 Corintios 3:1

Da qomi' shinaqpec de'eda, qaq ¿qaupi'itaxañiitega peta'a da qomi' qaltaq sauoqtaique da ñi'oxonnaqtapeguela't? ¿Huo'otaq da qami' sanaxama aca nede mayi qanpataxasoxolate? ¿Huo'otaq da qami' seÿaxanaxaiguilo da qau'ochi aca qad'onataxanaxac lmalate, da yaqto' se'enaxataq nam nachi 'eetecpi de'eda?

2 Corintios 5:13

Cha'ayi qomi' da 'ico' sa saÿamaxasoq, qalaxayi souaxat ñi Dios; qaq da huo'otaq saÿamaxasoqta, qaq souaxat da qoñiita.

Gálatas 6:3

Cha'ayi ca ipi'itaxaatega da 'amaqtaqaic, qamaq qaica ca naigui, qaq camayi 'eeta'am da maichi natenachittapeguela't.