2 Corintios 12:1 - Nuevo Testamento Toba Sur

¹ Ÿataqta qaica ca nauec ca shiÿaxaua da maichi ñi'oxodeetapeguela't. Qalaxayi nachi 'en'am aÿim sa'axat na ÿauanaqchicpi qataq dam aÿim ÿaÿajnaxanaxanec so qadataxala'.

Nuevo Testamento Toba Sombrero Negro

¹ Qaya'te 'lomataĝanaĝac ga'me mach'ega 'nonaĝa'tape naa'me 'laqataqa, qalaĝaja youetaque ta'le ja'uo da'me dojo'. Chane'eja nayi ami ja'aĝatema ga'me yauanaĝanaĝac jo'ne jayem qoyanem, ga'me jo'ne Jaliaĝanec Jesucristo jayem yatetonaĝanec.

La'aqtaqa Ñim Lo'onatac 'Enauacna 2013

¹ Ỹataqta qaica ca naigui ca shiỹaxaua da maiche ño'oxoreetapeguela't. Qalaxaye nache 'ena'am so'ot damaye. Qaq nagui nache qami' sa'aqtaxanema nam ỹauanaqchecpi qataq dam aỹem ỹaỹaanaxanaxanec so Qarataxala' Jesucristo.

2 Corintios 12:1 Referans Kwoze

Gálatas 1:12

Damayi sa ishit da chochi sachigoxoto'ot ca camachaqca shiÿaxaua. Qataq sa ishit da huo'o ca chochi aÿim lapaxaguenatac, cha'ayi nachiso so Jesucristo so aÿim ÿaÿajnaxanaxanec damayi.

1 Juan 5:20

Nataq'en qomi' saÿajnaq da so llalec ñi Dios, somayi anac da qomi' ÿanema da qadauattonaxanaxac, da yaqto' sauattonaqta ñim ÿoqta 'eesa Dios. Qaq ñi'adaqtau'a som llalec Jesucristo som ÿataqta 'eesa. Qaq 'eso som qadta'a Dios, qataq nachiso som chigoqo'ot da nca'alaxa mayi chochaq tateec.

2 Corintios 12:7

Qaq de'eda ÿauanaqchic ÿataqta qaica ca 'en'am da lli'oxoyic. Qalaxayi da yaqto' sa ishit da sagaqten da ñi'amqajñigui, nachi aÿim qoÿanem da ñiqui'ic, 'eeta'am aca ÿaxat le da huo'otaq i'attaigui da i'oquiaxac. Damayi lamaxashic so shiÿaxaua lma'na da aÿim iuaxan.

Gálatas 2:2

Qaq saigue damayi, cha'ayi ñi Dios ÿauo'o co'ollaxa da ÿauanaqchic, da yaqto' aÿim saigue damayi. Qaq co'ollaq huaña yi Jerusalén co'ollaq huaigui so ÿaqauga ltaxaÿaxac som nachi 'eetai'salo da nataxala'te, nachi sa'aqtaxaatapeguema da 'eetec dam n'aqtac mayi sa'axattapeguem nam saq judiopi. Qaq so'ot de'eda, cha'ayi sa saÿamaxaden da qaica ca naigui dam mashi semat qataq ñaq shicto'ot da so'ottac nagui.

2 Corintios 12:11

Aÿim 'ico' huo'o da ñi'onataxac souaxat da maichi ñi'amaqten, qalaxayi qami' mayi qauayiñiÿa'a aÿim. Qamaq qamí'ctaxa mayi qavi'oxoyiñiitac aÿim, cha'ayi sela'a da sa ishit da aÿim napacalec nam qoquiitague'pi mayi 'eetega da nataÿaña nam Jesús lamaxashicpi, nai'ctaxa da aÿim qaica ca shinec.

2 Corintios 8:10

Qaq qami' sanema de'eda iuennataxac, yaqto' saqca ca da da qoñiita. Qami' so lÿa vi'i sogote da qau'ochiitac de'eda. Qaq saqdata da qau'ochiitac damayi, cha'ayi ÿataqta huo'o da qadhuogoqoi.

1 Corintios 10:23

'Eesa quenaxa na n'aqtac da 'eeta': “Sa ishit da qaillapeguem ñi 'oonolec da maichi ÿoiqueetac ca i'ot,” qalaxayi sa ishit da 'enauac na lataxaguesat da n'onaxat ca shiÿaxaua. Aja', 'eesa da sa ishit da qaillapeguem ñi 'oonolec da maichi ÿoiqueetac ca i'ot, qalaxayi sa ishit da 'enauac da nañaxat naq'en.

Hechos 23:11

Qaq se'eso pe nachi so qadataxala' nachaxana so Pablo, nachi 'eetega, 'eeta': –Pablo, 'an'añaxat qome, cha'ayi de'eda qonetec co'ollaq aÿim 'au'axattac can huaña na Jerusalén, nataq'en nachida qome da qonetec da aÿim 'au'axat qom huaña yi Roma.

Hechos 18:9

Qaq huo'o so pe, nachi so qadataxala' 'enapego' so Pablo co'ollaq huaigui so l'ochaxa, 'eeta': –Sa ishit qome da 'ayi'itac, nachi qoqueto'ot da 'ad'aqtaxanaxac, sa ishit da 'anañaxaañi.

Juan 16:7

Qalaxayi ÿataqta 'eesa de'eda qami' sa'axatema, mayi 'eeta': Aÿim ÿaÿamaqchiguiñi da ashic souaxat da qoñiita. Cha'ayi da sa ishit da ashic, nachi sa ishit qome da anac da qami' hueta'agueta cam qami' itaua'n qataq qami' i'añaqchi't. Qalaxayi da aÿim ashic, nachi ñamaq qome camayi.

1 Corintios 6:12

'Eesa quenaxa da n'aqtac da 'eeta': “Sa ishit da qaillapeguem ñi 'oonolec da maichi ÿoiqueetac ca i'ot,” qalaxayi sa ishit da 'enauac na lataxaguesat da n'onaxat ca shiÿaxaua. Aja', 'eesa da sa ishit da qaillapeguem ñi 'oonolec da maichi ÿoiqueetac ca i'ot, qalaxayi ca shiÿaxaua sa ishit da ÿauaqta'a da 'ico' lcoñitaguishic ca i'ot.

Juan 18:14

Qaq se'eso Caifás nachiso' co'ollaxa so 'eetega na judiopi da souaxat namayipi nachi ÿaÿamaqchiguiñi da ca 'oonolec shiÿaxaua ishit da ileualec na lauo' l'ecpi.

Efesios 3:3

Cha'ayi ñi Dios ÿachaxan da lataxac da lapaxañi co'olloxochiyi mayi saq cha'a da aÿim ÿaÿajnaxanaxanec. Qaq damayi sogote da shiyiñi da cada'ac sa'axatapec.

1 Corintios 14:6

Qaq ÿoqo'oyi qami' ÿaqaÿa't, da huo'otaq qami' ñoqo'onalo da qami' sa'aqtaxanema, nachi qami' sedolguete naua n'aqtaqa sa qaÿauangalo, qaq da huo'otaq sa ishit da sa'axat ca qomi' ÿaÿajnaxanaxanque ñi Dios, huo'otaq ca nauattonaxanaxac, huo'otaq ca n'aqtaxanaxac mayi chigoqo'ot ñi Dios, huo'otaq ca napaxaguenataxanaxac, qaq ¿négue't ca qauachigoxochiÿaigui de'eda itaxaÿaxac? ¡Qaica!

2 Corintios 12:5

Aÿim ishíttaxa da ñi'amaqten da shiita'am se'eso shiÿaxaua, qalaxayi aÿim sa ishit da maichi ñi'amaqteela't. Chaqdata da ñi'amaqchingui dam i'ot da qaica ca i'añaxac.

2 Corintios 12:9

Qalaxayi somayi aÿim 'enapega, 'eeta': “Da ÿoqouagaxanaqtaic mashi 'am hueto'ot, qaq saqca ca lÿa 'aueetac. Cha'ayi da i'añaxac yi'oq da nachattaigui ca shiÿaxaua qaica ca l'añaxac.” Qaq ÿoqo'oyi ÿataqta samachiguiñi da saqca ca i'añaxac, yaqto' da l'añaxac so Cristo yi'oq da aÿim nachattaigui.

1 Ts 4:15

Qaq ÿoqo'oyi de'eda sa'axataqtapeguema qami', damayi l'aqtac so qadataxala' Jesús, da qomi' mayi ña ñica'alaqtauec qom ñi'iguelaq somayi, sa ishit da qomi' datalguete nam mashi qanmataxanaxaneec.