2 Corintios 11:9 - Nuevo Testamento Toba Sur

⁹ Qataq co'ollaq qami' sootaiguilo, qalaq huo'o da iuenaxanaxa, qalaq sa ishit da huo'otaq huo'o ca aÿim nsallaxaueetapegue' da qoñiita. Cha'ayi soua qadqaÿa't mayi chigoqda'ague da Macedonia, soomayi aÿim ÿanema asom soueetaique. Qaq ÿataqta lta'adaic da itelaxa da huo'otaq huo'o ca nsallaxaueetapegue' aÿim da qoñiita, qaq damayi nachi 'eetai' da shicto'ot qome.

Nuevo Testamento Toba Sombrero Negro

⁹ Ca'li ami jouetauelo qama'le 'uo ga'me jouetaque, qalaĝaja qaya'te ua'a ta'le ami jachoĝoyalo qaedi jayem alecochiiya. Yema di'me aleua jo'ne Macedonia jogaa'me p'etaqadaiquipi jayem novideta ca'li qama'le jayem yate'm yema ga'me jouetaque. Jepaquetapega ta'le ja diyachitapiyelo naa'me adai'lidi' qa'a jouaĝat da'me jayem, qama'le nach'e eta't ja'uo da'me dojo'.

La'aqtaqa Ñim Lo'onatac 'Enauacna 2013

⁹ Qataq co'ollaq qami' sootaiguilo, qalaq huo'o da iuenaxanaxa, qalaq saishet da huo'otaq qami' seỹaxaataiguilo da aỹem qautauañi. Cha'aye nam ỹa'amaqten So Jesús maye lma' ye 'alhua Macedonia, aỹem nviraxata aso ltaunaxanaqte maye naigui nam seueetacpi. Qaq ỹataqta lta'araic da itelaxa da huo'otaq huo'o ca aỹem ime'eguet da qoñiita, qaq damaye nache 'eetai' da shecto'ot.

2 Corintios 11:9 Referans Kwoze

1 Ts 2:9

Qami' qadqaÿa't, machi qauaÿajñiita co'ollaq qami' souaqta'agueta, qalaq ÿataqta so'onataxanaqtac, qataq ñasamaqtañi. Cha'ayi ñishoqtaique da ñauegaq cam qadhuenec. Qaq nachida da huo'o mshi so'onataxanaqtac na na'axa'tesat qataq pesa'chi, yaqto' sa ishit da huo'o ca nsallaxaueetapegueto qomi' da qoñiita. Qaq 'eda da shinaqtec co'ollaq qami' sa'axataqtapeguema da l'aqtac ñi Dios.

1 Ts 2:6

Qataq sa ishit da qomi' ñimitaqtaique da qomi' qavi'oxoyiñi', huo'otaq na ÿaqauga shiÿaxauapi, nai'ctaxa da qomi' lamaxa'shi so Cristo. Qalaxayi ñaqaiyita sa ishit da nachida da shigaqtega da yaqto' qomi' qauloigueta.

Hebreos 11:37

Qataq huo'o na qaÿalauat, qaidota'a na coma'. Qataq huo'o na qaiquesoxogui na lasot, qataq huo'o na ÿataqta qaÿi'iguen, qataq huo'o na qaidota'a na ÿilonec da qaÿalauat, qataq huo'o na chochi tateu'alo, ÿaatrañi naua anogo chigaqaiguilo na l'oc ana qagueta qataq na quetaq, ÿataqta huo'o da lachoxoyic qataq da nque'ejnaxac, qataq qaica ca nyacnataguec.

Filipenses 2:25

Qalaxayi nataq'en iuen da hua'auñi da qami' samaxalo ñi qadqaÿa Epafrodito ñim ñitaunaxaua de'eda qad'onataxanaxac qataq da qanloquiaxac, ñim maichi aÿim qanamaqaÿa co'olloxochiyi da yaqto' huapegue' na iuenecpi.

2 Corintios 9:12

Cha'ayi da qomi' sanaxam aca qadtaunaxanaqte ca qadqaÿañicpi, qaq sa ishit da chaqdata da sanaxam cam iueetac. Cha'ayi nataq'en qomi' so'otaq da camayipi ishit da ÿataqta ÿaatacot da lta'adaic n'achiquiaxac ñi Dios.

2 Corintios 6:4

Chaqdata da sauoqtaique da 'enauac nam so'otaqpi ichoxot da qomi' l-lataqa ñi Dios, souaxat da qanhualaxaunaxac da ñi'añaxataxaguet 'enauac na qanque'ejnaxaguesat, qadhuenaxanaxa qataq nam qanqanaqtagueguesat.

Hechos 20:33

Aÿim sa ishit da chochi ñaquitta'a co'ollaxa aca alom huo'otaq ca logoxot ca camachicague't shiÿaxaua.

Hechos 18:3

qaq cha'ayi nachi 'eeta'ama soomayi da l'onataxanaxa'c da i'ottrac na npe'l, nachi na'asopa soomayi da l'onataxanaxa'u.

Hechos 18:5

Qaq co'ollaq nvilyi' so Silas qataq so Timoteo, chigoqda'ague da Macedonia, nachi so Pablo ÿataqta nalamaqteguet da i'axattac da l'aqtac ñi Dios, qataq ÿataqta da'aqtaxaatem na judiopi da so Jesús somayi nachiso so nta'a mayi qadca'alaxaqui mayi qaiuattaique.

Romanos 15:26

Cha'ayi nam Macedonia l'ecpi qataq nam Acaya l'ecpi mashi huo'o da lhuennataxa da i'ot aca ltaunaxanaqte da ÿauotaique da ÿamaxa cam qadqaÿañicpi choxodaqpi mayi netaña yi Jerusalén.

1 Corintios 16:17

Ÿataqta ñitootapeguec da nvilda'a na soota'a na Estéfanas, qataq na Fortunato, qataq na Acaico, cha'ayi naamayi ishit da i'o't dam sa qauañoxochi, souaxat da qomi' qaÿoqtachi.