2 Corintios 11:3 - Nuevo Testamento Toba Sur

³ Cha'ayi de'eda 'eetec so n'adaxanaq mayi sa nqalaataxaic co'ollaq ÿatenachit aso Eva. Nachida da i'ot da icolanaxa da sa iuena'a da nataq'en ishit da qami' qaÿatenachi't, nachi da qadhuennataxaqui ishit da dashiueguesop dam huesochiguiñi qad'amqajnataxanaxaqui so Cristo.

Nuevo Testamento Toba Sombrero Negro

³ Qalaĝaja jo'oyapega ta'le aueñiya'am jadi'me Eva ca'li ñe'me nanaic yoqovin, 'me ja naqala'te' da'me loqovinaĝanaĝac. Nach'e ena'am da'me ami qom yovida'a da'me ami qoyoqovi'n, qama'le uotaĝa aĝañiñi da'me ami nedo'ta't nataq'aen yataqatelo'te da'me oquiyegue ñe'me Cristo.

La'aqtaqa Ñim Lo'onatac 'Enauacna 2013

³ Cha'aye de'era 'eetec so na'araxanaq maye sa nqalaataxaic co'ollaq ỹatenachet aso Eva, nachera da ỹo'ot da icolanaxa da saiuena'a da nataqa'en ishet da qami' ỹatenache't. Nache da qarhuennataxaqui ishet da dasheueeguesop dam huesochiguiñi qara'amqaanataxanaxaqui So Cristo.

2 Corintios 11:3 Referans Kwoze

Colosenses 2:8

Qaq maxatchaxa qome, sa ishit da qoquiigue nam nshitaique da qami' ÿatenachi't da qami' idolguete nam naÿajnec lma'na qataq nam nhuennataxacpi mayi saq 'en. Cha'ayi namayipi sa ishit da chigoqchigui so Cristo; chaqnata nam n'onataxacpi na shiÿaxauapi qataq nam lhuennataxacpi da tatapigui lauel na chochi yi'oqchigui.

Gálatas 1:6

Aÿim ÿataqta lta'adaic da i'aalaxa da qoñiita, yi ÿataqta saqaÿalqo' da qoquiÿa'ai ñi Dios ñim ÿachigoxotchigui da lauotaxanaqtaic da shinaqta so Cristo co'ollaq qami' iÿaxanalo. Ÿataqta sa'aalac da qoquiigue da ÿaqa'a n'aqtaxanaxac mayi qoÿiitega chigaqaigui da nca'alaxa.

Efesios 4:14

Nachi sa ishit qome da shinaqta'am ca nogotolec mayi qaica ca lqalaic da qaÿashaxaneec, qataq chochi ÿachitac na 'ico' l'at mayi nachina na ÿaqa'a napaxaguenataxanaxacpi. Huaña, nachi ilamaxata'aguet na shiÿaxauapi mayi sa nqalaate' da latenataxanaxac mayi nshitaique da qomi' ÿaueca'alo da nsomaxac.

Colosenses 2:4

Qaq qami' sa'axatema de'eda, yaqto' sa ishit da huo'o ca qami' ÿatenachi't souaxat naua chochi n'onaxa't ltaxaÿaxaco mayi dashaxanataxa'n.

1 Juan 4:1

Qami' ÿaqaÿañicpi, sa ishito' qome da qau'amaqchiñi 'enauac nam 'eetega da i'aqtaxanaxac ñi Dios. Chaqdato' da qauchimaxachiÿa camayi, yaqto' qauaÿajñiita da naua lhuennataxaco ÿataqta chigoqo'oto ñi Dios, huo'otaq sa ishit. Cha'ayi ana 'alhua mashi huotaique da nlaxalec na tenataxanaxaicpi mayi 'eetega da i'aqtaxanaxan ñi Dios.

1 Timoteo 2:14

Qaq so Adán sa ishit da nachiso so qaÿatenachit. Chaqasota aso Eva mayi qaÿatenachit. Qaq co'ollaq qaÿatenachit, nachi huo'o da lasouaxashit.

Apocalipsis 12:9

Qaq 'eda da 'eetec co'ollaq qaÿamaqhuec se'eso 'ico' da'ail'oc. Qaq somayi nachiso so n'adaxanaq mayi l'atchiguiñi da datenataxan, l'enaxat Satanás, som shiÿaxaua mayi lma'na. Qaq somayi qataq 'enauac so nallippi qai'odalec ana 'alhua.

Hebreos 13:9

Qataq sa ishit qome da chochi qami' ÿauecta'pe na ÿotta'a't napaxaguenataxanaxacpi mayi sa qaÿauanapega. Qaq nachaqdata da ÿataqta ÿaconguet qome da qadquiyaqteÿaxaqui da l'añaxac mayi chigaqaigui da lsoxoyic ñi Dios, mayi saq 'en'am da lataxac naua nalli'c da huo'o na qanallic qataq na sa qanallic. Cha'ayi de'eda lataxac da sa qanallica'acda', nam ÿataqta quetegue da i'ot, qalaq sa ishit da huo'o ca nshapeque.

Juan 8:44

Qami' som qadta'ai, nachiso som shiÿaxaua mayi lma'na. Somayi qami' lalamqa'te, ÿoqo'oyi qanshiitaique da qau'ochi cam 'eetapeguec somayi. Se'eso shiÿaxaua mayi lma'na, somayi ÿataqta laataxanaxaic. Nachi chigoqchiguiña co'ollaq chita'ague da qai'ot ana 'alhua, somayi sa ishit da hueto'ot ca 'eesa lataxac, qaq ÿoqo'oyi sa ishit da 'en ca l'aqtac. Qaq somayi da huo'otaq nasaxauec ca latenataxanaxac, nachi ÿataqta ipacchigui da maichi lataxac. Cha'ayi somayi ÿataqta tenataxanaxaic, qataq nachiso so lta'a da natenataxanaxac.

Gálatas 3:1

¡Aicoue, qami' Galacia lashi', ÿataqta qaico' ca qauaÿajñiÿapec! ¿Chaq négue't ca qami' ÿayi'n, yi sa ishit da qaualaqailec dam 'eesa n'aqtac? Yi so hua'auchiguiñi qad'aqtaxanaxac ÿataqta nachiso so Jesucristo so qami' sachaxanaqtalo som qaipe'enguet co'olloxochiyi so qo'ipaq.

2 Corintios 1:12

Cha'ayi da i'ot da qantonaxac 'eeta': da qantounaxac qomi' da'aqtaxanema da qadataxac ÿataqta qui'itta qataq qomi' 'eesoda nagui da ñaq souaqta'aguet na shiÿaxauapi ana'ana 'alhua, qataq lamaaxa da qoñiita. Qaq de'eda no'on qadataxac, damayi chigoqchigui da lqouagaxanaqtaic ñi Dios, qaq sa ishit da nachida da maichi qadaÿajnec.

1 Juan 2:18

Qami' ÿalqolqa, mashi nvildeuo naua pa'atreec na'axa'te, qaq qami' qauaÿajñi da huo'o qome ca anatai' mayi npa'aguene' so Cristo. Qaq nagui mashi qalota na yi'oq nam npa'aguene' somayi. Ÿoqo'oyi qomi' saÿajnaq da mashi nvildeuo naua pa'atreec na'axa'te.

2 Pedro 3:17

Qaq ÿoqo'oyi qami' ÿaqaÿadolqa, nagui da mashi qauaÿajñiitac de'eda, qaq no'on da ÿataqta qanchilliila't, da yaqto' sa ishit da chochi qami' ÿauecta'pe da latenataxanaxac na shiÿaxauapi qauemaicpi, nachi ishit da qoquiÿa'ai da qad'amqajnataxanaxaqui.

Gálatas 4:11

Qaq ÿoqo'oyi aÿim ÿataqta lta'adaic da icolanaxa da sa iuena'a da qaica ca naigui da i'onataxanaxac mayi huaigui da qoñiita.

2 Corintios 2:17

Qalaxayi qomi' sa ishit da 'ico' qomi' nmenaxaiqa da semenaqta'pe naua l'aqtaqa ñi Dios, da huo'otaq shinaqta'am nam qalota mayi ÿashaxaadeec naua n'aqtaqa. Chaqdata da ÿataqta qomi' 'eesoda da sa'aqtaxanaqtac, qaq qomi' ÿaÿate'n ñi Dios, cha'ayi maichi qomi' lamaxa'shi, qataq qomi' l-lataqa so Cristo.

2 Pedro 3:3

Qataq qami' qauennachiÿa'a qome de'eda 'eeta': Caua pa'atreec na'axa'te, nachi huo'o qome ca shiÿaxauapi ÿataqta ÿi'inai' da qad'amqajnataxanaxaqui. Camayipi quetaiguilo naua n'onataxaco mayi qauema.

2 Timoteo 3:13

Qalaxayi na qauemaicpi qataq na tenataxanaxaicpi taÿañicda, nquicta'aguet 'enauac na sa ÿaÿamaxañisat. Namayipi datenataxaatac, qalaxayi nachi 'en'am natenatac.

1 Ts 3:5

Ÿoqo'oyi aÿim co'ollaq sa yalo'oguet da iuennataxa da qoñiita, nachi samaq so Timoteo da ichimaxata da qadpi'iÿaxaqui. Cha'ayi mashi huo'o da itelaxa da huo'otaq qami' ÿatenachi't so 'iguenataxanaxaic shiÿaxaua lma'na, nachi saqca ca naigui da qad'onataxanaxac.

Efesios 6:24

Qaq ñim Dios ÿanem qome ca no'on 'enauac nam ÿauotec so qadataxala', nam sa ishit da ÿalat da lauochi somayi. Aja', nachi 'eetec.

Gálatas 2:4

Qaq ÿoqta 'eesa da huo'o na n'enaqchingui da 'eetega qadqaÿañicpi. Namayipi nqañoxottañi da chochi qomi' ÿalectaiguilo da nshitaique da qaÿauo'o ca n'anaxashit somayi. Qaq namayipi chochi 'axaÿaxanaxanecpi, da yaqto' imeten da qadataxac mayi huesochiguiñi da ñi'adaqtau'a so Cristo Jesús, cha'ayi nshitaique da qaltaq qomi' l-lataqa naq'en na nqataxacpi.

2 Corintios 4:2

Qataq mashi sa ñashinaxaguet 'enauac na qoÿoxottañipi da qai'ot, qataq nam i'ot da n'aloxo. Qataq sa ishit da chochi satenataxanaqtac, qataq sa ishit da sashaxanaxaadeec naua l'aqtaqa ñi Dios. Chaqdata da 'eesoda naua sa'axata'q, qaq 'enauac na shiÿaxauapi ÿaÿaten da qomi' 'eesoda, qaq damayi ÿaÿateeta ñi Dios.

Mateo 24:24

Cha'ayi ÿataqta qalota qome na anac da 'eetega nta'a nca'alaxaqui, huo'otaq 'eetega da l'aqtaxanaxanecpi ñi Dios. Nachi namayipi i'ot qome na lta'adaic n'anecpi qataq nam sa qaÿauanapega, da yaqto' datenataxan. Qaq sa iuena'a da ishit nataq'en qome da ÿañoxot da ÿatenachit nam lca'aguishicpi ñi Dios.

Judas 1:4

Cha'ayi huo'o na shiÿaxauapi quetaigui da latenataxanaxac da qami' taiguilo. Namayipi nal'ena co'ollaxa da i'axa't naua ñiyigui'shi l'aqtaqa ñi Dios da taÿa'a da 'itchiguiñi nhuaxanaguec. Namayipi ÿataqta qauemaicpi, cha'ayi ÿaconguet da lqouagaxanaqtaic ñi qadta'a Dios da chochi da'ashiÿoigui da i'o't naua n'onataxaco da lapachiyaxac, qataq nqolguete' ñi Dios ñim qomi' lalamqa'te qataq so qadataxala' Jesucristo.

Tito 1:10

Cha'ayi mashi saqalota na sa ÿalaq, lamaaxa na judiopi. Namayipi ltaxaÿaxaco naua chochi n'ajnaxaiqa, qataq ÿatenachittalec na shiÿaxauapi.

1 Timoteo 1:3

Ñishitaique da 'am ñaq qonetaña yi la ciudad Éfeso, 'eeta'am so lÿa na'a'q co'ollaq aÿim sata'ague da 'alhua Macedonia, cha'ayi huo'o na dapaxaguenataxaatapeguec na sa lataxac. Ÿoqo'oyi ñishitaique da qonapega namayipi da sa ishit da quetalec da dapaxaguenataxaatapeguec de'eda,

Colosenses 2:18

Qaq sa ishit qome da qauauaqaita'a da sa qami' talguete naq'en ca qanshiitenaxachi nam shiÿaxauapi mayi chochi huomoigui da 'ico' qaica ca n'amqajnaxac qataq natameetacot na namaxashic piguem l'ecpi. Cha'ayi namayipi taigui da i'ot cam sa ishit da ÿoqta ÿauaachigui, qataq chochi ÿashittagui da ñi'oxonnaxac, souaxat naua maichi lhuennataxaco da lapachiyaxac.

2 Corintios 11:29

Qataq da huo'o ca qaica ca l'añaxac, nachi aÿim nataq'en 'eeta'am da qaica ca i'añaxac. Da huo'otaq huo'o ca huañi qanqoÿin, qalaq aÿim huo'o da ñique'etaxangui da icoxo qataq da ÿalemataic.

Romanos 12:8

Qaq cam tateu'a da ÿaÿaten da i'añaqchit ca lÿa, qaq nachiyi huelec da i'ot. Ca da'agaxanaqta, qaq sa ishit qome da huo'o ca chochi naquitta'a. Ca tateu'a da nataxala', qaq ÿataqta ilotelec qome da l'onataxanaxac. Ca tateu'a da itaunec da lhuenaxanaxa ca lÿa, qalaq chaqdata qome da lamaiquiaxac.

Apocalipsis 20:2

Qaq se'eso namaxashic, somayi ÿaconeu'a so 'ico' da'ail'oc som l'atchiguiñi n'adaxanaq mayi nachiso so shiÿaxaua lma'na, l'enaxat Satanás, nachi icoñidai' mil vi'iyi.

2 Corintios 11:20

Cha'ayi qanviñiiguet nam shiÿaxauapi mayi qami' icoñida'aque da chochi qami' l-lataqa, qami' deque'etapiguilo, qataq 'ico' qami' lalamqa'te, qataq sa ishit da qami' ÿauoteque. Nda'a't da iuaxaatapoiguilo naua qadashigolli'.

Efesios 4:22

Qaq ÿoqo'oyi dam toguishic qadataxaqui co'ollaxa, damayi no'on da ÿataqta qaualachiiuec. Cha'ayi damayi taÿa'a da qanlaxajñi, qataq ÿataqta quichigui da natenataguec souaxat nam qauem 'eetapegueguesat.

Apocalipsis 12:15

Nachi se'eso n'adaxanaq ncosaueegue so 'etaxat, nauoigui naq'en na alap, da ÿauotaique ca l'auaxac, da yaqto' huaÿoxon naq'en asa'aso 'alo.