2 Corintios 11:29 - Nuevo Testamento Toba Sur

²⁹ Qataq da huo'o ca qaica ca l'añaxac, nachi aÿim nataq'en 'eeta'am da qaica ca i'añaxac. Da huo'otaq huo'o ca huañi qanqoÿin, qalaq aÿim huo'o da ñique'etaxangui da icoxo qataq da ÿalemataic.

Nuevo Testamento Toba Sombrero Negro

²⁹ Qom 'uo ga'me yeleuac, nach'e ena'am jayem jeleuac; 'uo da'me yepocoĝo nataq'aen yalemataic da'me jauana ga'me qadaqaya qoyen taue ga'me loec.

La'aqtaqa Ñim Lo'onatac 'Enauacna 2013

²⁹ Ỹataqta aỹem ỹalolaqchet da huo'o ñi selota'a da sa no'on, qataq ỹo'ot da icoxo qataq ỹalemataic da huo'o ñi selota'a da ỹaueeguet da huo'o ca lasouaxashet naqa'en ca lỹa.

2 Corintios 11:29 Referans Kwoze

1 Corintios 9:22

Qataq naxa da sootaigui na saxanaxa da da'añi da lpi'iÿaxac, nachi se'enaxat da 'ico' qaica ca l'añaxac da ipi'iÿaxac, yaqto' ishit nataq'en da ñauec namayipi. Qaq ÿataqta ñacoola't da se'enaxatchigui da lliquiaxac ñi 'oonolec na ÿotta'a't shiÿaxauapi, yaqto' ishit da huo'o ca ÿigueuo da huo'o ca ñica'alaxateec namayipi.

1 Corintios 8:13

Qaq ÿoqo'oyi aÿim da sasouaxateguet da huo'o ca lasouaxashit ca ÿaqaÿa souaxat ca nallic mayi sachic, qaq no'on da nal'en sa ishit da sachic ca lapat, yaqto' sa ishit da sasouaqtaxan.

Apocalipsis 2:20

Qalaxayi huo'o da sa saÿamaxaden da qoneta. Cha'ayi 'am ÿataqta 'anashiiteguet añi 'alo l'enaxat Jezabel mayi 'eetega da l'aqtaxanaxana ñi Dios. Qalaxayi de'eda lapaxaguenataxanaxac isomaxanapec na ÿamaxashicpi da ÿaueca'aguet da nquishishaxac qataq da chic naq'en na nachitaqtaxanaxat mayi qaÿavigaxat da qoÿanot na nqolacpi.

Apocalipsis 2:2

Aÿim saÿaten 'enauac nam 'au'ottacpi, qataq saÿateeta da lta'adaic 'ad'onataxanaxac qataq da 'adhualaxavic. Qataq saÿaten da 'am sa ishit da 'anque'etaxaatapegue' da lataxac na qauemaicpi. Qataq aÿim saÿaten da 'am ÿataqta 'avi'iguen na 'eetega da lamaxashicpi so Jesús, qalaxayi saq 'en, qaq 'am 'aulalec namayipi da chochi tenataxanaxaicpi.

Gálatas 6:2

Ñi 'oonolec da qoñiita itauan qome ca lÿa da nachishiguem ca lli'ac, qaq yaqto' ishit da qaupaquiichigui da l'aqtac so Cristo.

Gálatas 2:14

Qalaxayi co'ollaq aÿim sela'a da sa ishit da natenguet da lataxac da lapaxaguenataxanaxac dam n'aqtac mayi chigaqaigui da nca'alaxa, nachi aÿim sevidaxato'ot so Pedro, ÿauaachigui ñaq'en 'enauac nam 'amqajnataxanaxaicpi. Shiita': “'Am, 'am judío l'ec, qalaq so lÿa na'a'q 'au'enaxat da n'onataxac na saq judiopi da 'axaañi da n'onataxac na judiopi, qalaq ¿tá'ainco' nagui da 'anshitaique 'eleetac na saq judiopi, da yaqto' i'enaxat da n'onataxac na judiopi?”

2 Corintios 13:9

Qaq ÿoqo'oyi qomi' ÿataqta samaqchiguiñi da huo'otaq qaica ca qad'añaxac, lamaaxa da ÿataqta qami' 'añaxaiqa. Qaq soqolaqtot da ñoqouagaxaunaqtac, yaqto' qami' ishit da ÿataqta qanaloichiguiñi.

1 Corintios 15:36

De'eda nnataxanaxac ÿataqta 'itaxalagui. Cha'ayi da huo'otaq qoÿaañi aca nanguishi ala, qaq asa'aso nanguishi sa ishit da ñaxat qom saxanaxa da ileu.

1 Corintios 12:26

Qaq ÿoqo'oyi da huo'o ca pa'aigue ne'ena nogoxoshitpi da huo'o ca iuet, nachi 'enauac na laÿipi daÿalli. Qaq da huo'o ca pa'aigue da ÿataqta qaÿi'oxoden, nachi 'enauac na laÿipi ntootapigui'.

1 Corintios 11:22

¿Saqcaua peta'a naua qadma'chilli' da qauqui'ii qataq qanÿomi? Qaq da nachi qoñiita'ac de'eda, nachi 'eeta'am da qau'otañiitac na laÿipi i'amaqteetacpi ñi Dios, qataq qauauoita'a da l'aloxo nam qaica ca yi. ¿Huá'ague ca 'eetec ca i'aqtac qami'? ¿Qami' saÿamaxadeete' peta'a? ¡'A'i, sa ishit da saÿamaxadeeta de'eda!

Romanos 15:1

Qomi' mayi ÿataqta 'añaxaic da qadpi'iÿaxac, qaica qome ca shigaqtega da saconaxaguet da sachoq da lqalviaxa nam sa da'añi da lpi'iÿaxac, qaq sa ishit da maichi qomi' ñaÿamaxadenaqtapeguela't.

Romanos 12:15

Qataq qauamaitapegue' cam matapec, qataq qannoinaxauai cam noÿiitapec.

Juan 2:17

Nachi soua lapaxaguenataqa iuennatre naua ñiyigui'shi l'aqtaqa ñi Dios, mayi 'eeta': “Ÿataqta 'ico' aÿim ÿavic naq'en da shiita lta'adaic na 'adma'.”

Mateo 11:6

Qaq ÿataqta machiguiñi qome cam sa ishit da aÿim ÿoqolguet.

1 Corintios 8:9

Qalaxayi qami' qautelaqtaxañiÿot de'eda qadataxaqui mayi huosochiguiñi da sa ishit qome da huo'o ca lasouaxashit naq'en ca saxanaxa da da'añi da lpi'iÿaxac.