2 Corintios 11:27 - Nuevo Testamento Toba Sur

²⁷ Qataq ñique'etaxangui da i'onataxanaxac qataq da ñaqalaatapigui'. Qalota da sa ishit da so'ochi, qataq ñique'etaxangui na ÿoqouaxa qataq na ÿaquip, qataq qalota da ñoqouaqchijla't. Qataq ñauane' da ñique'etaxangui na latomaxa, qataq da qaica ca ñapogoña.

Nuevo Testamento Toba Sombrero Negro

²⁷ Jalcote da'me 'yonataĝanaĝac, 'uo ga'me ua'a ja jaqanatet ta'le jo'oche; jec'on yoqouaĝa nataq'aen jelinquip, nataq'aen queda'me jouetaque ga'me yoĝot qama'le jec'on ga'me 'lomaĝa.

La'aqtaqa Ñim Lo'onatac 'Enauacna 2013

²⁷ Qataq ñeque'etaxangui da ỹo'onataxanaxac qataq da ñaqalaatapigui'. Qataq huo'oi naua pe' da saishet da so'oche. Qataq ñeque'etaxangui na iqouaxa qataq na ỹaquip, qataq souaxat da qaica ca ỹogoxot, nache ñeque'etaxangui na latomaxa.

2 Corintios 11:27 Referans Kwoze

Filipenses 4:12

Aÿim sanai'ac da sootaigui da iuenaxanaxa, qataq sanai'ac da sootaigui da qaica ca seueetac. Qataq aÿim saÿaten da ñala'aguet ca camachicague't, nai'ctaxa da huo'otaq ncomadaxa, huo'otaq nqouaxa, huo'otaq da qaica ca qaiuen, huo'otaq da nhuenaxanaxa.

2 Corintios 6:5

Cha'ayi qomi' qaiuaxaata'pe, qomi' qaicoñi't, qomi' qaicogaxaata'pe, qataq ÿagueec da qad'onataxanaxac, sa ishit da so'ochaq, qataq soqouataq.

1 Ts 2:9

Qami' qadqaÿa't, machi qauaÿajñiita co'ollaq qami' souaqta'agueta, qalaq ÿataqta so'onataxanaqtac, qataq ñasamaqtañi. Cha'ayi ñishoqtaique da ñauegaq cam qadhuenec. Qaq nachida da huo'o mshi so'onataxanaqtac na na'axa'tesat qataq pesa'chi, yaqto' sa ishit da huo'o ca nsallaxaueetapegueto qomi' da qoñiita. Qaq 'eda da shinaqtec co'ollaq qami' sa'axataqtapeguema da l'aqtac ñi Dios.

2 Ts 3:8

qataq sa ishit da chochi sachiguenaqtac ca aloq ñi 'oonolec da qoñiita da huo'otaq sa seshiitenaq. Chaqdata da so'onataxanaqtac, ñasamaqtañi na na'axa'tesat qataq na pesa'chi, cha'ayi sauoqtaique da sa ishit da huo'o ca nsallaxaueetapegueto qomi' da qoñiita.

Hebreos 11:37

Qataq huo'o na qaÿalauat, qaidota'a na coma'. Qataq huo'o na qaiquesoxogui na lasot, qataq huo'o na ÿataqta qaÿi'iguen, qataq huo'o na qaidota'a na ÿilonec da qaÿalauat, qataq huo'o na chochi tateu'alo, ÿaatrañi naua anogo chigaqaiguilo na l'oc ana qagueta qataq na quetaq, ÿataqta huo'o da lachoxoyic qataq da nque'ejnaxac, qataq qaica ca nyacnataguec.

2 Corintios 11:23

¿Namayipi peta'a l-latacpi so Cristo? Qaq nataq'en aÿim ÿacteec da ñapactelec namayipi, qaq nai'ctaxa da 'ico' huo'o da ñi'onataxac da shinapec de'eda. Qalaxayi aÿim ÿacteec da i'onataxanaxac, saq 'en'am namayipi. Ÿacteec da ñiuaxanaguec, qataq ÿacteec da ñicoñitaguec. Qalota da sootaigui da lchic da ñalaataguec.

1 Corintios 7:5

Qaq sa ishit da nmaqtega't caamayi. Chaqdata da huo'otaq nsoxoota't caamayi da ÿauo'o ca laloqne'c da sa ishit da nauaña't da ÿauotraique da ÿataqta nañaadeguet da nqouagaxaunaxa'c. Qalaxayi da ime, nachi qaltaq ipactegue da nauaña't, cha'ayi sa iuena'a da ÿasouaxat da sa ishit da naÿateetrela't, nachi so Satanás huo'o ca lligueuo da ÿauo'o ca lasouaxashi't.

Hechos 14:23

Nataq'en qaÿauo'o na lataxala'pi na 'amqajnataxanaxaicpi. Qaq co'ollaq ime da sa deque'e' souaxat da nqouagaxaunaxa'c, nachi qan'onaxata'aguet namayipi da ltelaxa ñi qadataxala' mayi qai'amaqteetac.

Hechos 20:31

Qaq maxatchaxa qome, qanloishiguem, qauennachiÿo' qome soua tres vi'iyi, da ica'n naua na'axa'te qataq naua pe' da qami' saqattegalo, ñoÿiitalec ñi 'oonolec da qoñiita.

Mateo 17:21

Qalaxayi ne'ena 'eeta'am se'eso n'ec leguemaxaic, da qai'odauec, qalaq iuen da nqouagaxauen qataq nqouaqchit ca shiÿaxaua.