2 Corintios 11:26 - Nuevo Testamento Toba Sur

²⁶ Qataq ÿataqta qalota da sequeuotac, qataq ñauane' da lchic na talapi, qataq na cachaxaicpi, qataq na maichi iuo' l'ecpi, qataq nam chigaqa'ague cam lÿa 'alhua. Qataq ñauane' nataq'en da lchic nam la ciudatpi, qataq naua n'onaxayi, qataq ana auaxai. Qataq ñauane' da lchic nam 'eetega qadqaÿañicpi, qalaxayi tenataxanaxaicpi.

Nuevo Testamento Toba Sombrero Negro

²⁶ Jayem jalcote da'me ja'uo yeuoĝoc; 'uo ga'me ua'a jauana ga'me ñache jo'ne 'uo da'me lichic, nataq'aen gaa'me cachaĝaiquipi, nataq'aen gaa'me mach'e yeyepiyayipi nataq'aen gaa'me yaqa'a jiyaĝadipi. Nataq'aen jauana da'me 'uo da'me lichic ga'me noic let'adaic, ga'me 'nonaĝa, nataq'aen ga'me noĝop let'a nataq'aen gaa'me qadaqaya' jo'ne ja yataqachiñe ejoda.

La'aqtaqa Ñim Lo'onatac 'Enauacna 2013

²⁶ Qataq ỹataqta qalota da sequeuotac, qataq ñauane' da sa'axasoxootapigui na talapi sa seren da ñachaalataxac, qataq nataqa'en sevira'a naxa da hua'c da aỹem qaicachiỹa da huo'o ca qoỹeetec da ñachaalataxac, nataqa'en da lchec da sootaigui na maiche ihuo' le'ecpi, nataqa'en da sootaigui na saishet da ihuo' le'ecpi. Qataq ñauane' nataqa'en da lchec da sootaigui na qalota nỹecpi, nache 'ena'am da hualec na no'onaxa, qataq ana auaxai. Qataq ñauane' da lchec nam 'eetega qarqaỹañicpi, qalaxaye tenataxanaxaicpi.

2 Corintios 11:26 Referans Kwoze

Hechos 14:5

Nachi nam judiopi qataq nam saq judiopi naÿamaxate' na nta'alpi da qaitaxaÿapiguilo soomayi, da yaqto' sa qaÿalemaxa't qataq da qaÿasa'q na coma'.

Hechos 25:3

Nachi qanachoxodeetacot somayi da ishit da nqouac da damaxasoxona so Pablo da qanauega yi Jerusalén. Qaq da lhuennataxac somayipi nshitaique da damaxasoxoolec somayi da qaÿachangui na nqa'aic da qaÿalauat.

Hechos 20:19

Qaq 'enauaque se'esoua na'axa'te da qami' soota'agueta da so'onataxaatacot so qadataxala', qalaq qaica da ñapagaqchiitac. Nda'a't da qalota da ñineenaxac, qataq qalota na ñi'iguenataguecpi mayi aÿim i'otec na judiopi.

Hechos 17:5

Qalaxayi ñaqaiyita huo'o nam judiopi nam sa ishit da da'amqajnataxan. Nachi namayipi ÿataqta huo'o da ndaxaÿaxa, nachi laÿona't nam shiÿaxauapi qauemaicpi mayi qaica ca i'ot, quetapeeguelo naua nqa'aico, da qainogoqchit. Nachi somayipi chochi idaxangui nam netaña so la ciudad. Nachi qanqo'ona ca lma' so Jasón da qainoxottac, qanmittaique so Pablo qataq so Silas da qaÿauotaique da qaÿaconeu'alo, nachi qoÿaneu'alo na shiÿaxauapi.

Hechos 13:50

Qalaxayi nam judiopi nachi huo'o ana detaxaÿot nam ÿi'oxodaipi 'alpi mayi quetague' ñi Dios, qataq nam ÿallippi mayi 'amaqtaqaicpi se'eso la ciudad, da ÿayina'a namayipi, da yaqto' sa qaÿalemaxat so Pablo qataq so Bernabé, chochi ivitta'a da queda'ai qanqoÿin se'eso 'alhua.

Gálatas 2:4

Qaq ÿoqta 'eesa da huo'o na n'enaqchingui da 'eetega qadqaÿañicpi. Namayipi nqañoxottañi da chochi qomi' ÿalectaiguilo da nshitaique da qaÿauo'o ca n'anaxashit somayi. Qaq namayipi chochi 'axaÿaxanaxanecpi, da yaqto' imeten da qadataxac mayi huesochiguiñi da ñi'adaqtau'a so Cristo Jesús, cha'ayi nshitaique da qaltaq qomi' l-lataqa naq'en na nqataxacpi.

2 Corintios 11:32

Co'ollaq soota'a yi Damasco, nachi so nta'a mayi ilotague' yimayi, mayi do'onataxaatacot so lÿa nta'a l'enaxat Aretas, somayi ÿauo'o so nallippi da qanauan naq'en so lasom yi la ciudad, da yaqto' aÿim qaÿaconeu'a da aÿim qaicoñi'.

1 Corintios 15:32

Aÿim 'eeta'am da ÿataqta selogui' na shiguiÿacpi co'ollaq soota'a na Éfeso, qalaxayi ¿negue'tom ca sachigoxotaigui damayi? Da huo'otaq sa ishit da 'en da nca'aleec qanqoÿin na leuaxaicpi, qaq ÿoqta 'eesa quenaxa da n'aqtac mayi 'eeta': “Sequi'aq qataq ñiÿomaq, cha'ayi qome nte' seleuaq.”

Romanos 15:19

qataq da l'añaxac na n'anecpi qataq nam sa qaÿauanapegapi qataq da l'añaxac so Espíritu Santo. Qaq 'eda da 'eetec da aÿim sematta da sa'axat da n'aqtac mayi n'aqtaguec so Cristo dam chigaqaigui da nca'alaxa, sachigoqchiguiña yi Jerusalén qataq 'enauaque naua 'ale'u, chochi sovitta'a yi Iliria.

Hechos 23:10

Nachi ÿataqta lta'adaic da cotaxac. Nachi som huataxanaq lta'a ÿataqta huo'o da lcolanaxa da qanaviigui so Pablo. Huaña, nachi damaxasoxoneuga so nallippi da yaqto' nqateeguesop somayipi so Pablo, nachi qaltaq ÿauegueu'a so lma' na huataxanaq.

Hechos 19:23

Qaq se'esoua na'axa'te nachi huo'o so lta'adaic cotaxac souaxat da l'aqtac ñi Dios.

Hechos 19:1

Qaq so Apolo co'ollaq ñaq hueta'a yi Corinto, nachi so Pablo quetaguilo naua 'ale'u mayi saqaÿoqotchiguemque, chochi nvitta'a yi Éfeso. Nachi huaña, qaq huo'o so ilalecpi 'amqajnataxanaxaicpi.

Hechos 18:12

Qalaxayi so na'a'q co'ollaq lta'a nam netaña yi Acaya so l'enaxat Galión, nachi na judiopi huaxaÿa't da qanpa'aguena so Pablo. Nachi qaÿaconeu'a somayi da qaÿauegueu'a aca l'onataxanaxaqui so nta'a.

Hechos 15:40

Qaq so Pablo, qalaxayi ÿaconeu'a so Silas. Qaq co'ollaq ime da so nqaÿañicpi ÿanot ñi Dios somayi da yaqto' ntela'a, nachi jec.

Hechos 14:19

Nachi huo'o so nvideuo judío l'ecpi, chigaqa'ague da Antioquía qataq da Iconio. Nachi somayipi ÿilen na shiÿaxauapi, da yaqto' qaÿasaq na coma' so Pablo. Qaq co'ollaq qaipi'itaxana da mashi ileu, nachi qaÿauogonnaueegue da laÿi so pueblo.

Hechos 13:45

Qalaxayi nam judiopi co'ollaq ila'a da ÿataqta qalota na shiÿaxauapi, nachi namayipi ÿataqta huo'o da ndaxaÿaxa. Nachi qaÿasatta'aguet na l'aqtacpi so Pablo qataq qaishiueetac.

Hechos 17:13

Qalaxayi na judiopi mayi sa da'amqajnataxan mayi lma' yi Tesalónica, co'ollaq l'axaÿaxac so Pablo da i'axattac da l'aqtac ñi Dios hueta'a yi Berea, nachi nqo'ona yimayi, nachi i'ot da l'axa naq'en na shiÿaxauapi.

Hechos 20:3

Huaña yimayi, nachi ivi' tres ca'agoxoiqa da naña. Qaq co'ollaq mashi huotaique da huenoteu'a aso barco da taigue da Siria, nachi somayi l'axaÿaxac da na judiopi ÿauotaique da ÿalauat. Nachi somayi ÿi'iguelaqtegue na llic, tajlec yi Macedonia.

Hechos 27:42

Nachi so allippi huotaique da ÿalauat na ncoñitaguishicpi, da yaqto' sa ishit da huo'o ca daloxoneec da n'otauec.

Romanos 8:35

Qaq ÿoqo'oyi ¿négue't ca ishit da nqanaxat da lauotaxanaqtaic so Cristo da shinaqta? ¿Peta'a nachida da qanque'ejnaxac, huo'otaq da huo'o da qadqalaic, huo'otaq da qancanaguec, qadqouaxa, huo'otaq qaica ca qanapogoña, huo'otaq ca lchic, huo'otaq da nleuaxa? ¡'A'i, qaica!

1 Corintios 15:30

Qataq qomi' ¿tá'ainco' yi ñañanaxaguet 'enauac na lchiguesat naua qan'axa'tesa'chi?