2 Corintios 11:12 - Nuevo Testamento Toba Sur

¹² Qalaxayi aÿim shictot da so'ot dam so'ottac, yaqto' sa ishit da sauo'o ca ldaqa' nam chochi ÿauotaique dam ÿachigoxotchigui, da yaqto' huo'o ca ntonaxac, da 'eeta'ama qomi'.

Nuevo Testamento Toba Sombrero Negro

¹² Qalaĝaja jequetelegue je'etetac ga'me jo'ne joote ja'uo, qaedi ja ja'uo 'te ledaqa't gaa'me yelotedaque da'me 'uo ga'me chiyaqayi da'me ni'yoĝodenaĝa'j ena'am ga'me joote ñaqataĝañi ga'me joote qo'mi uetauelo.

La'aqtaqa Ñim Lo'onatac 'Enauacna 2013

¹² Qalaxaye aỹem shecto'ot da so'ot dam so'ottac, yaqto' saishet da sauo'o ca ldaqa' nam choche ỹauotaique dam qaỹo'oxoreetac qataq qaisheeteta, da yaqto' huo'o ca ntonaxac da 'ena'ama qomi'.

2 Corintios 11:12 Referans Kwoze

1 Corintios 9:12

Yi na laÿipi mayi nataq'en hueto'ot da 'enec da qami' qaushiichiñi da l'onataxanaxac, qaq ¿táloxochiyo' da saq ÿacteec da qomi' qaushiichiñi'? Qalaxayi qomi' sa ishit da souaxalec de'eda shinaxac mayi qomi' hueto'oto. Chaqdata da qomi' ñi'añaxataxaguet 'enauac na chochina, yaqto' qaica ca nqanaxat da no'on qad'axaÿaxac mayi n'aqtaguec so Cristo.

1 Timoteo 5:14

Ÿoqo'oyi ana pa'ai mayi saxanaxa da ÿi'axaina', 'onaxaic da qaltaq huadon, yaqto' huo'o ca llalaqpi, qataq ishit da ilo'ogue ca lma'. Yaqto' qaica ca lligueuo ca depa'aguenataxaatac da huo'otaq ÿasaxalec ca sa ÿaÿamaxañi.

Gálatas 1:7

Sa ishit da 'en da huo'o ca lÿa n'aqtaxanaxac mayi chigaqaigui da nca'alaxa. Qalaxayi huo'o nam sa ishit da qami' ÿalemaxa't, qataq nshitaique da nqochinaxat dam n'aqtaxanaxac mayi chigaqaigui da nca'alaxa mayi chigoqo'ot so Cristo.

2 Corintios 11:18

Cha'ayi qalota na chochi n'amaqchingui nam huetalec ana 'alhua, qaq ÿoqo'oyi nataq'en aÿim ÿataqta huo'o da ñi'amqajnaxac.

2 Corintios 11:9

Qataq co'ollaq qami' sootaiguilo, qalaq huo'o da iuenaxanaxa, qalaq sa ishit da huo'otaq huo'o ca aÿim nsallaxaueetapegue' da qoñiita. Cha'ayi soua qadqaÿa't mayi chigoqda'ague da Macedonia, soomayi aÿim ÿanema asom soueetaique. Qaq ÿataqta lta'adaic da itelaxa da huo'otaq huo'o ca nsallaxaueetapegue' aÿim da qoñiita, qaq damayi nachi 'eetai' da shicto'ot qome.

2 Corintios 10:17

Qaq da huo'o ca nshitaique da napagaqchin, qaq camayi no'on da ÿapagaqchin so qadataxala'.

2 Corintios 5:12

Qaq sa ishit da qaltaq shi'iguelaxasoxolec da yaqto' qaltaq qomi' qavi'oxoyiñi'. Cha'ayi chaqdata da sauoqtaique da qomi' qauamaitegueta, yaqto' qami' ishit da qau'aqtaxañiim na shiÿaxauapi mayi ñi'oxodeetapigui da lataxac ca yi'oqchigui shiÿaxaua, qaq sa ishit da nachica cam huetaigui añi lquiyaqte camayi.

2 Corintios 1:17

Qaq ¿sasaguettac peta'a co'ollaq tatapigui iuel de'eda? ¿Qami' qaupi'itaxañiitega peta'a da aÿim da huo'o ca so'ot, qaq shin'am da lhuennataxac ca chochi shiÿaxaua da saq ÿataxalec da huo'o ca l'aqtac?

1 Corintios 5:6

Qami' sa ÿaÿamaxañi da qañi'oxonñiitapigui da qau'ochiitac. ¿Sa qauaÿajñiÿo' naxa da n'aqtac mayi 'eeta': “Aca saq 'amaqtaq lalecte ana pan ishit da quichigui da ÿashiidaxachigui 'enauac ca ndaqnguishic 'ayiiña”?

Mateo 26:16

Huaña, nachi so Judas ilotaique ca lataxac da ÿaneu'a somayipi so Jesús.