2 Corintios 11:10 - Nuevo Testamento Toba Sur

¹⁰ Qaq ÿataqta aÿim 'eesa da sauattoota da 'eesa lataxac mayi chigoqo'ot so Cristo, qataq saÿateeta nataq'en da sa ishit da huo'o ca nqat da i'ot da ñitonaxac nam netaña yi 'alhua Acaya.

Nuevo Testamento Toba Sombrero Negro

¹⁰ Qama'le naq'aeta da'me yataqachiñe ñayatela't da'me jayaten joda'me eja jo'ne chiyaqayi ñe'me Cristo, nach'e ena'am jayatetelegue queda'me yema di'me aleua Acaya qaya'te doĝotaĝanec da'me ji'yoĝode'n jogaa'me.

La'aqtaqa Ñim Lo'onatac 'Enauacna 2013

¹⁰ Qaq ỹataqta aỹem 'eesa da sauattoota da 'eesa lataxac maye chegoqo'ot So Cristo, qaq ỹoqo'oye saỹateeta nataqa'en da saishet da huo'o ca nqat da ñetonaxac nam netaña ye 'alhua Acaya.

2 Corintios 11:10 Referans Kwoze

Romanos 9:1

Ÿataqta 'eesa de'eda sa'axattac, cha'ayi aÿim sa'amaqten so Cristo, qaq sa ishit da chochi satenataxaatac. Cha'ayi da ivilÿaxac chigoqchigui so Espíritu Santo da aÿim i'axatem da ÿoqta aÿim 'eesa.

Romanos 1:9

Qaq ñim Dios mayi so'onataxaatacot ñim semattot da iquiyaqteÿaxac da sa'axattac dam n'aqtaguec so llalec, ñimayi aÿim ÿaÿateeta da sa ishit da qami' secoua'aisalo da ivita da ñoqouagaxaueetac.

Hechos 18:12

Qalaxayi so na'a'q co'ollaq lta'a nam netaña yi Acaya so l'enaxat Galión, nachi na judiopi huaxaÿa't da qanpa'aguena so Pablo. Nachi qaÿaconeu'a somayi da qaÿauegueu'a aca l'onataxanaxaqui so nta'a.

2 Corintios 1:23

Qaq aÿim huo'o da iuennataxa da qami' ñamaqtegalo. Qalaxayi saxanaxa da ishit da qami' shi'iguelaxalo, souaxat da yaqto' sa ishit da sauo'o ca qanhuaxanaguiiqui. Qaq damayi ÿaÿateeta ñi Dios. Qaq da sa ishit da nachi 'eetec de'eda, qaq nai'ctaxa da qanqat da ñachaalataxac.

1 Timoteo 2:7

Ÿoqo'oyi ñi Dios aÿim ÿanagui da aÿim l'aqtaxanaxanec qataq lamaxashic, da sapaxaguen na saq judiopi, da sapaxaguenec da npi'iÿaxac qataq da lataxac mayi ÿataqta 'eesa. Da i'aqtaxanaxac ÿataqta 'eesa, sa ishit da aÿim tenataxanaxaic, cha'ayi sa'amaqten so Cristo.

1 Ts 2:10

Qataq qami' 'amqajnataxanaxaiqa mashi qauaÿajñiite' qomi', qataq ñi Dios qomi' ÿaÿateete' co'ollaq qami' souaqta'agueta, qalaq ÿataqta qui'itta qataq no'on da qadataxac. Sa ishit ñaq'enaq da huo'o ca qan'aqtaguec sa ÿaÿamaxañi.

1 Ts 2:5

Cha'ayi qami' qauaÿajñiita da qomi' sa ishit da chochi samaicna'q naua qadtaxaÿaxaco, qataq sa ishit da chochi ñapoqtaña ca qadatenataxanaxac da ñaqataq añi plata. Qaq damayi ÿaÿateeta ñi Dios.

Gálatas 1:20

Qaq ÿauaachigui ñi Dios nagui de'eda shiyiñi da qami' samaxalo, qaq damayi ÿataqta 'eesa.

2 Corintios 12:19

Qalqo' ¿qami' qaupi'itaxañiÿa peta'a da qomi' shinaqpec de'eda, da chochi qami' ñoqolguetaqtagueto? 'A'i, sa ishit. Chaqdata da qomi' ÿaÿateete' ñi Dios nagui da qomi' itaxaÿaxanaxa'n so Cristo. Qaq 'enauac de'eda so'otaq, qami' ÿaqaÿadolqa, damayi naigui da yaqto' ishit da qanquiquiitashiguem.

2 Corintios 11:31

Qaq ñim Dios mayi lta'a so qadataxala' Jesucristo, ñim chochaq tateec da ñi'oxonnataguec, ñimayi ÿaÿateeta da ÿataqta 'eesa de'eda i'aqtac.

2 Corintios 11:12

Qalaxayi aÿim shictot da so'ot dam so'ottac, yaqto' sa ishit da sauo'o ca ldaqa' nam chochi ÿauotaique dam ÿachigoxotchigui, da yaqto' huo'o ca ntonaxac, da 'eeta'ama qomi'.

2 Corintios 10:15

Qaq sa ishit da ñipa'axanaqpeguelec ca l'onatac ca lÿa shiÿaxaua da huo'otaq se'enaxataqteguem ca maichi qadalamaxat. Chaqdata da qomi' ñaquitaqta'a da ña nquic da qadpi'iÿaxaqui, yaqto' qomi' ishit da nquicteec da qad'onataxanaxac da qoñiita, qalaxayi nachi 'eetai' da sa ishit da ñapagaqlec yi loga't da qad'onataxanaxac.

2 Corintios 9:2

Cha'ayi aÿim mashi ime da sauattoota da qami' sa ishit da huo'o ca qai'iquiitega. Qaq ÿoqo'oyi aÿim naxa ÿataqta huo'o da ÿi'oxonnataxanaxac da qoñiita ne'ena soota'a Macedonia, da qami' mayi qoviita'a na Acaya da nal'ena so lÿa vi'i da qauauoitaique aca qadtaunaxanaqchi. Qaq ÿoqo'oyi qalota nam lma' na Macedonia na huo'o da l'añaxac souaxat da qoñiita.

2 Corintios 1:1

Aÿim Pablo, de'eda ñamaxasaguec chigoqtot ñi Dios da ÿauo'o aÿim lamaxashic naq'en so Jesucristo. Aÿim hueta'aguet ñi qadqaÿa Timoteo. Qaq nagui qami' samaxalo ana ÿide, qami' ÿaqaÿañicpi mayi qau'amqchiñiitac ñi Dios, mayi qoñiitaña na la ciudad Corinto, qataq nataq'en 'enauac na lalamaxatpi ñi Dios mayi netalec yi 'alhua Acaya.

1 Corintios 16:15

Qaq nagui, qami' ÿaqaÿa't mayi qoñiitaña na 'alhua Acaya, mashi qauaÿajñiita da na llalaqpi na Estéfanas da nachina na l'auaxanecpi da da'amqajnataxan da qoñiita, qataq namayipi ÿataqta nañanguet da itauan na qadqaÿañicpi 'amqajnataxanaxaicpi.

Romanos 16:5

Nataq'en samaxa da iquinaxanaxac ca qadqaÿañicpi mayi natamnaqa' yi lma' aca Priscila qataq ca Áquila, qataq nataq'en ca ñauochaxaua ÿaqaÿa Epéneto mayi nachica ca l'auaxanec da i'amaqten so Cristo nam lma' yi Acaya.

Hechos 18:27

Nachi so Apolo co'ollaq huo'o da lyaxa da taitague da 'alhua Acaya, nachi so nqaÿañicpi itauan somayi da i'añaqchit, nachi qaÿauo'o aso nede qaÿamaxa so 'amqajnataxanaxaicpi mayi naña que'eca 'alhua da ÿataqta qailo'oguet somayi. Nachi somayi co'ollaq ivita yi Acaya, nachi ÿataqta lta'adaic da ltaunaxanaxac da itauaatac nam ñi Dios ÿachigoxotchigui naq'en da lqouagaxanaqtaic da da'amqajnataxan naq'en.

Gálatas 2:20

Cha'ayi aÿim sogote da 'ico' seleu, iÿatchiguem so Cristo co'ollaq qaiuaxaneuo. Qaq ÿoqo'oyi nagui sa ishit da maichi ÿalamaxat da ñachaalataxac, cha'ayi nachiso so Cristo so nachattaigui damayi. Qaq de'eda ñachaalataxac mayi yi'oqchigui, damayi chigoqchigui da ipi'iÿaxac da sepi'iÿa'a so llalec ñi Dios mayi aÿim ÿauotec qataq nañanguet da nalaataguec souaxat aÿim.