2 Corintios 10:14 - Nuevo Testamento Toba Sur

¹⁴ Qaq ÿoqo'oyi sa ishit da huo'otaq qomi' ñapagaqlec dam qomi' qoÿanema qad'onataxanaxac, qaq chaq 'eetéctaxa ca lataxac da huo'otaq saxanaxa co'ollaxa da qami' sovidaxaiguilo. Cha'ayi qomi' mayi qomi' l'auaxanqa co'ollaxa da qami' sedaxalo da qami' sa'aqtaxanaxama da no'on qad'axaÿaxac mayi i'axat da n'aqtaguec so Cristo.

Nuevo Testamento Toba Sombrero Negro

¹⁴ Qo'che' ja ñapagaqalo'te naa'me qoye'n qadoiquiaqa'te, ga'me eeta toqogamaĝa da'me adajouaĝajechi ta'le ja paja'a ami jovitaĝalo, naqaqo'mi je'uauaĝañe da'me ami ñidaqa'alo. Qalaĝaja qo'mi je'uauaĝañe ñovitaĝa jena'me Corinto, qama'le ami ja'aĝataĝama da'me onaĝaic 'laqataĝanaĝac ñe'me Jesucristo.

La'aqtaqa Ñim Lo'onatac 'Enauacna 2013

¹⁴ Qaq ỹoqo'oye saishet da huo'otaq ñapacalec dam aỹem qoỹanem ỹo'onataxanaxac, qalaxaye sa'auchiguiñi da sevira'a na nỹecpi na Corinto da sa'axattac da no'on na'axaỹaxac maye na'aqtaguec So Jesucristo.

2 Corintios 10:14 Referans Kwoze

1 Timoteo 1:11

Qaq de'eda napaxaguenataxanaxac mayi no'oita ÿataqta nateeteguet da n'aqtac mayi chigaqaigui da nca'alaxa mayi ÿapac da lyaquiaxac. Damayi chigoqtot ñi Dios mayi hueto'ot da namaxayic. Qaq damayi aÿim qaipataxalec da sa'axateec.

1 Corintios 4:15

Cha'ayi nai'ctaxa da qami' ivi' ca diez mil na qami' ÿapaxaguenque so Cristo, qalaxayi sa ishit da qalota na qadta'aipi. Cha'ayi aÿim mayi aÿim lta'a da qadpi'iÿaxaqui so Cristo Jesús. Cha'ayi aÿim mayi qami' sa'axatema co'ollaxa da no'on qad'axaÿaxac mayi chigaqaigui da nca'alaxa.

Romanos 1:16

Cha'ayi aÿim sa ishit da yicoqtapeguelec da no'on qad'axaÿaxac, cha'ayi damayi l'añaxac ñi Dios mayi ishit da nca'alaxateec 'enauac cam i'amaqten. Hua'auchiguiñi na judiopi da qanca'alaxateec. Ime, qataq jec na saq judío l'ecpi.

Colosenses 1:5

souaxat da qanaquitaxaqui cam ÿaqataxaatapigui' da qami' ÿanema ñi Dios qom qoviita'ague da piguem. Qaq qami' qauacoñiiguet de'eda aquitaxac co'ollaq qan'axaÿaxañiÿa dam n'aqtac mayi 'eesa, dam no'on qad'axaÿaxac mayi chigaqaigui da nca'alaxa.

2 Corintios 4:4

Cha'ayi namayipi sa ishit da da'amqajnataxan, ÿoqo'oyi som shiÿaxaua lma'na, mayi quetague' nam shiÿaxauapi, somayi sa nauaañi naq'en namayipi da lauattonaxanaxac, da yaqto' sa ishit da ila'a na l'edaxa dam no'on qad'axaÿaxac mayi i'axat da n'aqtaguec so Cristo mayi ÿi'oxodaic, som nachiso so lqui'iÿaxac ñi Dios.

2 Corintios 2:12

Co'ollaq aÿim ñivita yi la ciudad Tróade da sa'axat da n'aqtaguec so Cristo, huaña yimayi, nachi ñatenalec da ÿataqta qaica ca aÿim nqanaxat da so'onataxanot so qadataxala'.

1 Corintios 2:10

Qaq 'eda da qomi' ÿauattonaxanaxanque ñi Dios, chigoqchigui naq'en so Espíritu Santo, cha'ayi somayi nmittac 'enauac, qataq ivida'a da ÿaÿaten na saq cha'a 'eetapeguecpi ñi Dios.

Romanos 2:16

que'eca pa'ateec na'a'q, qom ivita da ñi Dios chigoqchigui naq'en so Jesucristo da nmi't nam saq cha'alo lhuennataxaco 'enauac na shiÿaxauapi. Nachi ÿataqta ipacchigui qome de'eda sa'axattac n'aqtac mayi chigaqaigui da nca'alaxa.

Hechos 20:24

Qalaxayi 'enauac namayipi qaica ca soqocha'a, ivida'a da maichi ñachaalataxac 'eeta'am ñaq'en da qaica ca naigui. Chaqdata da ñishitaique da samachiguiñi qom sematta da ñamaxasaguec qataq da sepaquejlec dam i'onataxanaxac mayi aÿim ÿami' so qadataxala' Jesús, da yaqto' sa'axat da no'on qad'axaÿaxac mayi lqouagaxanaqtaic ñi Dios.

Marcos 1:1

'Eda da 'eetec co'ollaq chita'ague da no'on qad'axaÿaxac mayi i'axat da llic so llalec ñi Dios, l'enaxat Jesucristo.

1 Corintios 3:10

Qaq aÿim shiita'am ca ilotague' na noÿic l'opi, cha'ayi ñi Dios aÿim ÿanem da llapaxañi so n'oxonaxala' ca noÿic. Qaq na laÿipi n'oxootapiguishiguem somayi. Qalaxayi ñi 'oonolec iuen da ilotelec da lataxac da do'oxonaxan.

Romanos 16:25

Qaq ÿoqo'oyi nagui shi'oxodenaq qome ñi Dios ñim ishit da ÿataqta da'añi naq'en da qadpi'iÿaxaqui, da yaqto' nateeteguet naq'en dam sa'axattac n'aqtac mayi chigaqaigui da nca'alaxa qataq da napaxaguenataxanaxac mayi n'aqtaguec so Jesucristo. Cha'ayi damayi ÿataqta nateeteguet dam saq cha'a 'eetapeguec ñi Dios mayi qomi' ÿaÿajnaxanaxanque. Damayi chochi saq cha'a naq'en ñimayi co'ollaq saxanaqaca ana 'alhua.