2 Corintios 10:13 - Nuevo Testamento Toba Sur

¹³ Cha'ayi qomi' sa ishit da huo'otaq sagaqpeguec da ñapagaqlec cam qomi' qoÿanema. Cha'ayi ñi Dios mayi nachiñi ñi i'an ca loga't cam qad'onataxanqa', qaq nachiñi ñimayi ñim qomi' ÿanema da huo'o mshi sovidaqa'alo qami' mayi qoñiitaña na Corinto.

Nuevo Testamento Toba Sombrero Negro

¹³ Qalaĝaja da'me qo'mi qamqa'me ja ñapagaqalo'te gaa'me qoye'n qadoiquiaqa'te da'me ñi'yoĝodenaqatapela't. Qom 'uo ga'me chiyaqayi da'me ñi'yoĝodenaqatapela't, qa'a 'uo ga'me 'nonatac jo'ne Dios qo'mi yamaĝalo'te qaedi je'etaq. Qama'le ami lae da'me dojo' qat'onatac.

La'aqtaqa Ñim Lo'onatac 'Enauacna 2013

¹³ Cha'aye qomi' saishet da huo'otaq sagaqapeguec da ñapagaqalec cam tachiguiña cam qomi' qoỹanema. Cha'aye Ñim Lo'onatac 'Enauacna maye nacheñi Ñi ỹa'an ca loga't cam qaro'onataxanaqa', qaq nacheñi Ñimaye Ñim qomi' ỹanema da huo'omshe seviraqa'alo qami' maye qoñiitaña na nỹecpi Corinto.

2 Corintios 10:13 Referans Kwoze

Romanos 15:20

Qaq ÿataqta huo'o da iuogoxo da sa'axattac da nca'alaxa nam huañalo da saxanaxa da qai'axat da l'enaxat so Cristo, da yaqto' sa ishit da 'ico' shiita'am ca n'oxooshiguem ca noÿic mayi ÿaqa'a ca lapaxañi ca l'oxonaxala'.

Romanos 12:6

Cha'ayi ñi Dios maichi chigoqchigui da qomi' ÿanema na ÿotta'a't lshitaxanaxatpi. Qaq ÿoqo'oyi ÿataqta sepagaqtenaqchigui da 'eetec ca qomi' ÿanema. Da ñi Dios qomi' ÿanema da sa'axata'q naua l'aqtaqa, qaq nachida so'otaq, qalaxayi cam nalotau'a da qadpi'iÿaxac.

1 Pedro 4:10

Qataq ñi 'oonolec ÿataqta iloteguet ca nshitaxat mayi ÿanem ñi Dios da do'onataxaalec na laÿipi, qoñiita'am ca ÿataqta ÿaÿaten da ilo'ogue na ÿotta'a't lachitaqtaxanaxatpi ñi Dios.

Efesios 4:7

Qalaxayi ñi 'oonolec da shinaqta qoÿanem ca nshitaxat, qaq camayi ipacchigui cam tateu'a l'onataxanaxac mayi ÿanem so Cristo.

1 Corintios 12:11

Qalaxayi nachisota so 'oonolec Espíritu mayi chigoqo'ot 'enauac ne'enapi. Somayi maichi chigoqchigui da naloqneec na ÿotta'a't lshitaxanaxatpi da ÿanem ñi 'oonolec shiÿaxaua.

Romanos 12:3

Cha'ayi ñi Dios aÿim nqouaguec da aÿim ÿanem de'eda i'onataxanaxac. Ÿoqo'oyi qami' shinapegalo da 'enauac da qoñiita sa ishit qome da huo'o ca ñi'oxonnapec da lhuennataxa da nlotapeguela't. Chaqdata qome da ñi 'oonolec ÿataqta nloteec da deuennataxaatac, qataq iloteguet cam nalotau'a da lpi'iÿaxac mayi ÿanem ñi Dios.

Romanos 10:18

Qalaxayi aÿim senataxan, shiita': ¿Namayipi sa ishit peta'a da hua'axaÿa de'eda n'aqtaxanaxac? ¡'A'i, sogote da hua'aqtega! Cha'ayi naua ñiyigui'shi l'aqtaqa ñi Dios 'eeta': Naua l'aqtaqa so n'aqtaxanaxanecpi ima 'enauac na huetalec ana 'alhua da hua'axaÿa, qataq naua l'aqtaxanaxaco ivida'alo 'enauaque naua pa'atreec laÿil ana 'alhua.

Mateo 25:15

Nachi so 'oonolec soomayi ÿanem aso ivi' cinco mil, qaq so lÿa qalaq ÿanem aso ivi' dos mil, qataq so lÿa ÿanem aso ivi' mil. Qaq ÿanema soomayi añim nalota'ai'. Ime, nachi jec.