2 Corintios 10:10 - Nuevo Testamento Toba Sur

¹⁰ Cha'ayi qoÿinac naxa da naua ÿide ÿataqta sa nsattegueta, qataq huo'o da l'añaxa'c, qaq dam ÿataxac da salectauo, qalaq qaica ca yi'oqchigui i'añaxac, qataq naua i'aqtaqa ÿataqta qai'ota'n.

Nuevo Testamento Toba Sombrero Negro

¹⁰ Uo'oe gaa'me enapega't ja damitelo'te gaa'me yediijel nataq'aen vichaĝagueta, qalaĝaja qaya'te 'yañaĝac nale yataqachiñe ja'aqataĝatac, nataq'aen ja yataqachiñe jayaten da'me yojaĝac, ja jayem 'te yoqoch'em gamachaqaega.

La'aqtaqa Ñim Lo'onatac 'Enauacna 2013

¹⁰ Cha'aye huo'o na 'eetega da naua ỹa'aqtaqa maye huetaleguete ana ỹere ỹataqta sa nsattegueta, qataq huo'o da la'añaxa'c, qaq dam ỹataxac da setaqtac, qalaq qaica ca ỹa'añaxac, qataq sa saỹaten da ỹaỹamaqchiyiñi naua ỹa'aqtaqa qataq ỹataqta qaica ca ỹayego't naua ỹa'aqtaqa, nachaqrata da qaỹo'ota'n.

2 Corintios 10:10 Referans Kwoze

1 Corintios 1:17

Cha'ayi so Cristo sa ishit da aÿim ÿamaxalec da sachilaxanataxan. Chaqdata da aÿim ÿamaxalec da sa'axattac da nca'alaxa. Qalaxayi sa ishit da so'onataxana ca laÿajnec ca chochi shiÿaxaua, yaqto' sa ishit da huo'otaq saqca ca naigui da l-leuaxa so Cristo co'ollaq qaiuaxaneuo.

2 Corintios 11:6

Qaq nai'ctaxa da aÿim sa ishit da sa ñaqalaate' da itaxaÿaxac, qalaxayi sa ishit da nachi 'eetec da ÿauattonaxanaxac. Qaq 'enauac nam so'otaqpi da qoñiita, nachina na ichoxot de'eda qadauattonaxanaxac.

2 Corintios 10:1

Aÿim Pablo, qami' ñachoxodeetoto, souaxat da huesottac lsoxosoxonaxac so Cristo qataq da lsoxoyic. Aÿim mayi qoÿiitegacnaxa da qaica ca i'amaqchic da qami' sootaiguilo, qalaxayi naxa da sa ishit da qami' sootaiguilo, qalaq ÿataqta saq llivigui yi iuel.

1 Corintios 1:21

Qaq ñi Dios mayi ÿaÿateetalec cam i'ot, ñimayi sa ÿashinem nam huetalecna da huo'otaq ÿachigoxotchigui da maichi lauattonaxanaxac da ÿauatton ñimayi. Chaqdata da ÿauotaique da nca'alaxateec na i'amaqten ñimayi, chigoqchigui naq'en de'eda n'aqtaxanaxac mayi 'ico' 'oopashic naq'en na laÿipi.

2 Corintios 10:9

Qaq sa ishit da qaupi'itaxañiitega da sauotaique da qami' sequichoqchi't nagui da qami' samaxalo naua ÿide.

2 Corintios 10:11

Qalaxayi cam 'enapec de'eda, camayi no'on da ÿaÿateeta nataq'en da qomi' saqnauate' naua qad'aqtaqa da qadtaxaÿaxac da qomi' qoÿoqtalo da huo'otaq so'otaq ana qodede, cha'ayi nachi ipacchigui da qadataxac da huo'otaq qami' salegaqtaiguilo.

2 Corintios 11:21

Qaq nai'ctaxa da aÿim huo'o da i'aloxo da shinapec de'eda, cha'ayi ¡qomi' ÿapacteec da qaica ca qad'añaxac da so'otaq damayi! Qalaxayi namayipi da ÿataqta saq llivigui yi lauel da n'amaqten, qaq nataq'en aÿim ÿataqta saq llivigui yi iuel, qaq nai'ctaxa da 'ico' huo'o da ñi'onataxac da shinapec nagui de'eda.

2 Corintios 13:3

Qaq huaña qome, nachi qami' qanauañi' cam qanmichiitaique mayi ichoxot da so Cristo aÿim detaxaigui. Qataq so Cristo yi sa ishit da saqca ca l'añaxac da huo'o ca qami' 'ena'aque, chaqdata da somayi yi'oq da l'añaxac da qami' huetaiguilo.