2 Corintios 10:1 - Nuevo Testamento Toba Sur

¹ Aÿim Pablo, qami' ñachoxodeetoto, souaxat da huesottac lsoxosoxonaxac so Cristo qataq da lsoxoyic. Aÿim mayi qoÿiitegacnaxa da qaica ca i'amaqchic da qami' sootaiguilo, qalaxayi naxa da sa ishit da qami' sootaiguilo, qalaq ÿataqta saq llivigui yi iuel.

Nuevo Testamento Toba Sombrero Negro

¹ Mach'e jayem Pablo ami ñachoĝodenoto, yajouaĝat da'me qademe'teguet ñe'me Cristo jo'ne joĝodaic nataq'aen choĝodenataĝanaĝaic, mate mane'e 'uo ga'me eetapega nale ami jouetauelo da'me yataqachiñe jayem uategaĝaic, qalaĝaja mane'e da'me jayem qaya'a qama'te ena'am ta'le jayem vichaqaic.

La'aqtaqa Ñim Lo'onatac 'Enauacna 2013

^1-2 Aỹem qoỹeetegacnaxa da qaica ca ỹa'amaqchec da qami' sootaiguilo, qalaxaye naxa da aỹem qaỹoqta, qalaq ỹataqta saq llivigui ye iuel. Qaq aỹem qami' ñachoxonnoiguilo chegoqchigui da lsoxosoxonaxac qataq da lauotaxanaqtaic So Cristo, da qom qami' sevitalo, qalaq saishet da aỹem qauamaqỹalec, da yaqto' sa sareno'ot da shenapega nam qomi' quetapegueleguete, cha'aye namayepi 'eetega da so'otaqtac damaye, cha'aye huo'o cam yo'oqchigui ñaquitaqtaique, shenaqta'am nam laỹepi shiỹaxauapi maye huetalec ana 'alhua.

2 Corintios 10:1 Referans Kwoze

2 Corintios 10:10

Cha'ayi qoÿinac naxa da naua ÿide ÿataqta sa nsattegueta, qataq huo'o da l'añaxa'c, qaq dam ÿataxac da salectauo, qalaq qaica ca yi'oqchigui i'añaxac, qataq naua i'aqtaqa ÿataqta qai'ota'n.

Mateo 11:29

Qaq qauacoñiiguet qome dam ÿachoxonaxala' mayi qami' sachilguete, qataq aÿim qanapaxaguiñiÿa, cha'ayi ÿataqta aÿim hualaxauaic qataq da iquiyaqteÿaxac sa ishit da n'amqajnaxaic, nachi ishit qome da qauanachiÿa ca nmataxac da qanachaalataxaqui.

Gálatas 5:2

Nagui aÿim qan'axaÿaxañiÿa. Aÿim Pablo, qami' shinapegalo da huo'otaq qanañañiiguet da qaÿauo'o ca n'anaxat na l'oc ñi 'oonolec da qoñiita, nachi so Cristo ÿataqta qaica ca naigui qanqashiñi.

Romanos 12:1

Qaq ÿoqo'oyi qami' ÿaqaÿadolqa, souaxat da lta'adaic lqouagaxanaqtaic ñi Dios, qaq ÿoqo'oyi qami' ñachoxodeetoiguilo da ÿataqta imauec qome da qanachaalataxaqui da qai'añiÿot ñi Dios. Qoñiita'am qanqashiñi aca nachitaqtaxanaqte mayi ÿataqta nca'altauec, yaqto' qami' lhuotte' da qau'onataxañiÿot ñi Dios, qataq da qami' ÿaÿamaxadeete' ñimayi. Qaq 'eda qome da 'eetec da lli'oxonnataxanaxac da qadquiyaqteÿaxaqui.

2 Corintios 11:30

Qaq ÿoqo'oyi da huo'otaq tachigui da ñi'amaqten, qalaq ñi'amaqchingui cam ichoxot da 'ico' qaica ca i'añaxac naq'en.

1 Corintios 2:3

Co'ollaq qami' ñachattaiguilo, qalaq qaica ca i'añaxac qataq yiviloxolaqchit da icolanaxa.

Apocalipsis 1:9

Qaq aÿim Juan mayi maichi aÿim qadqaÿai qataq qami' shiita'ama da huo'o da ñique'ejnaxac qataq da sa'axattac da l'onataxanaxac da ilo'ogue 'enauacna ñi Dios qataq da huo'o da ñiualaunaxac mayi chigoqo'ot so Jesucristo. Qaq aÿim qaicoñittai', sootaña añi delec, l'enaxat da Patmos, souaxat da aÿim sa'axattac da l'aqtac ñi Dios mayi qomi' nda'alo so Jesucristo.

1 Pedro 2:11

Qami' ÿaqaÿadolqa, qami' mayi qoñiita'am ñaqshin ca sa ishit da nqajlec ca lañoqo', qami' ñachoxodeetoiguilo da sa ishit qome da qauauo'oi ca ldaqa' ca 'eetapeguec da qadapachiyaxaqui mayi iloquiaxaatac da qanachaalataxaqui.

Filemón 1:9

qalaxayi aÿim sepacapegue' da 'am ñachoxodeetot, souaxat da nsoxoyic. Aÿim Pablo nagui mashi aÿim ÿi'axaiqui qataq aÿim qaicoñittai', souaxat da sasoilec so Cristo Jesús,

2 Ts 3:17

Aÿim Pablo maichi semapegue' da shiyiñi da iquinaxanaxac. Qaq de'eda nachi shiita'ac 'enauac ana ÿidepi da maichi ñanedelec. Qaq 'eda da nedaguec ana ÿide.

Efesios 4:1

Qaq ÿoqo'oyi aÿim, mayi aÿim qaicoñittai' souaxat da sasoilec so Cristo, nagui qami' ñachoxodeetoiguilo da ÿataqta qoquiitegue qome da lataxac cam iÿaxana ñi Dios, da 'eeta'am nataq'en da qoñiita.

Gálatas 4:13

Cha'ayi mashi sogote da qami' qauaÿajñiita da 'eetec co'ollaq chita'ague da qami' sa'axatema da n'aqtac mayi chigaqaigui da nca'alaxa. Qaq shiitec de'eda co'ollaxa, souaxat so ÿalolaxa.

2 Corintios 12:5

Aÿim ishíttaxa da ñi'amaqten da shiita'am se'eso shiÿaxaua, qalaxayi aÿim sa ishit da maichi ñi'amaqteela't. Chaqdata da ñi'amaqchingui dam i'ot da qaica ca i'añaxac.

2 Corintios 11:21

Qaq nai'ctaxa da aÿim huo'o da i'aloxo da shinapec de'eda, cha'ayi ¡qomi' ÿapacteec da qaica ca qad'añaxac da so'otaq damayi! Qalaxayi namayipi da ÿataqta saq llivigui yi lauel da n'amaqten, qaq nataq'en aÿim ÿataqta saq llivigui yi iuel, qaq nai'ctaxa da 'ico' huo'o da ñi'onataxac da shinapec nagui de'eda.

2 Corintios 10:7

Qami' mayi qauloitagui ca chochi yi'oqchigui shiÿaxaua. Qom huo'otaq huo'o ca 'eetega da quetague' so Cristo, qaq camayi no'on da ÿaÿateeta da qomi' nataq'en qolaqtague' so Cristo.

2 Corintios 10:2

Qaq ÿoqo'oyi nagui qami' ñachoxonnoiguilo da qom ivita da qami' ñoqo'onalo, qalaq sa ishit qome da aÿim qauamaqailec, da yaqto' ishit da sa sadeno'ot da shinapega cam qomi' ipataqtapeguelguete da so'otaqtac nam i'ottac nam chochi shiÿaxauapi. Cha'ayi aÿim qaica ca sa'aptapigui da sataÿa'aguet da ñicotaÿapegue' camayipi.

2 Corintios 7:4

Qaq ÿataqta qalota da ñaquitaxac qataq ñitonaxac souaxat da qoñiita. Qaq nai'ctaxa da souaqtangui 'enauac na qanque'ejnaxaguesat, qalaq aÿim ñanomteguet da i'añaxac qataq aÿim nlaqchigui da ñitonaxac.

2 Corintios 6:1

Cha'ayi qomi' lta'u ñi Dios dam l'onataxanaxac, qaq ÿoqo'oyi qami' ñachoxodenaqtoiguilo da sa ishit qome da saqca ca naigui qanqashiñi da lqouagaxanaqtaic mayi qami' ÿachaxanalo ñimayi.

2 Corintios 5:20

Qaq ÿoqo'oyi nachiqomi' l'aqtaxanaxanqa so Cristo, qaq chigoqchiguilo naq'en qomi' ñi Dios da 'eeta'am da qami' nachoxodeetoiguilo. Qaq chigoqchigui so Cristo da qami' ñachoxodenaqtoiguilo, shinaqta': qanmañi' qome ñi Dios.

2 Corintios 3:12

Qaq ÿoqo'oyi ÿataqta huo'o da qanaquitaxac, ÿoqo'oyi sa ishit da huo'o ca qomi' nqanaxa't da sa'aqtaxanaq.

1 Corintios 4:10

Qaq qomi' qaÿamata'aque da qaica ca saÿajnaq, souaxat da soqolaqtague' so Cristo, qalaq qami' qanamachiitala't da qami' ÿajnaxanaxaiqa so Cristo. Qomi' qaica ca qad'añaxac, qalaq qami' qanamachiitala't da qami' 'añaxaiqa. Na shiÿaxauapi qomi' n'otanguilo, qalaq qami' ÿataqta huo'o naq 'enec qanqoÿin.

Romanos 15:15

Qalaxayi ñaqaiyita sa ishit da shi'iÿalec ana'ana ÿide da qami' samaxalo da sa'axatta 'enauac namayipi, yaqto' sa ishit qome da qaucouai'ai. Cha'ayi maichi chigoqchigui naq'en da lqouagaxanaqtaic ñi Dios da aÿim ÿanagui da i'onataxanaxac,

Romanos 10:20

Ime, qataq so Isaías ÿataqta qaica ca lyiÿaxac co'ollaq ÿiyiñi da l'aqtac ñi Dios, mayi 'eeta': Nam sa ishit co'ollaxa da aÿim nmittaique, qalaq aÿim ÿanata, qataq ñachaxana nam sa ishit co'ollaxa da aÿim denataxanaique.

Hechos 8:32

Qaq som n'aqtac mayi itaxaÿaxaatac 'eeta': Camayi qome 'eeta'am ana qagueta da qaÿauectauga ca nalaataqa'; qataq 'eeta'am ca qagueta llalec da qanpetec, qalaq sa ishit da i'alaq. Qaq 'eda qome da 'eetec camayi da sa ishit da ÿauachigui na alap da i'alaq.

Mateo 21:5

'Au'aqtaxanem qome yi la ciudad l'enaxat Sión, qoneta': “Ña 'aulo'oguet na 'adta'a, namayi 'am naÿau'a, namayi ÿataqta qaica ca l'amaqchic, netalec ana 'ashina, qataq nam 'ashinolec mayi llalec ana 'ashina mayi nachoxonaxalate.”

1 Corintios 4:21

¿Négue't ca ÿoqta qaupaquiitaique da qami' sedolguete qom qami' ñoqo'onalo? ¿Peta'a qadavilliÿa da qami' sedolguete ca iuaxanaxanaxat, qalqo' da isoxoyic qataq da huosotta ÿataxac?

Efesios 3:1

Qaq aÿim Pablo, 'eda da huo'o mshi aÿim ñoqouagaxaueetac. Qaq aÿim qaicoñittai' souaxat da sasoilec so Cristo Jesús, qalaxayi damayi naigui da yaqto' qauaÿamqaiñi qami' mayi sa ishit da qami' judío lashi'.

Filipenses 4:5

Qaq 'enauac qome na shiÿaxauapi ÿataqta qami' ÿauattoote' da qami' huotaxanaqtaqaiqa. Cha'ayi so qadataxala' mashi sa qaÿapeque da nvi'.

Colosenses 1:23

Qalaxayi damayi iuen da qami' sa ishit da qai'axañiiuec da qadpi'iÿaxaqui, qoñiita'am aca qo'ipaq mayi ÿataqta qaÿoqchiguingui ca lpa'a'q. Qataq sa ishit da qai'axañiiuec da qanaquitaxaqui mayi qauachigoxochiichigui da n'aqtac mayi chigaqaigui da nca'alaxa mayi qan'axaÿaxañiÿa. Qaq de'eda n'aqtac nachida da qai'axattac 'enauaque naua 'ale'u. Qaq aÿim Pablo nachida da sa'axattac.

Filemón 1:19

Qaq aÿim maichi semapegue' da shiyiñi de'eda i'aqtac da aÿim 'am seshiiten qome, nai'ctaxa da huo'otaq 'am ishit da tachigui yi 'adhuel ñaqshin da aÿim neto'ot nataq'en añi 'adavigaxaiste, souaxat da maichi 'anachaalataxac.