2 Corintios 1:8 - Nuevo Testamento Toba Sur

⁸ Qami' ÿaqaÿa't, sauoqtaique da qauaÿajñiita da ÿataqta saq llalcolec da qanque'ejnaxac co'ollaq souaqta'a yi 'alhua Asia. Damayi ÿataqta lta'adaic, ÿoqo'oyi huac da sa ishit da yaloxoguet. Mashi sovidaqa'a da qaica ca qanaquitaxac da yica'alaqtauec.

Nuevo Testamento Toba Sombrero Negro

⁸ Ami yaqaya'olqa, jepagaqatapega ta'le auayachiñe da'me dojo' queda'me yataqachiñe jalcote qayoĝode' gaa'me qadaqalaico 'me qo'mi ualo'te ca'li jouaqa'a di'me aleua jo'ne Asia. Qanapiyenaguec jo'ne yataqachiñe t'añi jo'ne yamta'le ja qadalo'oguet, nataq'aen chayovida'a ja jenaqatapega qadec'aletaye da'me qolaqa'e di'me aleua.

La'aqtaqa Ñim Lo'onatac 'Enauacna 2013

⁸ Qami' qarqaỹañicpi, sauoqtaique da qauaỹaañita da qalota da souaqaigui da lta'araic qarqalaic qataq da qanque'eenaxac co'ollaq souaqta'a ye 'alhua Asia. Damaye ỹataqta lta'araic, ỹoqo'oye mashe sepetaqa'a da saishet da yaloxoguet. Mashe seviraqa'a da qaica ca qanaquitaxac da ñeca'alaqtauec.

2 Corintios 1:8 Referans Kwoze

1 Corintios 15:32

Aÿim 'eeta'am da ÿataqta selogui' na shiguiÿacpi co'ollaq soota'a na Éfeso, qalaxayi ¿negue'tom ca sachigoxotaigui damayi? Da huo'otaq sa ishit da 'en da nca'aleec qanqoÿin na leuaxaicpi, qaq ÿoqta 'eesa quenaxa da n'aqtac mayi 'eeta': “Sequi'aq qataq ñiÿomaq, cha'ayi qome nte' seleuaq.”

1 Corintios 4:8

Qami' 'eeta'am da mashi qami' sallaxanqa, qataq qami' hueto'oto 'enauac nam qauviñiitac. 'Eeta'am da mashi qami' nta'al, qaq qomi' nachi qomi' qauasaqaitreec. ¡'Onaxaico' da ÿataqta 'eesa da qami' nta'al, yaqto' qami' ñiuanaqhua'alo da qomi' nta'al nataq'en!

1 Corintios 16:9

cha'ayi yimayi ÿataqta aÿim nauatteguet da so'onataxan, da yaqto' saqalota na i'amaqten so qadataxala'. Qaq nai'ctaxa da saqalota na depa'aguenataxaatac.

Hechos 2:9

Yi qomi' huo'o nam chigaqa'ague da Partia, qataq da Media, qataq da Elam, qataq da Mesopotamia, qataq da Judea, qataq da Capadocia, qataq da Ponto, qataq yi 'alhua Asia,

Hechos 16:6

Qaq so Espíritu Santo sa ÿashinema soomayi da i'axa't da n'aqtac yi 'alhua l'enaxat Asia. Qaq ÿoqo'oyi soomayi napactralec yi 'alhua Frigia qataq yi Galacia,

Romanos 1:13

Qami' ÿaqaÿa't, sauotaique da qami' qauaÿajñiita da aÿim ÿataqta qalota da ñishitaique da qami' ñoqo'onalo da yaqto' qami' ñauaneto. Qalaxayi chochi ivitta'a nagui da saxanaxa da sañoxot. Sauotaiquecnaxa da qami' saÿalo, da yaqto' qalota ca ÿaueguec da qoñiita da da'amqajnataxan, 'eeta'am da shiitec naua lÿa't 'ale'u.

2 Corintios 1:9

Mashi sanomaqta da shinaqta'am ca ÿagueec na lasouaxashit da taÿa'a qanqoÿin da nalaataguec. Qalaxayi damayi i'ot da qanapaxaguenataguec, da yaqto' sepi'aqa'a ñi Dios mayi nca'aleec naq'en na leuaxaicpi, qaq sa ishit da nachiqomi'.

2 Corintios 6:9

Qataq huo'o da qoÿiitega qomi' sa qaÿauatto'n, qataq huo'o da qoÿiitega da qomi' nauattonataqa. Qataq huo'o da souaqaigui da lchic da nleuaxa, qalaxayi ñaqaiyita ña yica'alaqtauec. Huo'o da qomi' qaiuaxaata'pe, qalaxayi sa ishit da qomi' qaÿalaua't.

Hechos 19:41

Qaq co'ollaq ime de'eda l'aqtac, nachi tachiguiña naq'en se'eso naponaxac.