2 Corintios 1:6 - Nuevo Testamento Toba Sur

⁶ Qaq ÿoqo'oyi da qomi' huo'o da qanque'ejnaxac, qalaq naigui da qami' qai'añaqchi't qataq qami' qanca'alaxatreec. Qaq da ñi Dios qomi' i'añaqchi't, nachi nataq'en da qoñiita qami' qai'añaqchi't, qataq qami' qanca'alaxatreec, yaqto' ishit da qanaloita'aguet da qan'añaxachiiguet de'eda que'ejnaxac mayi qomi' ñique'etaxanaqtapigui.

Nuevo Testamento Toba Sombrero Negro

⁶ Qom 'uo da'me qadachoĝodec, qama'le naue ami qoloyaĝanate'tape nataq'aen ami qonec'alaĝatedegue. Nataq'aen qom qo'mi loyaĝanate't ñe'me Dios, qama'le nach'e ena'am da'me ami qoloyaĝanate'tape, qaedi auaqanachichi ta'le 'uo da'me at'añaĝaqui da'me anapogaĝadeñiyegueta da'me nach'edaua qadachoĝodeco 'me joote qo'mi ualo'te.

La'aqtaqa Ñim Lo'onatac 'Enauacna 2013

⁶ Huo'o da qanque'eenaxac da yaqto' qami' ishet da qauamaichiguiñi, qataq qauacoñiiguet da nca'alaxa. Ñim Lo'onatac 'Enauacna qomi' itaua'n da yaqto' seshetaq da qami' sa'añaqcheta'q. Yaqto' qami' ishet da qauañoxoche da qoviilec da qarhualaxaviqui da qauataiỹa'aguet da qarqalaiqui qataq da qanque'eenaxaqui maye nataqa'en qomi' sataqta'aguet.

2 Corintios 1:6 Referans Kwoze

2 Timoteo 2:10

Ÿoqo'oyi ñi'añaxateguet 'enauac na chochina, cha'ayi ñishitaique da na Dios lca'aguishicpi ividauga da nca'alaxa mayi ÿapac da lyaquiaxac qataq chochi tateec. De'eda nca'alaxa qomi' taÿoto, cha'ayi mashi ñi'adaqtau'a so Cristo Jesús.

2 Corintios 1:4

Ñimayi qomi' i'añaqchi't da ivita da huo'o ca qanque'ejnaxac, yaqto' qomi' seshitaq da sa'añaqchitaq nataq'en ca huo'o ca nque'ejnaxac. Qaq de'eda qad'añaqtaxanaxac, nachida da l'añaqtaxanaxac ñi Dios.

Filipenses 1:19

cha'ayi aÿim saÿaten da saqca ca da da ñachaalataxac, cha'ayi qami' aÿim qanqouagaxauñiitalec, qataq da ltaunaxanaxac so Espíritu Santo mayi netanguit co'ollaxa so Jesucristo.

Efesios 3:13

Qaq ÿoqo'oyi aÿim qami' saqatalo da sa ishit da qanlaviitapiguiñi, souaxat da aÿim huo'o da ñique'ejnaxac souaxat da qoñiita, cha'ayi damayi naigui da yaqto' qami' ÿi'oxoda'q.

2 Corintios 5:5

Qaq nachiñi ñim Dios mayi qomi' ÿaqataxaata'agueta 'enauac de'eda, qataq qomi' ÿanema so n'Espíritu Santo, qaq nachiso som ÿoqta 'itchiguiñi naq'en da saconaxaguet cam qomi' qoÿaatapigui'salo.

Romanos 8:28

Cha'ayi qomi' saÿajnaqta da ñi Dios ÿaqataxanai' 'enauac na lataxaguesat da ÿauotaique chigoqchigui naq'en da ÿaÿamaxatchiguiñi da lliquiaxac nam ÿauotec ñimayi mayi maichi lÿaxanataguishicpi co'olloxochiyi da ÿauotaique nca'alaxateec.

2 Corintios 12:15

Qaq aÿim ÿataqta huo'o ca ñasapattelec da sematteuo na aÿim hueto'ot, ivitta'a da sematteuo da i'añaxac, da yaqto' ishit da ÿaÿamaxañi da qanachaalataxaqui. Qalaxayi nai'ctaxa da huo'otaq nquictashiguem da qami' sauoteque, qalaq nachi 'en'am da nquictashiguem da sa ishit da aÿim qauauochiic.

Hechos 21:5

Qaq can inoxoodeec soua siete na'axa'te, nachi qaltaq qolaq. Nachi 'enauac so 'amqajnataxanaxaicpi lÿatac na n'alpi qataq na llalaqpi da qomi' icaadaueegue da laÿi yi la ciudad. Qaq can sovidaqaama so loigue, nachi qomi' sa'adaxayiñi naua qadllicte, nachi ñoqouagaxauenaqtac.

Efesios 3:1

Qaq aÿim Pablo, 'eda da huo'o mshi aÿim ñoqouagaxaueetac. Qaq aÿim qaicoñittai' souaxat da sasoilec so Cristo Jesús, qalaxayi damayi naigui da yaqto' qauaÿamqaiñi qami' mayi sa ishit da qami' judío lashi'.