2 Corintios 1:23 - Nuevo Testamento Toba Sur

²³ Qaq aÿim huo'o da iuennataxa da qami' ñamaqtegalo. Qalaxayi saxanaxa da ishit da qami' shi'iguelaxalo, souaxat da yaqto' sa ishit da sauo'o ca qanhuaxanaguiiqui. Qaq damayi ÿaÿateeta ñi Dios. Qaq da sa ishit da nachi 'eetec de'eda, qaq nai'ctaxa da qanqat da ñachaalataxac.

Nuevo Testamento Toba Sombrero Negro

²³ Qalaĝaja qom maliaĝa ja jec'ata di'me Corinto, jo'ne te'me naq'aeta da'me yelnataĝac, jee'tem da'me 'naĝatoqo't ñe'me Dios, nach'edata da'me 'uo da'me ami jetela'ate da'me ja ami 'te jec'atalo.

La'aqtaqa Ñim Lo'onatac 'Enauacna 2013

²³ Qaq aỹem huo'o da iuennataxac da qami' ñamaqtegalo. Qalaxaye saxanaxa nagui da qami' seviralo, cha'aye nachera da 'enec ñaqa'en da qoñiita. ¡Qaq Ñim Lo'onatac 'Enauacna ishet da nqat da ñachaalataxac qom choche satenataxaatac!

2 Corintios 1:23 Referans Kwoze

Gálatas 1:20

Qaq ÿauaachigui ñi Dios nagui de'eda shiyiñi da qami' samaxalo, qaq damayi ÿataqta 'eesa.

1 Corintios 4:21

¿Négue't ca ÿoqta qaupaquiitaique da qami' sedolguete qom qami' ñoqo'onalo? ¿Peta'a qadavilliÿa da qami' sedolguete ca iuaxanaxanaxat, qalqo' da isoxoyic qataq da huosotta ÿataxac?

2 Corintios 13:10

Qaq sa'auaxaañi nagui da qami' samaxalo ana ÿide, yaqto' qom ivita da qami' ñoqo'onalo, qalaq sa ishit da ÿapacteec da huo'o ca sedolec da shinec dam aÿim ÿanem so qadataxala', da yaqto' qami' ishit da qanquiquiitashiguem, qaq sa ishit da 'ico' qami' ñilaxajyiñi.

2 Corintios 13:2

Qaq nam huo'o ca lasouaxashit co'olloxochiyi qataq 'enauac nam laÿipi, qalaq nagui da aÿim qaÿoqta qaltaq shi'iguelaxalec da saqata, 'eeta'am da shiitec can qami' soota'agueta. Qalaq qami' secoyigueete', shiita': qom ivita da qaltaq qami' ñoqo'onalo, qalaq sa ishit qome da huo'o ca sechoxodeetac.

Romanos 1:9

Qaq ñim Dios mayi so'onataxaatacot ñim semattot da iquiyaqteÿaxac da sa'axattac dam n'aqtaguec so llalec, ñimayi aÿim ÿaÿateeta da sa ishit da qami' secoua'aisalo da ivita da ñoqouagaxaueetac.

Filipenses 1:8

Qaq ñi Dios ÿaÿateeta da ÿataqta sauotec 'enauac da qoñiita, da shiita'am da lauotaxanaqtaic so Jesucristo da qoñiita.

2 Corintios 12:20

Cha'ayi aÿim huo'o da itelaxa da huo'otaq ivita da qami' ñoqo'onalo, qaq sa iuena'a da sa ishit da tachigui cam tatapigui yi iuel da qami' ñauaneto, qataq sa iuena'a, da qami' nataq'en sa ishit da tachigui cam tatapigui yi qadvilli da aÿim qanauañi'. Cha'ayi aÿim huo'o da icolanaxa da huo'otaq qami' quetanguilo ca cotaxac, pa'aguenaxac, nalemataic, shiÿaxaua sa iuen ca lÿa, qaÿasaxalec ca lasouaxashit ca nÿa, nvidaqtaxanaxac, 'amqajnaxac, qataq qaica ca naÿamaxa.

1 Timoteo 1:20

Qanachi 'eetec da huaiguilo soua Himeneo nataq'en so Alejandro. Ÿoqo'oyi soomayi sangueta so Satanás, yaqto' sa ishit da nachi 'eetra'ac da quetralec da sa iyacna'pe ñi Dios.

1 Ts 2:5

Cha'ayi qami' qauaÿajñiita da qomi' sa ishit da chochi samaicna'q naua qadtaxaÿaxaco, qataq sa ishit da chochi ñapoqtaña ca qadatenataxanaxac da ñaqataq añi plata. Qaq damayi ÿaÿateeta ñi Dios.

2 Corintios 11:31

Qaq ñim Dios mayi lta'a so qadataxala' Jesucristo, ñim chochaq tateec da ñi'oxonnataguec, ñimayi ÿaÿateeta da ÿataqta 'eesa de'eda i'aqtac.

2 Corintios 11:11

Qaq ¿tá'ainco' yi 'eetec dam da' i'aqtac? ¿Sa ishit peta'a da qami' sauoteque? Qalaxayi ñim Dios mayi ÿaÿaten da ÿataqta qami' sauoteque.

2 Corintios 10:2

Qaq ÿoqo'oyi nagui qami' ñachoxonnoiguilo da qom ivita da qami' ñoqo'onalo, qalaq sa ishit qome da aÿim qauamaqailec, da yaqto' ishit da sa sadeno'ot da shinapega cam qomi' ipataqtapeguelguete da so'otaqtac nam i'ottac nam chochi shiÿaxauapi. Cha'ayi aÿim qaica ca sa'aptapigui da sataÿa'aguet da ñicotaÿapegue' camayipi.

2 Corintios 1:18

Qalaxayi ñi Dios qomi' ÿaÿateete' da sa ishit da saq ÿataxalec ca qad'aqtac da qami' sa'aqtaxanaxama.

1 Corintios 5:5

Ime, qanachi que'eca shiÿaxaua qoÿanguet so Satanás, yaqto' qanlaxajñi da l'oquiaxac, qalaxayi qanca'alaxateec som capegue' lqui'i, qom ñi'iguelaq so qadataxala' Jesús.

Romanos 9:1

Ÿataqta 'eesa de'eda sa'axattac, cha'ayi aÿim sa'amaqten so Cristo, qaq sa ishit da chochi satenataxaatac. Cha'ayi da ivilÿaxac chigoqchigui so Espíritu Santo da aÿim i'axatem da ÿoqta aÿim 'eesa.

Hechos 18:1

Qaq co'ollaq ime de'eda, nachi so Pablo ca'ai yi Atenas da taigue da la ciudad Corinto.

Hechos 18:8

Qaq so Crispo mayi ilotague' aso naponaxaqui, somayi qataq 'enauac so llalaqpi i'amaqten so qadataxala'. Nataq'en qalota nam shiÿaxauapi mayi lma' yi Corinto co'ollaq hua'axaÿa da n'aqtac, nachi da'amqajnataxan, nachi 'enauac qanachilaxan.

2 Corintios 1:1

Aÿim Pablo, de'eda ñamaxasaguec chigoqtot ñi Dios da ÿauo'o aÿim lamaxashic naq'en so Jesucristo. Aÿim hueta'aguet ñi qadqaÿa Timoteo. Qaq nagui qami' samaxalo ana ÿide, qami' ÿaqaÿañicpi mayi qau'amqchiñiitac ñi Dios, mayi qoñiitaña na la ciudad Corinto, qataq nataq'en 'enauac na lalamaxatpi ñi Dios mayi netalec yi 'alhua Acaya.

2 Corintios 6:6

Nataq'en ichoxot da qomi' l-lataqa ñi Dios da no'on qadataxac, qataq da qadauattonaxanaxac mayi 'eesa, qataq da qadhualaxavic, qataq da qadauotaxanaqtaic, qataq da nachi 'eetai' da qomi' hueta'agueta so Espíritu Santo, qataq dam 'eesa qadsoxoyic,

2 Corintios 11:10

Qaq ÿataqta aÿim 'eesa da sauattoota da 'eesa lataxac mayi chigoqo'ot so Cristo, qataq saÿateeta nataq'en da sa ishit da huo'o ca nqat da i'ot da ñitonaxac nam netaña yi 'alhua Acaya.