2 Corintios 1:14 - Nuevo Testamento Toba Sur

¹⁴ da qom ñi'iguelaq so qadataxala' Jesús, huaña, qaq qami' ishit da qomi' qantoñiitapegueque, qaq nachi 'en'am ñitonaqtapegueque qami'. Qaq damayi mashi cada'acolec da qauaÿajñiita.

Nuevo Testamento Toba Sombrero Negro

¹⁴ naq'aeta da'me lae jo'ne joote qo'mi auayachiñe', queda'me qom 'niyelaq ñe'me Qadejaliaĝanec Jesús, ami male auanomiyeguet da'me qo'mi avi'yoĝodeñi'tape, nach'e naq'aeta da'me qo'mi janomaĝaguet da'me ami ji'yoĝodenaqa'tape.

La'aqtaqa Ñim Lo'onatac 'Enauacna 2013

¹⁴ nam saxanaxa da ỹoqta qauaỹaañita. Huaña, nache qom ñe'eguelaq So Qarataxala' Jesucristo, nache qomi' qantoñiitapegueque, qaq nache 'ena'ama qomi' da qami' ñetonaqtapegueque.

2 Corintios 1:14 Referans Kwoze

Filipenses 2:16

da huo'otaq qau'axachiim da n'aqtac mayi chigaqaigui da nca'alaxa. Yaqto' qom ivita da ñi'iguelaq so Cristo, nachi ÿataqta samachiguiñi souaxat da qoñiita, cha'ayi saÿateeta da sa ishit da saqca ca naigui da ñaqalgoxosoxoc qataq da i'onataxanaxac.

1 Corintios 1:8

Qaq ñimayi ÿataqta qami' lasoqchiyiñi, qami' ividaxatta'alo ca loga'tna, yaqto' sa ishit da huo'o ca qami' ÿasaxalguete ca qadasouaxashichi qom nvi' so qadataxala' Jesucristo.

1 Ts 3:13

Qataq ñimayi qami' itauanque ca l'añaxac da qadhuennataxaqui, yaqto' ishit da qanaÿañiÿot da saqca ca qadasouaxashichi hueto'ot ñi qadta'a Dios que'eca na'a'q qom ñi'iguelaq so qadataxala' Jesús, da nactaigui 'enauac na lalamaxatpi.

Filipenses 4:1

Qaq ÿoqo'oyi qami' ñauochaxa'u ÿaqaÿa't, aÿim ÿataqta huo'o da iyaxa da qami' ñauaneto, cha'ayi qami' mayi nachiqami' qau'ochi da ñitonaxac qataq qami' ÿi'oxode'te. Qaq nachi 'eetai' qome da qoquiitague' so qadataxala', qami' ñauochaxa'u.

Filipenses 1:10

yaqto' ishit da qauaÿajñi da qalca'aiua'a ca ÿataqta ÿaÿamaqchiguiñi. Qataq yaqto' ishit da qui'itta da qanachaalataxaqui, qataq sa ishit da huo'o ca qami' qaÿasaxalguete qadasouaxashichi qom ivita da ñi'iguelaq so Cristo.

1 Ts 5:23

Qaq ñi Dios mayi qomi' ÿanema da qadlagaxayic, nachiñi ñi qami' iqui'itaxatte' qome, qataq ÿaÿamaxat 'enauac da qad'oquiaxaqui, qataq ñi qoquiÿapegue' qadqui'ii, qataq 'enauac da qadvilÿaxaqui, da ÿataqta saqca ca qadasouaxashichi naq'en, chochi ivitta'a ca lvidaxac so qadataxala' Jesucristo.

Filipenses 1:6

Qaq aÿim ÿataqta 'eesa ñaqshin da ñi Dios mayi chigoqchigui da qami' i'oteque da no'on dalaxaic qadataxaqui, ñimayi queto'ot da i'ottac damayi, chochi ividaxatta'a ca na'a'q qom ñi'iguelaq so Jesucristo.

2 Corintios 5:12

Qaq sa ishit da qaltaq shi'iguelaxasoxolec da yaqto' qaltaq qomi' qavi'oxoyiñi'. Cha'ayi chaqdata da sauoqtaique da qomi' qauamaitegueta, yaqto' qami' ishit da qau'aqtaxañiim na shiÿaxauapi mayi ñi'oxodeetapigui da lataxac ca yi'oqchigui shiÿaxaua, qaq sa ishit da nachica cam huetaigui añi lquiyaqte camayi.

2 Corintios 2:5

Qaq qom huo'otaq huo'o ca i'ot ca naquicoxo, qaq camayi sa ishit da nachaqaÿimta da aÿim ÿaquicoqchit. Cha'ayi nataq'en 'enauac da qoñiita, cada'ac da qami' ÿaquicoqchi't. Shinapec da “cada'ac da qami' ÿaquicoqchi't,” yaqto' sa ishit da ÿapacteec da huo'o ca 'ico' sa sechidapec.

Romanos 11:25

Ÿoqo'oyi qami' ÿaqaÿa't, ñishitaique da qauaÿajñi de'eda saq cha'a lataxac mayi 'eetapeguec ñi Dios, yaqto' qami' sa ishit da qaupi'itaxañiitega da qami' ÿajnaxanaxaiqa. Cha'ayi huo'o nam Israel l'ecpi nam ÿataqta qadamchigui, qalaxayi to' qom ivita ca laloqo' da nala'a't na sa ishit da Israel l'ecpi da inoxoneuo.

1 Corintios 15:31

Ÿataqta 'eesa, qami' ÿaqaÿa't, da 'enauaque naua na'axa'te satata'aguet da nleuaxa, qaq de'eda ÿataqta 'en, 'eeta'am da ñitonaxac da qami' ñitootapegueque, cha'ayi mashi qau'amaqchiñi so qadataxala' Jesucristo.

1 Corintios 11:18

Qaq da hua'auchiguiñi i'aqtac 'eeta': Sa'aqtapeguelec da qoÿiitega quenaxa da ivita da qalapoñiÿa't da qau'onaxañi, qalaq nda'a't da qami' qaucolaqaitagui. Qaq 'eeta'am ñaqashin da cada'acolec da 'eesa damayi.

Filipenses 1:26

da yaqto' qaltaq aÿim qoviita'aguet, nachi 'eeta'am da so'ot da qantonaxaqui da qavi'oxoyiñiitac so Cristo Jesús.

2 Corintios 9:2

Cha'ayi aÿim mashi ime da sauattoota da qami' sa ishit da huo'o ca qai'iquiitega. Qaq ÿoqo'oyi aÿim naxa ÿataqta huo'o da ÿi'oxonnataxanaxac da qoñiita ne'ena soota'a Macedonia, da qami' mayi qoviita'a na Acaya da nal'ena so lÿa vi'i da qauauoitaique aca qadtaunaxanaqchi. Qaq ÿoqo'oyi qalota nam lma' na Macedonia na huo'o da l'añaxac souaxat da qoñiita.