2 Corintios 1:10 - Nuevo Testamento Toba Sur

¹⁰ Ñimayi nachiñi ñi qomi' nca'alaxateeguesopa co'olloxochiyi da lta'adaic nleuaxa, qaq ñaq 'eetalec nagui da qomi' nca'alaxattrapeguec. Qataq ñaquitaqta'a ñimayi da nachi 'eetai' da qomi' nca'alaxattrapeguec,

Nuevo Testamento Toba Sombrero Negro

¹⁰ Qama'le Dios qo'mi nec'alaĝatedegue nataq'aen qo'mi yaiyaĝaneque da'me let'adaic te'me qoyen qadeleuaĝa. Jep'iyaqa queda'me maliaĝa yitaĝa qo'mi nec'alaĝatedegue,

La'aqtaqa Ñim Lo'onatac 'Enauacna 2013

¹⁰ Qaq Ñimaye, nacheñi ñi qomi' nca'alaxateeguesopa co'ollaxa da lchec da nleuaxa. Qataq huo'o da qanaquitaxac da queto'ot da qomi' nteltegalo,

2 Corintios 1:10 Referans Kwoze

1 Timoteo 4:10

Qaq nachida da huo'o mshi so'onataxanaqtac qataq ñi'añaxataxaguet da qanshiunaguec, cha'ayi mashi hueto'ot ñi Dios da qanaquitaxac. Ñimayi mayi nca'altauec, qataq nachiñi ñi nshitaique da nca'alaxateec 'enauac na shiÿaxauapi, qalaxayi ca da'amqajnataxan nachica ca qanca'alaxateec.

2 Pedro 2:9

Qaq 'eda da 'eetec da ñi qadataxala' ishit da nca'alaxateeguesop da ñi'iguenataguec cam ÿataqta nañanot ñimayi, qataq da taÿa'a naq'en da nhuaxanaguec na qauemaicpi qom ivita da nmit 'enauacna.

Romanos 15:31

da yaqto' ñimayi aÿim nca'alaxateeguesop nam sa da'amqajnataxanpi mayi netaña yi Judea, qataq yaqto' aca ntaunaxanaqte mayi seda'a ca qadqaÿañicpi mayi netaña yi Jerusalén ishit da saqca ca da qom qaÿaconguet,

2 Timoteo 4:17

Qalaxayi so qadataxala' Jesús saq aÿim iÿoteec, qataq aÿim ÿami' da i'añaxac da ña sepactelec da sa'axat da n'aqtac mayi chigaqaigui da nca'alaxa, yaqto' hua'axaÿa de'eda 'enauac na saq judiopi. Qaq nachi 'eetec de'eda som qadataxala' aÿim nca'alaxateeguesop da 'ico' loxonaxanaxac ca dequi'iÿapec.

Hechos 26:21

Qaq nachida da huo'o mshi na judiopi aÿim ÿaconeu'a da aÿim icoñi' can huaigui añi n'onaxanaxaqui, nachi huotaique da aÿim ÿalauat.

2 Corintios 1:9

Mashi sanomaqta da shinaqta'am ca ÿagueec na lasouaxashit da taÿa'a qanqoÿin da nalaataguec. Qalaxayi damayi i'ot da qanapaxaguenataguec, da yaqto' sepi'aqa'a ñi Dios mayi nca'aleec naq'en na leuaxaicpi, qaq sa ishit da nachiqomi'.

2 Corintios 6:9

Qataq huo'o da qoÿiitega qomi' sa qaÿauatto'n, qataq huo'o da qoÿiitega da qomi' nauattonataqa. Qataq huo'o da souaqaigui da lchic da nleuaxa, qalaxayi ñaqaiyita ña yica'alaqtauec. Huo'o da qomi' qaiuaxaata'pe, qalaxayi sa ishit da qomi' qaÿalaua't.