2 Corintios 1:1 - Nuevo Testamento Toba Sur

¹ Aÿim Pablo, de'eda ñamaxasaguec chigoqtot ñi Dios da ÿauo'o aÿim lamaxashic naq'en so Jesucristo. Aÿim hueta'aguet ñi qadqaÿa Timoteo. Qaq nagui qami' samaxalo ana ÿide, qami' ÿaqaÿañicpi mayi qau'amqchiñiitac ñi Dios, mayi qoñiitaña na la ciudad Corinto, qataq nataq'en 'enauac na lalamaxatpi ñi Dios mayi netalec yi 'alhua Acaya.

Nuevo Testamento Toba Sombrero Negro

¹ Jayem Pablo 'me jayem lamaĝajec ñe'me Cristo Jesús, qa'a naq'aeta da'me loequenataĝanaĝac ñe'me Dios. Ami jep'iye'tape nayi, nach'e ena'am ñe'me qadaqaya Timoteo, da'me ami qadaqaya' p'etaqadaiquipi jo'ne Dios lec'oqo'tolqa 'me oñiya'ña di'me Corinto, nataq'aen uoja'aegaua qadaqaya' 'me neda'ña di'me aleua jo'ne Acaya.

La'aqtaqa Ñim Lo'onatac 'Enauacna 2013

¹ Qami' qanauochaxauapi qarqaỹañicpi maye qoñiitaña na nỹecpi na Corinto qataq na 'alhua Acaya: Aỹem Pablo qataq ñi Timoteo, qami' samaxasaxalo da qarquinaxanaxac.

2 Corintios 1:1 Referans Kwoze

2 Timoteo 1:1

Aÿim Pablo, aÿim ÿideuo ñi Dios da aÿim lamaxashic naq'en so Jesucristo, da sa'axateec da nca'alaxa mayi ÿachaxanapec co'olloxochiyi. Qaq de'eda nca'alaxa taÿot ca mashi n'attau'a so Cristo Jesús.

Filipenses 1:1

Aÿim Pablo qataq ñi Timoteo, qomi' l-lataqa so Jesucristo. Qomi' samaxasaxa ana qodede 'enauac na 'amqajnataxanaxaicpi mayi netaña yi la ciudad Filipos, nam lalamaxatpi ñi Dios qataq n'attau'a so Cristo Jesús. Ana qodede nataq'en taÿa'a na lataxala'pi namayipi qataq na ltauapi.

Efesios 1:1

Aÿim Pablo, da ñamaxasaguec chigoqtot ñi Dios da ÿauo'o aÿim lamaxashic naq'en so Jesucristo. Qaq qami' samaxalo ana ÿide, qami' mayi qami' lalamqa'te ñi Dios qataq qau'amaqchiñiitac so Cristo Jesús, mayi qoñiitaña na la ciudad Éfeso.

Tito 1:1

Aÿim Pablo, aÿim l-latac ñi Dios qataq aÿim lamaxashic so Jesucristo da setauan da lpi'iÿaxac na lca'aguishicpi ñi Dios, yaqto' namayipi ÿauattoota da 'eesa lataxac dam qad'amqajnataxanaxac,

1 Timoteo 1:1

Aÿim Pablo, aÿim lamaxashic so Jesucristo. Qaq de'eda ñamaxasaguec chigoqtot ñi Dios mayi qadca'alaxaqui, nataq'en so qadataxala' Jesucristo mayi ÿataqta qadpe'et.

Gálatas 1:1

Aÿim Pablo, aÿim lamaxashic so Jesucristo. Qaq sa ishit da aÿim lamaxashic qataq da aÿim ÿideuo ca chochi shiÿaxaua, cha'ayi nachiso so Jesucristo qataq ñim lta'a Dios mayi nca'aleeguesop naq'en somayi da nleuaxa.

1 Corintios 16:10

Qom qami' nvitalo ca Timoteo, qaq ÿataqta qanpogoxoiñiÿapegue' da machiguiñi qanqashiñi, yaqto' qaica camachaqca. Cha'ayi somayi i'ottac da l'onataxanaxac so qadataxala', 'eeta'am aÿim.

1 Corintios 6:11

Qaq huo'o co'ollaxa da qoñiita na 'eeta'am ne'enapi. Qalaxayi mashi qami' qaiqui'itaxatte', qataq mashi qanañañiÿot ñi Dios, qataq ñimayi mashi qami' ÿaÿamaxadeete'. Qaq 'enauac de'eda chigoqchigui so qadataxala' Jesús qataq so Espíritu mayi chigoqo'ot ñi qadta'a Dios.

Hechos 16:1

So Pablo qataq so Silas ivitra yi pueblo l'enaxat Derbe qataq yi Listra. Qaq huaña yimayi, nachi nateedalec so 'amqajnataxanaxaic l'enaxat Timoteo. Somayi llalec aso judío lashi 'amqajnataxanaxai, qaq so lta'a qalaxayi griego l'ec.

Hebreos 13:23

Qaq qami' sa'aqtaxanema da so qadqaÿa Timoteo mashi sogote da qaisouec. Qaq qom saqaÿaloq da aÿim nvita, qaq sauec qome da qami' ñoqo'onalo.

2 Ts 1:1

Aÿim Pablo, aÿim soota'agueta na Silvano qataq Timoteo. Qaq nagui qami' samaxalo ana ÿide, qami' ÿaqaÿañicpi 'amqajnataxanaxaicpi mayi qoñiitaña na la ciudad Tesalónica. Qami' mashi qan'aviitau'a ñi qadta'a Dios qataq so qadataxala' Jesucristo.

1 Ts 1:1

Aÿim Pablo, aÿim soota'agueta naua Silvano qataq Timoteo. Qaq nagui qami' samaxalo ana ÿide, qami' ÿaqaÿañicpi 'amqajnataxanaxaicpi mayi qoñiitaña na la ciudad Tesalónica. Qami' mashi qan'ayiitau'a ñi qadta'a Dios qataq so qadataxala' Jesucristo. Ñishitaique da qauacoñiiguet da nqouagaxanaqtaic qataq da nlagaxayic mayi chigoqo'ot ñi qadta'a Dios qataq so qadataxala' Jesucristo.

2 Corintios 11:10

Qaq ÿataqta aÿim 'eesa da sauattoota da 'eesa lataxac mayi chigoqo'ot so Cristo, qataq saÿateeta nataq'en da sa ishit da huo'o ca nqat da i'ot da ñitonaxac nam netaña yi 'alhua Acaya.

2 Corintios 9:2

Cha'ayi aÿim mashi ime da sauattoota da qami' sa ishit da huo'o ca qai'iquiitega. Qaq ÿoqo'oyi aÿim naxa ÿataqta huo'o da ÿi'oxonnataxanaxac da qoñiita ne'ena soota'a Macedonia, da qami' mayi qoviita'a na Acaya da nal'ena so lÿa vi'i da qauauoitaique aca qadtaunaxanaqchi. Qaq ÿoqo'oyi qalota nam lma' na Macedonia na huo'o da l'añaxac souaxat da qoñiita.

1 Corintios 16:15

Qaq nagui, qami' ÿaqaÿa't mayi qoñiitaña na 'alhua Acaya, mashi qauaÿajñiita da na llalaqpi na Estéfanas da nachina na l'auaxanecpi da da'amqajnataxan da qoñiita, qataq namayipi ÿataqta nañanguet da itauan na qadqaÿañicpi 'amqajnataxanaxaicpi.

1 Corintios 10:32

Sa ishit da huo'o ca huañi qanqashiñi na judío l'ecpi, huo'otaq na saq judío l'ecpi, huo'otaq na i'amaqteetacpi ñi Dios.

Romanos 16:21

Nataq'en qami' ÿamaxalo da lquinaxanaxac ñi Timoteo mayi ñitaunaxaua, qataq ñi Lucio, Jasón qataq ñi Sosípatro nam iuo' lashi'.

Romanos 16:5

Nataq'en samaxa da iquinaxanaxac ca qadqaÿañicpi mayi natamnaqa' yi lma' aca Priscila qataq ca Áquila, qataq nataq'en ca ñauochaxaua ÿaqaÿa Epéneto mayi nachica ca l'auaxanec da i'amaqten so Cristo nam lma' yi Acaya.

Romanos 15:26

Cha'ayi nam Macedonia l'ecpi qataq nam Acaya l'ecpi mashi huo'o da lhuennataxa da i'ot aca ltaunaxanaqte da ÿauotaique da ÿamaxa cam qadqaÿañicpi choxodaqpi mayi netaña yi Jerusalén.

1 Corintios 16:24

'Enauac da qoñiita qami' samaxalo da isoxoyic mayi chigoqo'ot so Cristo Jesús. Aja', nachi 'eetec de'eda.

2 Corintios 1:19

Cha'ayi so llalec ñi Dios, l'enaxat Cristo Jesús, som sa'axattac qataq soua iÿa't Silvano qataq Timoteo co'ollaq qami' souaqta'agueta, somayi sa ishit da saq ÿataxalec ca l'aqtac. De'eda n'aqtaxanaxac mayi chigoqo'ot so Cristo ÿataqta 'eesa,

2 Corintios 1:23

Qaq aÿim huo'o da iuennataxa da qami' ñamaqtegalo. Qalaxayi saxanaxa da ishit da qami' shi'iguelaxalo, souaxat da yaqto' sa ishit da sauo'o ca qanhuaxanaguiiqui. Qaq damayi ÿaÿateeta ñi Dios. Qaq da sa ishit da nachi 'eetec de'eda, qaq nai'ctaxa da qanqat da ñachaalataxac.

Gálatas 3:26

Cha'ayi de'eda npi'iÿaxac nachida da huo'o mshi 'enauac da qoñiita qami' llalqa ñi Dios, souaxat da qan'ayiitau'a so Cristo Jesús.

1 Ts 3:2

Nachi qami' samaxasaxalo sa qadqaÿa Timoteo. Cha'ayi somayi lamaxashic ñi Dios qataq qad'onataxanaxaua da sa'axataq da no'on qad'axaÿaxac mayi n'aqtaguec so Cristo. Somayi taÿalo qami' da qami' nauaxaÿaxaayishigue'm qataq i'añaqchit da qadpi'iÿaxaqui,

Filemón 1:1

Aÿim Pablo, aÿim qaicoñittai' souaxat da sasoilec so Cristo Jesús. Aÿim qataq ñi Timoteo 'am samaxa ana ÿide, 'am qanauochaxaua qadqaÿa Filemón mayi 'am qad'onataxanaxaua,