1 Ts 5:6 - Nuevo Testamento Toba Sur

⁶ Ÿoqo'oyi sa ishit da 'ico' so'ochaqtañi, se'enaxataqtapeguem na sa da'amqajnataxan. Chaqdato' da ñiloqteec, qataq seloqtegue da qoyiquiaxac.

Nuevo Testamento Toba Sombrero Negro

⁶ Chane'eja 'noota ta'le ja jo'ochaq, ena'te jadenaĝataq joga'me ochaĝayaqa, dite da'me nach'e eta't ñeloqotaye nataq'aen yataqata jeloqo'tegue da'me qadadiquiyaĝac.

La'aqtaqa Ñim Lo'onatac 'Enauacna 2013

⁶ Ỹoqo'oye iuen da ỹataqta ñeloqtec, saỹamaxataqchiguiñi da qoyecỹaxac, qataq saishet da leetapigui ye qarhuel da shenaqta'am na laỹepi shiỹaxauapi.

1 Ts 5:6 Referans Kwoze

1 Pedro 1:13

Qaq ÿoqo'oyi no'on da ÿataqta qauaÿamaxachiichiguiñi cam qau'ochi, qataq ÿataqta qanloiteec, qataq ÿataqta qaumachiÿo'ot 'enauac da qadpi'iÿaxaqui ñi Dios souaxat da lqouagaxanaqtaic mayi qami' ÿanema qom ivita da nachaxan so Jesucristo.

Mateo 24:42

Qaq qami' ÿataqta qanloiteec qome, cha'ayi sa qauaÿajñi ca laloqo' da ñi'iguelaq na qadataxala'ai.

Lucas 22:46

Nachi 'eetega somayipi, 'eeta': –¿Tá'ainco' yi qau'ochiita? Ña qoñiishiguem. Ime, qaq qanqouagaxauñi, yaqto' sa ishit da qami' taiguilo ca qauem nhuennataxa.

1 Pedro 5:8

Qataq ÿataqta qanaÿajnaxanaqchiñi, qataq qanloiteec, cha'ayi so qami' ipa'agueeta'pe shiÿaxaua lma'na coleetac, nmittaique ca loxonec, 'eeta'am ca quiyoc da desoqtac.

Apocalipsis 16:15

“Qaq ña qauloÿa, aÿim ñanac qom sa ishit da aÿim qaÿauotaique, shiita'am ca cachaxaic. Qaq ÿataqta machiguiñi qome cam nlotauec qataq cam ntela'alo caua alogo, da yaqto' sa ishit da huetauec, nachi na shiÿaxauapi ishit da ilogui da l'oquiaxac.”

Tito 2:12

Qaq de'eda lqouagaxanaqtaic ñi Dios qomi' ÿapaxaguenque da 'enauac soqolqa'ai na qan'onatagueguesat qataq da qadqopitaxanaqtaic. Qanachi sachoq da achaalataxac da ntel-la't ca shiÿaxaua, qataq no'on da lataxac, qataq nañanot da quetague' ñi Dios, nagui da ñaq souaqta'a ana'ana 'alhua.

Efesios 5:14

Qaq ÿoqo'oyi dam n'aqtac 'eeta': 'Am mayi 'au'ochita, ña 'anlouec; qoñishiguem, qoca'ai nam leuaxaicpi, qaq so Cristo nachi 'am icoÿadelec.

Apocalipsis 3:2

Qaq 'anlouec qome, nachi 'au'añaqchit dam ñaq huo'o 'ad'onataxanaxac mayi mashi huotaique da imeuo. Cha'ayi aÿim sela'a da sa ishit da nalochiguiñi da 'ad'onataxanaxac da imeteetac ñi ita'a Dios.

1 Pedro 4:7

Qaq mashi nayiita'a yi loga't 'enauacna. Qaq ÿoqo'oyi ÿataqta qanloiteec qome, qataq ÿataqta sa qauasaguiyii da qanqouagaxauñiitac.

1 Corintios 16:13

Ÿataqta qanloiteec, qataq qan'añaxachiitec da qadpi'iÿaxaqui. Qau'enaxachi ca shiÿaxaua ÿataqta qadamchigui qataq 'añaxaic.

1 Timoteo 2:9

Nataq'en ñishitaique da na 'alpi ÿataqta ÿaÿamaxatta da n'otaxac, qataq ÿaÿaten da ntel-la't, sa ishit da ñi'oxonnaxai. Yaqto' 'ique' n'otaxat da ÿaÿamaqchiguiñi 'onataxac. Sa ishit da nachida da yi'oqchigui da huo'otaq i'ot na laue, huo'otaq ca 'otaxat chigaqaigui na oro huo'otaq perlas, huo'otaq ÿauo'o aca lapoto da saqaÿoqteu'a naq'en.

Tito 2:6

Nachi 'en'am 'au'añaqchit na nsoxotpi, yaqto' ishit da nloteec.

1 Timoteo 3:2

Ÿoqo'oyi ca lataxala' na 'amqajnataxanaxaicpi sa ishit da huo'otaq sa ÿaÿamaxañi da n'aqtaguec. Chaqdata da 'oonole naq'en aca lhua, qataq ÿataqta ilotegue da lliquiaxac, nloteec, qataq qaica ca taÿapegueu'a. Qataq ÿataqta nloshiguem, sa ishit da sa ilo'oguet da lÿa da namaxasoxoic. Qataq ÿaÿaten da dapaxaguenataxan.

Colosenses 4:2

Qami' ÿataqta qoquiitot qome da qanqouagaxaunaxaqui. Qanloiteec, qataq qai'añiitacot da qan'achiquiaxaqui ñi Dios.

Efesios 6:18

Qaq da qau'ochi 'enauac de'eda, nachi qanatamñiitac, chigoqchigui qanqashiñi so Espíritu Santo da nachi 'eetai' da qanqouagaxauñiitac qataq qauÿaxañiitacot ñi Dios. Qaq ÿataqta qanloiteec, da yaqto' ishit da qau'ochi 'enauac de'eda. Sa ishit da qanasamiitapiguiñi. Qataq qanqouagaxauñiitalec 'enauac nam lalamaxatpi ñi Dios.

Lucas 21:36

Qaq qami' ÿataqta qanaÿamaxachiitai' qome qataq qoquiitot qome naua na'axa'te da qanqouagaxauñiitac, yaqto' ishit da qami' ÿi't, qom ivita da yi'oq 'enauac namaxa, qataq yaqto' ishit da qanachaachiu'a qom nvi' na shiÿaxaua llalec.

Lucas 12:39

Qataq qauaÿajñiita de'eda shinapec da huo'otaq ca lalamaxat ca noÿic da huo'otaq ÿaÿaten ca laloxoqui da nvi' ca cachaxaic, nachi camayi sa ishit da do'ochi, qataq sa ishit da ÿashin da qainoxotau'a da yaqto' qaicachiÿot.

Mateo 25:13

Nachi so Jesús 'enapeco': –Qami' ÿataqta qanloiteec qome, cha'ayi sa ishit da qauaÿajñi ca na'a'q qataq ca laloqo' da ñi'iguelaq na shiÿaxaua llalec.

Mateo 25:5

Qaq cha'ayi ÿataqta qaÿaloqteguet se'eso adonaq, nachi 'enauaque soomayi huo'o na l'ochaqa', nachi do'ochi'.

Mateo 13:25

Qalaxayi co'ollaq 'enauac da do'ochita somayipi, nachi anac som ipa'agueetac so lalamaxat se'eso nanguishic. Nachi ÿaañi aso huoue mayi 'eeta'am na trigo da ÿanoigui somayi. Ime, nachi jec.

2 Timoteo 4:5

Qalaxayi 'am ÿataqta 'anloteeco' qome, qataq 'an'añaxateguet na 'anque'ejnaxaguesat, qoquetot da 'au'axat da n'aqtac mayi chigaqaigui da nca'alaxa, 'aupactelco' da 'ad'onataxanaxac.

1 Timoteo 3:11

Aca 'alo nataq'en iuen da no'on da n'aqtaguec, qataq sa ishit da n'aqtaqa l'o'. Chaqdata da sa daÿactac, qataq ipactelec 'enauac da l'onataxanaxac.

1 Ts 5:8

Qalaxayi qomi' mayi souaqtaigui na yi'oqchiguiñi na'a'q, ÿataqta seloqtegue da qoyiquiaxac. Sanaxañi da qadpi'iÿaxac qataq da qadsoxoyic, se'enaxataqchigui ca ale da ÿaañi aca ishit da npaxatalec ana ltogue. Qataq sanaxañi da qanaquitaxac da qomi' qanca'alaxatreec, 'eeta'am aca ado'o alaataxaqui mayi ÿaañi ca ale.

Filipenses 4:5

Qaq 'enauac qome na shiÿaxauapi ÿataqta qami' ÿauattoote' da qami' huotaxanaqtaqaiqa. Cha'ayi so qadataxala' mashi sa qaÿapeque da nvi'.

1 Corintios 15:34

Qami' qavi'iguelaqaÿa qome da achaalataxac qui'itta qataq sa daÿactac, qataq qai'axañiiuec da qayi'itaxalqoi, cha'ayi huo'o da qoñiita na sa ishit da ÿauatton ñi Dios. Qaq de'eda shinapec, yaqto' huo'o da qad'alqoi.

Hechos 20:31

Qaq maxatchaxa qome, qanloishiguem, qauennachiÿo' qome soua tres vi'iyi, da ica'n naua na'axa'te qataq naua pe' da qami' saqattegalo, ñoÿiitalec ñi 'oonolec da qoñiita.

Lucas 12:37

Ÿataqta huo'o qome da lamaxayic ca nlatacpi qom huo'otaq ca n'aco' ilalec camayipi da nlotauec qom ivita da nvi'. Qaq aÿim shinapec da que'eca 'aco' ishit da maichi huapegue' qome da nso'onaxanaxaañi camayipi da ÿataxaalec ca nqui'axala', ime, qaq nÿoxoshiguem ca nallic.

Marcos 13:37

Qaq de'eda i'aqtac mayi qami' shinapegalo, damayi nachi taÿauga 'enauac na shiÿaxauapi, 'eeta': Ÿataqta qanloiteec qome.

Mateo 26:38

Nachi 'enapegalo' soomayi, 'eeta': –Añi iquiyaqte ÿataqta daquico. Huotaique da yalauat da ÿaquicoxo. Qaq qoviita'a qome ne'ena, qataq sa ishit qome da qau'ochii.

1 Timoteo 2:15

Qalaxayi aca 'alo ishit da qanca'alaxateec da ÿataqta huelec da ntela'a da lco'oxoc, qataq quetot da lpi'iÿaxac qataq da lsoxoyic, qataq ÿataqta iqui'itaxatta da nachaalataxac, qataq ntel-la't.

Efesios 2:3

Qaq nataq'en 'enauac da shinaqta nachi shinaqta'am namayipi som hua'a'u vi'iyi, da qolaqtague' nam maichi shinaqtapeguecpi, qataq so'otaqtac dam lqopitaxanaqtaic da qadapachiyaxac qataq nam maichi qadhuennataxacpi. Qaq ÿoqo'oyi ÿataqta 'itchiguiñi da qomi' huetalguete da qaica ca 'en'am lchic lalemataic ñi Dios da shinaqta'am 'enauac nam laÿipi shiÿaxauapi.

1 Ts 4:13

Qami' qadqaÿa't, sa saÿamaxadenaq da sa qauaÿajñi ca lliquiaxac na mashi qanmataxanaxaneec, yaqto' sa ishit da huo'o ca daquicota, i'enaxattapeguem ca saxanaxa da da'amqajnataxan mayi saqca ca naquitaxac.

1 Ts 5:10

Somayi qomi' ileualguete, cha'ayi nshitaique da qanachaalataxaua, nai'ctaxa da na ñica'alaqtauec, huo'otaq mashi qadeleu.