1 Ts 5:3 - Nuevo Testamento Toba Sur

³ Cha'ayi na shiÿaxauapi, qom 'eetega da 'enauac lactapiguiñi qataq saqca ca da, nachi nvita namayipi ca nhuaxanaguec lta'adaic, chochi nque'elaxatta, 'eeta'am da nqui'ic aca 'alo hualaxai da ivita yi laloqo' da deco'o. Namayipi sa ishit da ÿit da nhuaxanaguec.

Nuevo Testamento Toba Sombrero Negro

³ Qa'a jena'me jiyaĝadipi enaac jo' qomle: “Yataqata qo'mi 'noote', chayovida'a da'me qo'mi machidiñe,” qama'te paja'a da'me 'uo ga'me ne'uaĝanague'j let'adaic jo'ne yedalo'te jogaa'me, ga'me layaliaĝa'j ena'am jaga'me yauo nale c'oe, yataqata co'yaq nale maliaĝa dayaletac, qama'le yataqata qaya'te yaĝan.

La'aqtaqa Ñim Lo'onatac 'Enauacna 2013

³ Cha'aye na shiỹaxauapi, qom 'eetega da 'enauac lactapiguiñi qataq saqca ca da, qataq saishet da ñe'etapigui', nache nvita namayepi ca nhuaxanaguec lta'araic, choche nque'elaxatta, 'eeta'am da nqui'ic aca 'alo hualaxai da ivita ye laloqo' da deco'o. Namayepi saishet da ỹet da nhuaxanaguec.

1 Ts 5:3 Referans Kwoze

Hebreos 2:3

Qaq ¿táloxochiyictoxo' da qomi' ÿi't ca qanhuaxanaguec da huo'otaq sa ishit da seloxogue ca llic dam lta'adaic nca'alaxa? Cha'ayi nachiso so qadataxala' so l'auaxanec da i'axat de'eda nca'alaxa, ime, qataq jec nam n'axaÿaxaatega somayi, nachi ÿataqta 'itchiguiñi naq'en de'eda n'aqtaxanaxac. Ime, nachi qomi' da'aqtaxanema.

2 Ts 1:9

Namayipi ÿataqta saq llalcolec da nhuaxanaguec lta'adaic mayi chochi tateec qanqoÿin, qataq qaimaqhuec, ÿataqta qaÿoqteuga qanqoÿin da yaqto' sa ilogui da lli'oxoyic qataq da l'añaxac so qadataxala',

2 Pedro 2:4

Cha'ayi ñi Dios sa ishit co'ollaxa da ichoxonnai' som lamaxashicpi mayi huo'o da lasouaxashit. Chaqdata da ÿamaxaña cam nhuaxanqa' naq'en, qataq icoñida'aguet na napalaxa, da yaqto' iuata'aguet naq'en ca na'a'q qom nmit 'enauacna.

Hechos 13:41

Ña qaumijñi, qami' 'enaxanaxaicpi, chochi qau'elaqÿapigui' qome, qataq qami' qaÿaqatte' da qadellivi; cha'ayi aÿim mayi aÿim Dios, huo'o ca na'a'q qome qavichiÿa, qaq aÿim huo'o ca so'ot lta'adaxanec, qaq camayi ÿataqta sa qau'amaqchiñi, nai'ctoxo' da huo'o ca qami' da'aqtaxaatapeguema.

Hebreos 12:23

lapoota'a't da ÿi'oxodeetac ñi Dios, qataq cam lapoota'a't llalaqpi ñi Dios mayi qoÿittau'a aca nanedaxalate nam hueta'ague da piguem. Qataq qauataito'ot qome ñi Dios mayi nachiñi ñi nmit 'enauac na shiÿaxauapi, qataq cam hueta'a na lqui'ipi na shiÿaxauapi mayi no'on da lataxac mayi ÿataqta naloqchiichiguiñi ñi Dios,

Mateo 23:33

¡Qami' n'adaxanaqpi! ¡Qami' llalaqpi na n'adaxanaq! ¿Huá'ago' ca 'eetec da qami' ÿi't ca qanhuaxanaguiiqui da qami' qaÿasaxañalo ca nhuaxanqa' na 'itaxaloxoicpi?

Juan 16:21

Aca 'alo da ivita yi laloqo' da deco'o, qalaq ÿataqta dachitata, cha'ayi mashi ivita yi laloqo' da nqui'ic. Qalaxayi da mashi ñiguiñi ca llalec, nachi acamayi icoua'ai so nqui'ic, souaxat da ntonaxac da ñiguiñi so nogotolec ana 'alhua.