1 Ts 5:24 - Nuevo Testamento Toba Sur

²⁴ Ñim qami' iÿaxanalo ÿataqta sa ÿatenachit quiaxa da l'aqtac, ipactelec 'enauac de'eda.

Nuevo Testamento Toba Sombrero Negro

²⁴ Ñe'me jo'ne ami yiyaĝanalo yataqata qaya'te ena'am da'me yataqata yataqatelegue joñe'me.

La'aqtaqa Ñim Lo'onatac 'Enauacna 2013

²⁴ Ñimaye qami' lca'agui'she da yaqto' qami' ỹalecnaxanoiguilo na lalamaxatpi. Qaq Ñimaye ỹo'ot 'enauac de'era cha'aye, nache 'eetai' naxa da ipaqueelec cam ỹachaxanapec.

1 Ts 5:24 Referans Kwoze

2 Ts 3:3

Qalaxayi so qadataxala' mayi sa ÿatenachit ca l'aqtac qami' itauanque da qami' 'añaxaiqa, qataq qami' ntelaqna'agueta na sa ÿaÿamaxañisat.

1 Corintios 1:9

Ñi Dios ÿataqta ipactelguete naua l'aqtaqa, ñimayi nachiñi ñi qami' iÿaxanalo da qanhuañiÿau'a da nachaalataxac so llalec Jesucristo mayi qadataxala'.

1 Pedro 5:10

Qalaxayi qom ime da qami' cada'ac da huo'o da qanque'ejnaxaqui, nachi ñi Dios ÿataqta qami' nalochiyiñi naq'en, qataq qami' qadamchiyiñi, qataq qami' 'añaxaiqa, qataq qaica ca qami' ÿayigo't. Cha'ayi nachiñi ñi Dios ñim qomi' ÿanema da qanchoxonnataguec, qataq qomi' iÿaxanalo da ñiuanaqhua'a naq'en da lli'oxoyic mayi chochaq tateec, qataq da ñi'adaqtau'a so Jesucristo.

2 Timoteo 2:13

Da ÿapagaqlec ca qad'aqtac, qalaxayi somayi sa ishit da napacalec ca l'aqtac, cha'ayi ñi Dios sa ishit da nqochin, qataq sa nadalaxat da lataxac.

Juan 3:33

Qalaxayi da huo'o ca i'amaqten camayi, nachi que'eca da'amqajnataxan ÿataqta 'eesa naq'en cam 'enapec ñi Dios.

2 Pedro 1:3

Ñi Dios maichi ÿachigoxotchigui da l'añaxac da qomi' ÿanema 'enauac nam iueetac da qanachaalataxac qataq da no'on qadataxac da qolaxague ñimayi co'ollaq qomi' ÿauattonaxanaxanque so Cristo mayi qomi' iÿaxanalo, ÿachigoxotchigui da l'amaqchic qataq dam l'onataxanaxac mayi qaica ca 'en'am da lli'oxoyic.

Tito 1:2

qataq ÿauattoota nataq'en da aquitaxac da achaalataxac mayi chochaq tateec. Qaq ñim Dios mayi sa datenataxan ñimayi ÿachaxanapec co'olloxochiyi de'eda achaalataxac co'ollaq saxanaqaca ana 'alhua.

Apocalipsis 17:14

Qaq namayipi delogui' qome so qagueta llalec. Qalaxayi somayi loxonec qome namayipi, cha'ayi somayi nachiso so lataxala' na nataxala'pi qataq lta'a na nta'alpi. Qataq na hueta'aguetpi somayi nachina nam ÿataqta qaiÿaxana qataq lca'aguishicpi ñi Dios. Qataq namayipi quetague' somayi.

1 Ts 2:12

Qataq saqataqtapeguelec 'enauac da qoñiita da ÿataqta qoquiitelec da lataxac ca shiÿaxaua da quetague' ñi Dios mayi qami' iÿaxanalo da qoviito'ot naq'en da l'onataxanaxac da ilo'ogue 'enauacna qataq da lli'oxoyic.

2 Timoteo 1:9

Ñim Dios mayi qomi' nca'alaxatreec, qataq iÿaxana da qanachaalataxac da yaqto' sanqot. Qaq de'eda qomi' i'oteque, damayi nachi 'eetai' da lhuennataxa. Sa ishit da huo'otaq chochi nqopita'a ca qadataxac no'on. Mayi souaxat da qomi' ÿauoteque, cha'ayi mashi ñi'adaqtau'a so Cristo Jesús. Qataq nal'eno' da qomi' ÿauoteque co'ollaq saxanaqaca ana 'alhua.

1 Corintios 10:13

Da qañi'iguenataguiiqui mayi qami' nvittegalo, damayi nachida da 'eeta'am da ñi'iguenataguec na 'enauac shiÿaxauapi. Qalaxayi qami' ishit da qaupi'iÿa'ai ñi Dios, cha'ayi ñimayi sa ishit da qami' ÿashiitema ca qañi'iguenataguiiqui da huo'otaq sa qanaloÿiguet. Chaqdata da huo'otaq nvi' ca qañi'iguenataguiiqui, nachi ñimayi ÿauo'o ca lliguec, yaqto' qami' ishit da qadaloÿa'aguet.

Mateo 24:35

Na piguem qataq ana 'alhua imeuo qome, qalaxayi da i'aqtac sa ishit da imeuo.

Gálatas 1:15

Qalaxayi ñi Dios aÿim lca'aguishic co'ollaq saxanaxa da sañiguiñi, souaxat da lta'adaic lauotaxanaqtaic co'ollaq aÿim iÿaxana. Nachi co'ollaq 'eetec de'eda ñimayi,

Romanos 8:30

Qaq nam lca'aguishicpi co'ollaxa ñi Dios, nachi nataq'en iÿaxana. Qaq nam lÿaxanataguishicpi ñimayi nataq'en ÿanagui da ÿataqta ÿaÿamaxadeeta qataq nhuanau'a naq'en da lli'oxoyic.

Juan 1:17

Na nqataxacpi co'ollaq qoÿan, qalaq chigoqchigui qanqoÿin so Moisés; qaq da nauotaxanaqtaic qataq dam 'eesa lataxac, damayi chigoqchigui so Jesucristo.

Romanos 9:24

Cha'ayi ñi Dios da qomi' iÿaxanalo, qalaq huo'o na chigoqtoigui naq'en na judiopi, qataq na laÿipi huo'o na chigoqtoigui naq'en na saq judiopi.

2 Ts 2:14

Qaq nachida da huo'o mshi qami' iÿaxanalo ñi Dios, nshitaique da qauacoñiiguet da nca'alaxa mayi chigaqaigui da n'aqtac dam sa'axataqtac. Nataq'en nshitaique da qanhuañiÿau'a da lli'oxoyic so qadataxala' Jesucristo.