1 Ts 5:23 - Nuevo Testamento Toba Sur

²³ Qaq ñi Dios mayi qomi' ÿanema da qadlagaxayic, nachiñi ñi qami' iqui'itaxatte' qome, qataq ÿaÿamaxat 'enauac da qad'oquiaxaqui, qataq ñi qoquiÿapegue' qadqui'ii, qataq 'enauac da qadvilÿaxaqui, da ÿataqta saqca ca qadasouaxashichi naq'en, chochi ivitta'a ca lvidaxac so qadataxala' Jesucristo.

Nuevo Testamento Toba Sombrero Negro

²³ 'Noota qom Dios male naqaeñe jo'ne chiyoqo'ot da'me 'nemaĝac, male yataqata ami 'yeteque da'me male jalcote da'me ja ami 'te 'nalo'te, nataq'aen yataqata netela yema da'me at'oyaĝaqui, uotaĝa na'me adepaqali jo'ne ami uetauelo, nataq'aen netela na'me adai'lidi', choqona'me adapa'chidi', qaedi male yataqata qaya'te ami netayelo jo'ne ja no'en, chayovida'a qom male 'niyelaq joñe'me Qadejaliaĝanec mach'e Jesucristo.

La'aqtaqa Ñim Lo'onatac 'Enauacna 2013

²³ Qaq Ñim Lo'onatac 'Enauacna qami' ỹanema da qarlagaxayiqui, qataq nacheñi qami' iqui'itaxatte' yaqto' qauo'onataxañiỹot. Qataq saishet da qami' ỹashenegueta ca sa ỹaỹamaxañi, choche ivitta'a da ñe'eguelaq So Qarataxala' Jesucristo, yaqto' so saqcha'a qarca'alaqai, qataq da qarvilỹaxaqui qataq da qaro'ocỹaxaqui, saishet da huo'o ca qarasouaxashechi qom qanachaachiỹot Ñim Lo'onatac 'Enauacna.

1 Ts 5:23 Referans Kwoze

Judas 1:24

Qaq ñi qadta'a Dios mayi qaica ca lÿa qataq ÿajnaxanaxaic, ñim qadca'alaxaqui, ñimayi ÿataqta 'añaxaic da qami' ntela'alo, da yaqto' sa ishit da qoviÿañi, qataq da yaqto' qami' nachaalataxaneu'alo cam hueta'a mayi qaica ca 'en'am da lli'oxoyic, qalaq ÿataqta qami' qui'itte' qataq qauamaichiguiñi. Qaq ñimayi nachi 'eetai' qome da ñi'oxonnataguec, l'amaqchic, l'añaxac, qataq da 'enec, souaxat so qadataxala' Jesucristo. Qaq damayi nachi 'eetai' da chigoqta'ague, qataq nagui, qataq dam taÿa'ague. Aja', nachi 'eetec.

Hebreos 4:12

Cha'ayi da l'aqtac ñi Dios ÿataqta nca'altauec, qataq huo'o da l'añaxac. Qataq na llaxa napactelec ca ÿilonec mayi dos naua ala'pi. Qataq damayi ishit da ividau'a cam ÿataqta pa'auo saq cha'a nachaalataxac ca shiÿaxaua qataq som capegue' lqui'i, qataq ishit da ÿaateec naq'en ca lhuennataxac qataq da lavilÿaxac.

1 Ts 3:13

Qataq ñimayi qami' itauanque ca l'añaxac da qadhuennataxaqui, yaqto' ishit da qanaÿañiÿot da saqca ca qadasouaxashichi hueto'ot ñi qadta'a Dios que'eca na'a'q qom ñi'iguelaq so qadataxala' Jesús, da nactaigui 'enauac na lalamaxatpi.

1 Pedro 5:10

Qalaxayi qom ime da qami' cada'ac da huo'o da qanque'ejnaxaqui, nachi ñi Dios ÿataqta qami' nalochiyiñi naq'en, qataq qami' qadamchiyiñi, qataq qami' 'añaxaiqa, qataq qaica ca qami' ÿayigo't. Cha'ayi nachiñi ñi Dios ñim qomi' ÿanema da qanchoxonnataguec, qataq qomi' iÿaxanalo da ñiuanaqhua'a naq'en da lli'oxoyic mayi chochaq tateec, qataq da ñi'adaqtau'a so Jesucristo.

Filipenses 1:10

yaqto' ishit da qauaÿajñi da qalca'aiua'a ca ÿataqta ÿaÿamaqchiguiñi. Qataq yaqto' ishit da qui'itta da qanachaalataxaqui, qataq sa ishit da huo'o ca qami' qaÿasaxalguete qadasouaxashichi qom ivita da ñi'iguelaq so Cristo.

1 Pedro 1:2

Qami', mayi nal'ena da qami' lca'agui'shi ñi qadta'a Dios co'ollaq saxanaqaca ana 'alhua, da ÿachigoxotchigui naq'en so n'Espíritu da qami' iÿotaugalo, da yaqto' qaualaqaiguet ñimayi, qataq yaqto' ÿataqta qami' qui'itto' naq'en naua ltago'q so Jesucristo. Aÿim ñishitaique da qauacoñiiguet da chochaq huañi nqouagaxanaqtaic qataq da nlagaxayic.

Filipenses 1:6

Qaq aÿim ÿataqta 'eesa ñaqshin da ñi Dios mayi chigoqchigui da qami' i'oteque da no'on dalaxaic qadataxaqui, ñimayi queto'ot da i'ottac damayi, chochi ividaxatta'a ca na'a'q qom ñi'iguelaq so Jesucristo.

2 Pedro 3:14

Qaq ÿoqo'oyi qami' ÿaqaÿadolqa, nagui da ña qauachiita'aguet 'enauac de'eda, qaq no'on qome da qanpogoxoiñiÿapegue' da qaulaquiichiguiñi qom qami' nvitalo ñi Dios, qataq qami' qui'itte', qataq qaica ca qadasouaxashichi.

Hebreos 2:11

Cha'ayi nam qaiÿo da nachaalataxac, qataq som deÿoxootac, naamayi 'oonolec ñi lta'a' Dios. Qaq ÿoqo'oyi so llalec ñi Dios, somayi sa ishit da da'aguelec da iÿaxana namayipi da ÿataqta lqaÿañicpi.

Colosenses 1:22

ÿachigoxotchigui naq'en da l-leuaxa so Cristo co'ollaq huo'o da nque'ejnaxac da l'oquiaxac. Qaq 'eetec de'eda ñimayi, cha'ayi nshitaique da qami' nachaalataxaneu'alo cam hueta'a, qalaq qami' qui'itte' qataq qaica ca 'ico' qadshipaxanaxai qataq ca qadasouaxashichi.

1 Corintios 14:33

cha'ayi ñi Dios sa ishit da chigoqo'ot da nasouaxattega't naq'en na shiÿaxauapi. Chaqdata da nlagaxayic. Cha'ayi da n'onataxac 'enauac ana l'onaxanaxaquipi na qadqaÿañicpi 'amqajnataxanaxaicpi 'eeta':

Romanos 15:13

Qaq ñi Dios mayi qomi' ÿanema da qanaquitaxac qami' nlaxatchiguilo qome da qantonaxaqui qataq da qadlagaxayiqui souaxat da qau'amaqchiñi ñimayi, da yaqto' chochaq huañi da qanaquitaxaqui souaxat da l'añaxac so Espíritu Santo.

Lucas 1:46

Nachi aso María 'enapeco': Da ivilÿaxac ÿataqta ÿi'oxoden ñi qadataxala',

Hebreos 13:20

Qaq ñim Dios mayi i'ot da nlagaxayic, ñim nca'alaxateeguesop da nleuaxa so qadataxala' Jesucristo, mayi nachiso so 'oonolec lataxala' ana qagueta, souaxat soua ltago'q mayi ÿoqta 'itchiguiñi naq'en dam qanaÿamaxataxac mayi chochaq tateec,

Romanos 15:5

Qaq ñim Dios mayi ÿan da nhualaxavic qataq da n'añaxac itauan qome ñi 'oonolec da qoñiita, da ÿataqta 'oonolec ca qadhuennataxaqui mayi chigoqo'ot so Cristo Jesús,

2 Ts 3:16

Qaq so qadataxala' Jesús mayi chigoqo'ot da nlagaxayic, somayi qami' ÿanema qome da qadlagaxayiqui 'enauaque naua vi'iyi qataq 'enauac na sochaqna lataxaguesat. Qaq somayi hueta'agueta qome 'enauac da qoñiita.

Filipenses 4:9

Qataq ÿataqta qau'ochi qome 'enauac nam qami' sapaxaguenque, qataq nam ÿaqataxacpi mayi qami' sanema, qataq nam i'aqtacpi mayi qau'aqaichigui, qataq nam so'otpi mayi qauauañiichigui. Nachina qau'ochi qome. Qaq ñim Dios mayi chigoqo'ot da nlagaxayic qami' hueta'agueta qome.

2 Corintios 5:19

Qaq da qad'aqtaxanaxac 'eeta': Ñi Dios nachi hueta'aguet so Cristo co'ollaq somayi nmane' naq'en ñimayi 'enauac na shiÿaxauapi, qaq ñimayi sa ishit da taÿapigui lauel dam lasouaxashit namayipi. Ime, qaq qomi' ÿanaguilo da qad'onataxanaxac, da yaqto' sa'axataq da n'aqtac mayi i'axat da qanmane' ñi Dios.

Hechos 26:18

Aÿim 'am samaxa namayipi, da yaqto' ishit da nauaañi 'anqa'en, yaqto' sa ishit da 'ico' quetaigui na napalaxa, chaqdata da quetaigui na yi'oqchiguiñi; qataq yaqto' namayipi sa ishit da hueto'ot da l'añaxac so Satanás, chaqdata da quegue ñi Dios; qataq yaqto' aÿim i'amaqten, nachi ishit da qaÿapalaxat na lasouaxashitpi, qataq yaqto' qaÿalecneu'a da qoÿanem qome cam ÿachaxanapec ñi Dios da ÿami' nam lalamaxatpi ñimayi.”

Juan 17:19

Qataq souaxat namayipi nachi aÿim ÿataqta 'am ñañanot, yaqto' namayipi nataq'en ishit da 'am nañanot, chigoqchigui dam 'eesa lataxac.

Judas 1:1

Aÿim mayi i'enaxat Judas, aÿim l-latac so Jesucristo, qataq ÿaqaÿa so Santiago. Aÿim shiyiñi ana ÿide da samaxa nam lÿaxanataguishicpi ñi qadta'a Dios da iÿotauga da ÿauo'o lalamaxatpi. Qaq namayipi ÿataqta qantela'a, souaxat da n'attau'a so Jesucristo.

1 Ts 4:3

Cha'ayi da 'eetapeguec ñi Dios, nshitaique da nachaqñita ñimayi qanañañiÿot. Sa ishit da huo'o ca lauatapiguiñi' aca sa lhua da qoñiita.

1 Corintios 1:2

Qaq nagui qami' samaxalo ana ÿide, qami' ÿaqaÿañicpi mayi qau'amaqchiñiitac ñi Dios, mayi qoñiitaña na la ciudad Corinto. Qami' lalamqa'te ñi Dios, cha'ayi qan'ayiitau'a so Cristo Jesús. Ñi Dios iÿaxana da ÿauotaique da qui'itta naq'en da qanachaalataxaqui, nataq'en 'enauac na neta'alo naua lÿa't 'ale'u mayi nqouagaxaueetacot so qadataxala' Jesucristo, som lataxala' namayipi, nataq'en qomi'.

Romanos 16:20

Qaq ñim Dios mayi chigoqo'ot da nlagaxayic saqaÿaloq qome da nlaxajñi da l'añaxac so Satanás da ÿacho'oto na qadapia'chilli', da yaqto' qauapiilec. Qaq so qadataxala' Jesucristo qami' ÿanema qome ca qanchoxonnataguiiqui.

Romanos 15:33

Qaq ñim Dios mayi chigoqo'ot da nlagaxayic hueta'aguet 'enauac qome da qoñiita. Aja', nachi 'eetec.

Hechos 20:32

Qaq nagui qami' ÿaqaÿa't, qami' sepataxagueta da ltelaxa ñi Dios qataq dam n'aqtaguec da lchoxonnataxanaxa mayi ÿataqta huo'o da l'añaxac, da yaqto' qami' 'añaxaiqa naq'en, qataq da yaqto' qauacoñiiguet cam ÿaqataxaatapigui' da ÿami' ñi Dios 'enauac nam lalamaxatpi.

1 Ts 2:19

Cha'ayi ¿negue'to' ca i'ot da qanaquitaxac, qataq da qantonaxac? qataq ¿negue'to' ca i'ot da qadamaiquiaxac da ñitonaqtapeguec? Taxaaso' nachida da qoñiita que'eca na'a'q qom ñi'iguelaq so qadataxala' Jesucristo.

1 Corintios 1:30

Qaq ñimayi nalligoxottela't da qan'ayiitau'a naq'en so Cristo Jesús, qataq chigoqchigui naq'en somayi da qadaÿajnec. Qataq chigoqchigui naq'en somayi da qomi' ÿaÿamaxadeete' ñimayi, qataq da qomi' lalamqa'te, qataq da qomi' yica'alaxauec.

1 Ts 3:11

Qaq ñi qadta'a Dios qataq ñi qadataxala' Jesucristo maichi huapegueto ca 'eetec da qoyiquiaxac da qami' ñoqo'onaxalo.

1 Ts 5:22

Qadvichiÿa'aguet 'enauac na ÿotta'a't sa ÿaÿamaxañi.

Santiago 1:4

Qalaxayi qanpogoxoiñiÿapegue' da qanhualaxaunaxaqui da ÿataqta nalochiguiñi qanqashiñi, yaqto' qoñiita'am ca shiÿaxaua da mashi ÿi, ÿataqta nalochiguiñi, saqca ca lhuenec.