1 Ts 5:21 - Nuevo Testamento Toba Sur

²¹ Qalaxayi qavi'iguiñi 'enauac, qaq cam ÿaÿamaqchiguiñi, nachica ca qauaÿamaxachi.

Nuevo Testamento Toba Sombrero Negro

²¹ 'Noota qom auapiyeñi ena'uac, qaedi male auacoñiya joga'me yataqata 'noota ladic.

La'aqtaqa Ñim Lo'onatac 'Enauacna 2013

²¹ Qalaxaye qavi'iguiñi 'enauac, qaq cam ỹaỹamaqchiguiñi, nacheca qauaỹamaxache.

1 Ts 5:21 Referans Kwoze

1 Juan 4:1

Qami' ÿaqaÿañicpi, sa ishito' qome da qau'amaqchiñi 'enauac nam 'eetega da i'aqtaxanaxac ñi Dios. Chaqdato' da qauchimaxachiÿa camayi, yaqto' qauaÿajñiita da naua lhuennataxaco ÿataqta chigoqo'oto ñi Dios, huo'otaq sa ishit. Cha'ayi ana 'alhua mashi huotaique da nlaxalec na tenataxanaxaicpi mayi 'eetega da i'aqtaxanaxan ñi Dios.

Romanos 12:2

Qaq sa ishit qome da qoquiitegue da llic na 'onataxacpi mayi lma' ana 'alhua. Chaqdata da qanadalaxachi qome naua qadhuennataxacolli', yaqto' ishit da qanadalaxat 'enauac da qanachaalataxaqui, qataq yaqto' ishit da ÿataqta qauaÿajñiita ca 'eetapeguec ñi Dios: cam ÿaÿamaqchiguiñi qataq cam ÿaÿamaxadeeta ñimayi qataq cam nalochiguiñi.

Efesios 5:10

Qataq qanpogoxoiñiÿapegue' qome da qauaÿajñi ca lataxac ca ÿaÿamaxadeeta ñi qadataxala'.

Hechos 17:11

Qaq se'eso judiopi ÿataqta qaica ca ÿictega da n'axaÿaxan, qaq sa ishit da 'en'am nam netaña yi Tesalónica. Cha'ayi namayipi ÿataqta nqopita da n'axaÿaxana da n'aqtac. Ÿoqo'oyi 'enauaque naua na'axa'tesa'chi qaichimaxatta'pe naua ñiyigui'shi l'aqtaqa ñi Dios da huo'otaq ÿoqta 'eesa de'eda qai'axattac.

Lucas 12:57

Qaq qami' ¿tá'ainco' yi saq maichi qanmichiila't, da yaqto' qau'ochi ca ÿaÿamaqchiguiñi?

Filipenses 4:8

Qami' ÿaqaÿa't, qataq da lÿa 'eeta': ÿataqta qauloitegue qome da lataxac cam ÿataqta 'eesa, qataq 'enauac cam iuen da huo'o naq 'enec qanqoÿin, qataq cam no'on nataxac, qataq cam qaica ca ÿalecta'aguet, qataq 'enauac cam qaÿaÿamaxadeeta, qataq cam no'on da n'aqtaguec. Qataq qauloiteguet 'enauac nam i'ot da ÿaÿamaqchiguiñi, qataq cam i'ot da ñi'oxonnataxanaxac.

Romanos 12:9

Ÿataqta 'eesa qome da qadsoxoyiqui ñi 'oonolec da ÿauotec ca lÿa. Qataq ÿataqta sa qauojñiÿa'aguet qome ca sa ÿaÿamaxañi, qataq qoquiigue ca ÿaÿamaqchiguiñi.

Apocalipsis 3:3

Qaq 'auennate qome da napaxaguenataxanaxac mayi 'auaconguet co'ollaxa. Qaq nachida qoquegue, qataq qoca'aisalo naua 'an'onataxaco. Qaq da sa ishit da 'auatom, nachi 'am ñoqo'ona qome, qalaxayi se'enaxatteguem ca cachaxaic mayi sa ishit da qaÿaÿaten ca laloqo' da nvi'.

Filipenses 3:16

Qaq de'eda shinapec no'on da nachida qome qadhuennataxa, qataq ÿataqta nateeteguet da qadataxac dam mashi sogote da sevidaq.

1 Corintios 15:58

Qaq ÿoqo'oyi qami' ñauochaxa'u ÿaqaÿa't, saqco' qome ca qanamachiÿaique, qoquiito'ot da qau'ochiitac da l'onataxanaxac so qadataxala'. Cha'ayi qami' qauaÿajñiita da qad'onataxanaxaqui da qau'onataxañiitacot somayi, ÿataqta huo'o ca naigui.

Filipenses 1:10

yaqto' ishit da qauaÿajñi da qalca'aiua'a ca ÿataqta ÿaÿamaqchiguiñi. Qataq yaqto' ishit da qui'itta da qanachaalataxaqui, qataq sa ishit da huo'o ca qami' qaÿasaxalguete qadasouaxashichi qom ivita da ñi'iguelaq so Cristo.

Juan 8:31

Nachi so Jesús 'enapego' nam judiopi mayi i'amaqten somayi, 'eeta': –Qami' qom ÿataqta qau'ochi de'eda qami' sa'axatema, nachi ÿoqta 'eesa qome da qami' ÿapaxaguenataqa.

Apocalipsis 2:25

Qalaxayi qauaÿamaxachiitec qome dam mashi qami' hueto'oto, chochi ivitta'a ca na'a'q qom ñi'iguelaq.

Hebreos 10:23

Qaq ÿataqta ñi'añaxataqtec qome da qanaquitaxac da qad'amqajnataxanaxac, cha'ayi ñi Dios ÿataqta ipacchigui qome da qomi' ÿachaxanapeguema.

2 Ts 2:15

Qaq ÿoqo'oyi qami' qadqaÿa't, saqco' qome ca qauqochiÿa, qataq qan'añaxachiitec da qadapaxaguenataxanaxac dam qami' sanaxama co'ollaq qami' souaqta'agueta, huo'otaq na huetalec ana qodede.

Hechos 14:22

Nachi soomayi ÿataqta huaqattrega na 'amqajnataxanaxaicpi mayi netalguete ne'enaua 'ale'u, da yaqto' ÿataqta n'añaxattec da lpi'iÿaxac, qataq i'axattrac da qainoxoneu'a da l'onataxanaxac ñi Dios qom ilo'ogue 'enauacna, nachi ÿataqta qalota da que'ejnaxac.

Juan 15:4

Qaq nachi 'eetai' qome da aÿim qan'ayiitau'a, 'eeta'am da 'eetec da aÿim qami' ñi'atta'agueta. Cha'ayi acam lcoue sa ishit da maichi huo'o ana ala, da sa ishit da ÿoqta n'attau'a acam lamo. Qaq nachi 'eetec nataq'en da sa ishit da maichi huo'o ca alaÿaxac da qoñiita, da huo'otaq sa ishit da aÿim qan'ayiitau'a.

Apocalipsis 3:11

Qaq aÿim saqaÿaloq da ñanac. Qaq ÿoqo'oyi 'auaÿamaxattec qome ca 'am hueto'ot, yaqto' sa ishit da huo'o ca ÿacona ca 'anshiitenaxat.

Apocalipsis 2:2

Aÿim saÿaten 'enauac nam 'au'ottacpi, qataq saÿateeta da lta'adaic 'ad'onataxanaxac qataq da 'adhualaxavic. Qataq saÿaten da 'am sa ishit da 'anque'etaxaatapegue' da lataxac na qauemaicpi. Qataq aÿim saÿaten da 'am ÿataqta 'avi'iguen na 'eetega da lamaxashicpi so Jesús, qalaxayi saq 'en, qaq 'am 'aulalec namayipi da chochi tenataxanaxaicpi.

2 Timoteo 4:14

So lcat l'o, l'enaxat Alejandro, ÿataqta saqalota na aÿim i'otec qauem. Qaq so qadataxala' ishiitenguet qome 'enauac na i'otpi.

2 Timoteo 1:15

Qaq de'eda mashi 'auaÿateetac da aÿim ca'ai 'enauac na netaña yi 'alhua Asia, nataq'iñi soua Figelo qataq so Hermógenes.

1 Corintios 2:11

Na shiÿaxauapi ¿negue'tom ca ishit da ÿaÿaten ca lhuennataxac ca lÿa shiÿaxaua? Chaqsota so capegue' lqui'i mayi ishit da ÿaÿaten. Qaq nachi 'eeta'am nataq'en so n'Espíritu ñi Dios, chaqsota mayi ÿaÿaten ca lhuennataxac ñi Dios.

Hechos 11:23

Qaq co'ollaq iviyi' so Bernabé, nachi ilalec da lqouagaxanaqtaic ñi Dios. Nachi somayi ÿataqta machiguiñi. Huaña, nachi ÿataqta huaqattega 'enauac somayipi da yaqto' da lquiyaqteÿaxac sa dashiuec, chaqdata da ÿataqta quetegue so qadataxala'.

2 Timoteo 3:6

Cha'ayi namayipi huo'o na 'ico' nchittau'alo naua noiqa da ÿoiqueetac ana 'alo mayi sa naÿaten, qataq lqapalqa naua n'onataxaco. Ana'ana 'alo chochi quetague' na ÿotta'a't lqopitaxanaqtaiguesat,

Gálatas 6:10

Qaq ÿoqo'oyi da ivita da huo'o ca qaddaqa', nachi 'enauac so'otaxac ca ÿaÿamaqchiguiñi na shiÿaxauapi, lamaaxa da nachina na qad'amqajnataxanaxauapi.

1 Ts 5:15

Ÿataqta qanchilliÿa'a't, saqca ca ishiitena'aguet ca sa ÿaÿamaxañi da i'otec ca lÿa. Chaqdato' da qami' qanpogoxoiñiÿapegue' da qau'ochiic ca ÿaÿamaqchiguiñi ñi 'oonolec da qoñiita qataq 'enauac na laÿipi shiÿaxauapi.

1 Ts 5:22

Qadvichiÿa'aguet 'enauac na ÿotta'a't sa ÿaÿamaxañi.