1 Ts 5:10 - Nuevo Testamento Toba Sur

¹⁰ Somayi qomi' ileualguete, cha'ayi nshitaique da qanachaalataxaua, nai'ctaxa da na ñica'alaqtauec, huo'otaq mashi qadeleu.

Nuevo Testamento Toba Sombrero Negro

¹⁰ Jesucristo nach'eñe ca'li qo'mi nemelo'te ca'li yeleu uetalegue jaga'me sodoso, qaedi nach'e eta't da'me qadec'aetayejop joñe'me, uotaĝa maliaĝa qadec'aletalegue jena'me aleua uotaĝa joote qadeleu.

La'aqtaqa Ñim Lo'onatac 'Enauacna 2013

¹⁰ Cha'aye Somaye qomi' ileualeguete co'ollaxa, da huotaique da qanachaalataxaua, na'aictaxa da ñaq ñeca'alaqtauec, huo'otaq mashe qareleu qom ñe'eguelaq Somaye.

1 Ts 5:10 Referans Kwoze

1 Pedro 3:18

Cha'ayi so Cristo nataq'en mashi ime da qomi' ileualguete souaxat na qadasouaxashitpi. Somayi no'on da lataxac, qalaxayi huo'o da nque'ejnaxac, souaxat qomi' mayi qomi' qauemaiqa, da yaqto' qomi' ÿauegueu'alo ñi Dios. Somayi co'ollaxa ileu da yi'oqchigui l'oquiaxac, qalaxayi qaltaq ÿi'iguelaxalec da nca'aleec, qalaxayi saq cha'a.

Efesios 5:2

Qataq ÿataqta qami' soxodaiqa, yaqto' qoñiita'am so Cristo da ÿataqta qomi' ÿauoteque, qataq qomi' nañaalguete da qomi' ileualguete, 'eeta'am ca qagueta llalec da qaÿalauat, qataq qaÿavigaxat da qoÿanot ñi Dios. Qaq da alaitaÿaxac ÿataqta ÿaÿamaxadeeta ñimayi.

Romanos 8:34

Qataq ¿négue't ca ishit da ÿauo'o ca lasouaxashit ca shiÿaxaua? ¡Qaica! Cha'ayi so Cristo nachiso so ileu, qaltaq jec da nca'aleeguesop qanqoÿin da nleuaxa. Ime, qaq nso'oota'ague da aloic ñi Dios, nachi nachoxodeetapeguelec da shinaqta.

1 Ts 4:17

Ime, nachi qaltaq jec qomi' mayi ña ñica'alaqtauec, qomi' qaÿacoosopa da salegaqtoigui namayipi, soqolaxaigui na l'oc piguem l'ec da ñauanaxai' so qadataxala' Jesús na pa'ashiguem. Huaña, nachi chochi tateec da souaqta'aguet somayi.

2 Corintios 5:21

So Cristo ÿataqta qaica ca lasouaxashit. Qalaxayi souaxat qomi', nachi ñi Dios 'eeta'am naq'en somayi ca 'itaxaloxoic, yaqto' qomi' da mashi ñi'adaqtau'a somayi, nachi saxaigui dam achaalataxac qui'itta mayi ÿaÿamaxadeeta ñi Dios.

2 Corintios 5:15

So Cristo ileualec 'enauac na shiÿaxauapi, yaqto' cam ña nca'altauec, qalaq sa ishit da maichi lalamaxat da nachaalataxac. Chaqdata da lalamaxat som ileualec qataq nca'aleeguesop qanqoÿin.

1 Pedro 2:24

So Cristo nque'etaxangui 'enauac na qadasouaxashitpi da nachishiguem co'ollaq qaiuaxanguet so npe'enaxaqui, yaqto' qomi' soqolqa'ai da ñi'itaxaloxo, ime, qaq soqolaxague da qui'itta achaalataxac. Na nhuaxanecpi somayi co'ollaq qaiuaxaatalec, nachina na naigui da qami' qanatade'n.

Tito 2:14

Somayi nañanguet da qomi' ileualguete, cha'ayi nshitaique da qomi' nca'alaxateeguesopa na qan'onatagueguesat, qataq nshitaique da iqui'itaxat da qanachaalataxac da qomi' lalamqa'te, qataq nshitaique da ñoqopitaxa da so'otaq ca no'on.

1 Timoteo 2:6

Somayi nañanguet da qaÿalauat, qaq de'eda nalaataguec naigui da ishiiten aso lashiue da lca'alaxa na 'enauac shiÿaxauapi. Qaq de'eda co'ollaq ivita so laloqo', nachi jec da qai'axateec.

1 Ts 4:13

Qami' qadqaÿa't, sa saÿamaxadenaq da sa qauaÿajñi ca lliquiaxac na mashi qanmataxanaxaneec, yaqto' sa ishit da huo'o ca daquicota, i'enaxattapeguem ca saxanaxa da da'amqajnataxan mayi saqca ca naquitaxac.

1 Corintios 15:3

Da sa'auaxaachiguiñi qami' sapaxaguenque dam nataq'en aÿim qoÿanem, damayi 'eeta': So Cristo ileualec da qayi'itaxaloxo, qaq damayi ipacchigui da 'enapec naua ñiyigui'shi l'aqtaqa ñi Dios.

Juan 15:13

Qaq dam nauotaxanaqtaic mayi ÿataqta lta'adaic 'eeta': Ca shiÿaxaua ishit da ÿaalec da nachaalataxac na nauochaxauapi.

Juan 10:17

Ñi ita'a ÿataqta aÿim ÿauotec, cha'ayi aÿim san da ñachaalataxac. Qalaxayi qom ime da san, nachi qaltaq ñi'iguelaxajla't.

Juan 10:11

Aÿim mayi nachaÿim no'on qagueta l'o. Ca no'on qagueta l'o, camayi ÿaalec da nachaalataxac ana qaguetapi.

Mateo 20:28

Qaq 'eeta'am na shiÿaxaua llalec da namayi sa ishit da anac da yaqto' qanayiutapegue'. Chaqdata da namayi anac da yaqto' huapec, qataq ÿan da nachaalataxac, da 'eeta'am naq'en aca lashiue da yaqto' qalota na qanca'alaxateec.

1 Ts 4:15

Qaq ÿoqo'oyi de'eda sa'axataqtapeguema qami', damayi l'aqtac so qadataxala' Jesús, da qomi' mayi ña ñica'alaqtauec qom ñi'iguelaq somayi, sa ishit da qomi' datalguete nam mashi qanmataxanaxaneec.

1 Ts 5:6

Ÿoqo'oyi sa ishit da 'ico' so'ochaqtañi, se'enaxataqtapeguem na sa da'amqajnataxan. Chaqdato' da ñiloqteec, qataq seloqtegue da qoyiquiaxac.

2 Timoteo 2:11

Qaq de'eda ÿataqta 'eesa: Da seleuaqtañi' so Jesús, nachi 'en'am qanachaalataxaua;