1 Ts 4:13 - Nuevo Testamento Toba Sur

¹³ Qami' qadqaÿa't, sa saÿamaxadenaq da sa qauaÿajñi ca lliquiaxac na mashi qanmataxanaxaneec, yaqto' sa ishit da huo'o ca daquicota, i'enaxattapeguem ca saxanaxa da da'amqajnataxan mayi saqca ca naquitaxac.

Nuevo Testamento Toba Sombrero Negro

¹³ Ami yaqaya'olqa, ja qadelnataĝac ta'le ja auayachiñe ga'me ladiquiyaĝa'j jogaa'me joote yele'u, qaedi ja ami 'te totelo'te, da'me ja aueñiya'ama jogaa'me jo'ne qaya'te lajoĝonataĝanaĝa'j.

La'aqtaqa Ñim Lo'onatac 'Enauacna 2013

¹³ Qami' qarqaỹa't, sa saỹamaxarenaq da sa qauaỹaañi ca llecỹaxac na mashe qanmataxanaxanec, yaqto' saishet da huo'o ca daquicota da 'eeta'am ca saxanaxa da da'amqaanataxan maye saqca ca naquitaxac.

1 Ts 4:13 Referans Kwoze

1 Ts 5:10

Somayi qomi' ileualguete, cha'ayi nshitaique da qanachaalataxaua, nai'ctaxa da na ñica'alaqtauec, huo'otaq mashi qadeleu.

1 Ts 4:15

Qaq ÿoqo'oyi de'eda sa'axataqtapeguema qami', damayi l'aqtac so qadataxala' Jesús, da qomi' mayi ña ñica'alaqtauec qom ñi'iguelaq somayi, sa ishit da qomi' datalguete nam mashi qanmataxanaxaneec.

Efesios 2:12

Nachi qami' co'ollaxa sa ishit da qauauattoñi so Cristo, qataq sa ishit da qanqachiu'a na llalaqpi so Israel, qataq sa ishit da qauaÿajñi nam aÿamaxataxacpi qataq dam ÿachaxanapec ñi Dios co'olloxochiyi. Qaq chochi qoviitalec ana 'alhua, qaica ca qanaquitaxaqui qataq sa ishit da qauauattoñi ñi Dios.

2 Pedro 3:4

Nachi qami' ina't qome, 'eeta': “¿Huá'ague ca 'eetec cam qami' qaÿachaxanapecoto lli'iguelaxasoxoc so Cristo? Yi chochi ivitta'a co'ollaxa da ileu so hua'au qadta'alpi, qalaq nachi 'eetai' sa ishit da huo'o ca nqochin 'enauacna, chigoqta'a co'ollaq chita'ague da qai'ot ana 'alhua.”

1 Corintios 15:6

Ime, qanachi qaltaq nachaxana so saqalota qadqaÿañicpi napacalec ca quinientos. Qaq saqalota nagui namayipi na ña nca'altauec, qataq huo'o na mashi qanmataxanaxaneec.

Hechos 7:60

Qaq co'ollaq ime, nachi i'alyiñi naua l-llicte, nachi ÿataqta n'axannec da l'alaxac, 'eeta': –'Am ÿataxala', sa ishit qome da 'aulogui da lasouaxashit ne'enapi. Qaq co'ollaq ime da nasaxauec de'eda l'aqtac, nachi ileu.

2 Corintios 1:8

Qami' ÿaqaÿa't, sauoqtaique da qauaÿajñiita da ÿataqta saq llalcolec da qanque'ejnaxac co'ollaq souaqta'a yi 'alhua Asia. Damayi ÿataqta lta'adaic, ÿoqo'oyi huac da sa ishit da yaloxoguet. Mashi sovidaqa'a da qaica ca qanaquitaxac da yica'alaqtauec.

1 Corintios 10:1

Cha'ayi qami' ÿaqaÿa't, ñishitaique da qami' qauaÿajñi so hua'au qadta'alpi da 'enauac somayipi hueto'ot so l'oc da nachiso lauegaxala', qataq 'enauac somayipi i'axasoxoolec aso auaxai l'enaxat auaxai togaxadai.

Romanos 1:13

Qami' ÿaqaÿa't, sauotaique da qami' qauaÿajñiita da aÿim ÿataqta qalota da ñishitaique da qami' ñoqo'onalo da yaqto' qami' ñauaneto. Qalaxayi chochi ivitta'a nagui da saxanaxa da sañoxot. Sauotaiquecnaxa da qami' saÿalo, da yaqto' qalota ca ÿaueguec da qoñiita da da'amqajnataxan, 'eeta'am da shiitec naua lÿa't 'ale'u.

Hechos 13:36

Qaq 'eesa da so David ÿataqta huapegue' co'ollaxa so lauo' da i'o't naua ÿamaxalguete ñi Dios. Qalaxayi co'ollaq ime, nachi somayi ileu, nachi qailadoigui som hua'au lta'alpi, nachi da l'oquiaxac nlaguiñi.

Juan 11:24

Nachi aso Marta 'enapeco': –Aÿim saÿaten da yimayi ishit qome da qaltaq nca'aleec qom qanca'alaxateec na leuaxaicpi cam pa'ateec na'a'q.

2 Pedro 3:8

Qataq da lÿa, qami' ÿaqaÿadolqa, 'eeta': Sa ishit qome da sa qantouñiic da ñi qadataxala' yi 'oonolec na'a'q qalaq 'eeta'ama naq'en caua mil vi'iyi, qataq caua mil vi'iyi, qalaq 'eeta'am naq'en ca 'oonolec na'a'q.

Hechos 8:2

Qaq huo'o nam shiÿaxauapi mayi quetague' ñi Dios nam ilayiñi co'ollaxa so Esteban, nachi ÿataqta noÿiitapeguelec somayi.

Mateo 27:52

Qataq nauajñigui ana huachiquipi, nachi ÿataqta qalota na nca'aleec nam leuaxaicpi mayi i'amaqteetac co'ollaxa ñi Dios.

1 Corintios 12:1

Qami' ÿaqaÿa't, ñishitaique da qauaÿajñiita da lataxac na lshitaxanaxatpi so Espíritu Santo mayi ÿanem ñi 'oonolec.

Efesios 2:3

Qaq nataq'en 'enauac da shinaqta nachi shinaqta'am namayipi som hua'a'u vi'iyi, da qolaqtague' nam maichi shinaqtapeguecpi, qataq so'otaqtac dam lqopitaxanaqtaic da qadapachiyaxac qataq nam maichi qadhuennataxacpi. Qaq ÿoqo'oyi ÿataqta 'itchiguiñi da qomi' huetalguete da qaica ca 'en'am lchic lalemataic ñi Dios da shinaqta'am 'enauac nam laÿipi shiÿaxauapi.

1 Ts 4:14

Cha'ayi da qomi' sa'amaqtenaq so Jesús da mashi ileu qataq nca'aleec, qaq nachi 'eeta'ama qomi' mayi sa'amaqtenaq da ñi Dios ishit da nca'alaxateec da hueta'aguet naq'en so Jesús na 'amqajnataxanaxaicpi, nam mashi qanmataxanaxaneec.

1 Ts 5:6

Ÿoqo'oyi sa ishit da 'ico' so'ochaqtañi, se'enaxataqtapeguem na sa da'amqajnataxan. Chaqdato' da ñiloqteec, qataq seloqtegue da qoyiquiaxac.