1 Ts 4:12 - Nuevo Testamento Toba Sur

¹² da yaqto' na saxanaxa da da'amqajnataxan 'onaxaic naq'en da qan'aqtaguiiqui, qataq yaqto' sa ishit da saqca ca lhuenec ñi 'oonolec da qoñiita.

Nuevo Testamento Toba Sombrero Negro

¹² Qama'le auauoyi jena'me jenjo' qaedi male yataqata ami qo'yamaqate'n chayovida'a da'me ami 'yamaqate'n joga'me ja p'iida'a jena'me jenjo' 'noota, nataq'aen qaedi qaya'te adouenaĝanaĝaqui.

La'aqtaqa Ñim Lo'onatac 'Enauacna 2013

¹² yaqto' na saxanaxa da da'amqaanataxan 'onaxaic naqa'en da qana'aqtaguiqui, qataq yaqto' saishet da saqca ca lhuenec ñi 'oonolec da qoñiita.

1 Ts 4:12 Referans Kwoze

Colosenses 4:5

Qataq ÿataqta qanaÿajnaxanaqchiñi da qautaqaitague' nam saxanaxa da da'amqajnataxan. Ÿataqta qauqopitaxañiÿapec naua no'on na'axa'te, da huo'o ca qaddaqa'ai.

1 Pedro 2:12

Qaq ÿataqta no'on qome qanqashiñi da qadataxaqui da qoñiitangui nam sa ÿauatton ñi Dios. Qaq yaqto' namayipi ishit da ila'a cam ÿaÿamaqchiguiñi qau'ochiitac, nachi ishit da ÿi'oxoden ñi Dios qom ivita ca na'a'q da ñimayi nmitna, qaq nai'ctaxa nagui da qauema naua ltaxaÿaxaco da qami' detaqtegalo, qalaq 'eeta'am naq'en ca qalota na ÿasouaxat.

Romanos 12:17

Qataq sa ishit da huo'o ca qavi'iguelaxachiÿa'aguet ca sa ÿaÿamaxañi. Chaqdata da qanpogoxoiñiÿapegue' ca no'on, yaqto' 'enauac qami' qaÿaÿamaxadeete'.

1 Timoteo 3:7

Nataq'en iuen da no'on da n'aqtaguec naq'en na saq 'amqajnataxanaxaicpi, yaqto' sa ishit da sa qaÿauo'o ca 'enec qanqoÿin, yaqto' sa ishit da ilamqa'aguet ca lqoinaxanaxac so shiÿaxaua lma'na.

Romanos 13:13

Qaq ÿoqo'oyi ÿataqta ñaÿamaxataqta qome, se'enaxataqteguem da qanayiutaigui yi na'a'q. Sa ishit da qomi' taxaiqa. Qataq sa ishit da so'otaq ca lta'adaic qadqui'axac qataq da quishiguetaxac, na ÿotta'a't namanaxanaqtaiguesat, na cotaxaguesat, na nquiÿaxanaqtaiguesat.

Marcos 4:11

Nachi somayi 'enapeco': –Ñi Dios qami' ÿaÿajnaxanaxanque nam lataxacpi saq cha'a da l'onataxanaxac da ilo'ogue 'enauacna. Qaq nam laÿipi mayi pa'atauec, qalaq qaÿauota'a na naloqnaxanaxat da qai'aqtaxanem;

1 Ts 5:22

Qadvichiÿa'aguet 'enauac na ÿotta'a't sa ÿaÿamaxañi.

1 Pedro 3:1

Nachi 'eetec nataq'en qami' 'alpi mayi mashi qauadoñi. Añi 'oonole da qoñiita ÿataqta nañanguet da ÿalaxaguet ca lalamaxat lhua, yaqto' da huo'o ca 'oonolec namayipi da huo'otaq saxanaxa da i'amaqten da n'aqtac, nachi ishit da da'amqajnataxan, souaxat da ÿauaachigui da no'on 'an'onataxac. Nachi nai'ctaxa da sa ishit da 'au'aqtaxanem camayi,

Filipenses 4:8

Qami' ÿaqaÿa't, qataq da lÿa 'eeta': ÿataqta qauloitegue qome da lataxac cam ÿataqta 'eesa, qataq 'enauac cam iuen da huo'o naq 'enec qanqoÿin, qataq cam no'on nataxac, qataq cam qaica ca ÿalecta'aguet, qataq 'enauac cam qaÿaÿamaxadeeta, qataq cam no'on da n'aqtaguec. Qataq qauloiteguet 'enauac nam i'ot da ÿaÿamaqchiguiñi, qataq cam i'ot da ñi'oxonnataxanaxac.

Efesios 4:28

Qaq cam decachitapec co'ollaxa, qalaq no'on da ÿaxaañi nagui da lcachaxac. Chaqdato' da do'onataxan, ÿacootapegue' ca l'onatac, yaqto' ishit da itauan cam huo'o da lhuenaxanaxa.