1 Ts 4:11 - Nuevo Testamento Toba Sur

¹¹ Qanpogoxoiñiÿapegue' da saqca ca da da qoñiita. Ñi 'oonolec maichi huapegue' ca maichi lalamaxat, qataq ÿacootapegue' ca maichi l'onatac. 'Eda da saqataqtapeguelec co'olloxochiyi,

Nuevo Testamento Toba Sombrero Negro

¹¹ A'nañaĝachela't da'me ami machidiñe, nataq'aen ademiya'a ga'me jo'ne mach'e at'onataqui, nataq'aen a'uonataĝanaĝañi naa'me adoua'adi, nach'e ena'am queda'me joote ami jamaĝalo'te ca'li.

La'aqtaqa Ñim Lo'onatac 'Enauacna 2013

¹¹ Qanpogoxoiñiỹapegue' da saqca cara da qoñiita. Ñi 'oonolec maiche huapegue' ca maiche lalamaxat, qataq ỹacootapegue' ca maiche lo'onatac. 'Era da qami' samaxasoxoleguete co'ollaxa,

1 Ts 4:11 Referans Kwoze

Efesios 4:28

Qaq cam decachitapec co'ollaxa, qalaq no'on da ÿaxaañi nagui da lcachaxac. Chaqdato' da do'onataxan, ÿacootapegue' ca l'onatac, yaqto' ishit da itauan cam huo'o da lhuenaxanaxa.

1 Pedro 3:4

Chaqdato' da ÿaañi ca saq cha'a 'otaxat mayi chochaq tateec da lyaquiaxac. Huosotta naq'en da lataxac qataq qaica camachicague't. 'Eda mayi ÿataqta huo'o naq 'enec naq'en ñi Dios.

Tito 3:14

Nataq'en na qadqaÿañicpi 'amqajnataxanaxaicpi 'onaxaic da ÿaÿaten da i'ot ca no'on, qataq da itauan ca huo'o da lhuenaxanaxa, yaqto' da nachaalataxac namayipi ÿataqta huo'o da lañaxataxac.

1 Timoteo 2:2

Nataq'en ñishitaique da qanqouagaxaueelec na nta'alpi mayi lta'adaicpi qataq 'enauac na ltauapi, yaqto' da qanachaalataxac qaica camachaqca. Nda'a't da qadamachiguiñi, selagaqtapiguiñi, cha'ayi ÿataqta ñañanqot ñi Dios, qataq no'on da qanmejnaguec.

1 Corintios 4:12

Ñasamaqtañi souaxat da yi'oqchigui qad'onataxanaxac. Na shiÿaxauapi qomi' ishiueetalguete, qalaq qomi' sedoxolguete naua qadtaxaÿaxaco ÿaÿamaqchiyiñi. Qomi' qaicaata'pe, qalaq ñi'añaxataxaguet da qancanaguec.

1 Pedro 4:15

Qaq da huo'o ca 'oonolec da qoñiita da huo'o da nque'ejnaxac, qalaxayi sa ishit qome da souaxat da laataxanaxaic, huo'otaq cachaxaic, huo'otaq cam i'ottac na qauem, qataq tatapegueu'a ca sa lalamaxat.

1 Timoteo 5:13

Qataq taÿa da tateu'alo naua noiqa, chochi ivitta'a da qaica ca i'ot. Qaq saqdata da qaica ca i'ot, nataq'en taÿa da n'aqtaqa l'o' qataq nshiguenaxai, qataq sa ilo'oguelo naua ltaxaÿaxaco.

2 Corintios 5:9

Qaq ÿoqo'oyi ñipogoxoinaqtapegue' da qomi' ÿaÿamaxadeete' so qadataxala', nagui da ña ñachaataqtaigui da qad'oquiaxac, huo'otaq da mashi sa ishit da ñachaataqtaigui.

Romanos 12:11

Qataq ÿataqta qan'añaxachi, sa ishit da qami' hualaiqa. Qataq da qau'onataxañiitacot so qadataxala', qalaq ÿataqta imauec da qadquiyaqteÿaxaqui.

Hechos 20:35

Qaq nachi 'eetai' da qami' sapaxagueetapegueeque de'eda, da ca shiÿaxaua do'onataxan, yaqto' ishit da itauan cam huo'o da lhuenaxanaxa. Qaq ñitounaqta'ac qome da l'aqtac co'ollaxa so qadataxala', mayi 'eeta': “Ÿataqta machiguiñi ca shiÿaxaua qom dachitaqtaxan, qaq saq 'en'am cam chochi qaÿachit.”

Marcos 13:34

Cha'ayi de'eda 'eeta'am ca shiÿaxaua da huo'otaq taigue ca qaÿoqtegue. Qalaxayi da yaqta'a da jec, nachi ipataxalec ca lma' ca l-latacpi. Nachi ÿanem ñi 'oonolec somayipi ca l'onatac. Ime, nachi huaqajlec ca lasom l'o da nloshiguem.

Romanos 15:20

Qaq ÿataqta huo'o da iuogoxo da sa'axattac da nca'alaxa nam huañalo da saxanaxa da qai'axat da l'enaxat so Cristo, da yaqto' sa ishit da 'ico' shiita'am ca n'oxooshiguem ca noÿic mayi ÿaqa'a ca lapaxañi ca l'oxonaxala'.

Hechos 18:3

qaq cha'ayi nachi 'eeta'ama soomayi da l'onataxanaxa'c da i'ottrac na npe'l, nachi na'asopa soomayi da l'onataxanaxa'u.