1 Ts 4:1 - Nuevo Testamento Toba Sur

¹ Qaq nagui, qami' qadqaÿa't, qami' sedoxolguete da l'enaxat so qadataxala' Jesús da ñachoxodenaqtoto da qami' saqataxalo da qoquiitelec da lataxac dam qami' sapaxaguenaxaque achaalataxac mayi ÿaÿamaxadeeta ñi Dios. Nachida qome qoquiitot da qanqochiñiita'aguet.

Nuevo Testamento Toba Sombrero Negro

¹ Qama'le nayi, ami yaqaya'olqa, ami ñachoĝodenoqoto chayovida'a da'me ami jaqataĝalo queda'me jaconaĝa joda'me lañoqotaĝanaĝac ñe'me mach'e Qadejaliaĝanec Jesús, qaedi male yemeda naa'me naajo' noloqo'ote yataqata anichiquitaye, qa'a yataqata aueñi 'noota joga'me at'oyaĝaqui, nataq'aen da'me auauoyi yema joga'me auayachiñe jo'ne ami japaĝaguenaĝaque ca'li, qa'a jena'me jenjo' jo'ne auayachiñe naqaena jena'me yataqata 'yamaqaten joñe'me Dios, jena'me jenjo' jo'ne joote auauoyitac yataqata 'noota.

La'aqtaqa Ñim Lo'onatac 'Enauacna 2013

¹ Qaq ỹoqo'oye nagui qami' qarqaỹa't maye qoquiitague' So Cristo, qami' sapaxaguenaqtegueeque da qoquiitegue da ỹataqta ỹaỹamaxareeta Ñim Lo'onatac 'Enauacna. Qaq damaye mashe qauo'ocheetac. Qaq nagui qami' ñachoxonnaqtoiguilo qataq qami' sa'añaqchetaxaque da le'enaxat So Qarataxala' Jesús da qanquigaxachiitauec qome da qara'añaxaqui.

1 Ts 4:1 Referans Kwoze

Colosenses 1:10

Qaq yaqto' qami' ishit da no'on da qadataxaqui, 'eeta'am da lataxac na quetague' so qadataxala', qataq yaqto' qau'ochiitac cam ÿaÿamaxadeeta somayi. Huaña, nachi huo'o da alaÿaxac 'enauac nam ÿaÿamaqchiguiñisat mayi qau'ochi, qataq qaviyiita'a da ÿataqta qauauattoñiita ñi Dios.

2 Ts 1:3

Qami' qadqaÿa't, qomi' soqolaqtot da sanaqtacot da qan'achiquiaxac ñi Dios, souaxat da qoñiita. Qaq damayi nachi lataxac, cha'ayi qami' ÿataqta nquictashiguem da qadpi'iÿaxaqui qataq da lsoxoyic ñi 'oonolec da ÿauotec ca lÿa, ÿataqta nqochiitauec.

2 Pedro 3:18

Qalaxayi nquictashiguem qanqashiñi qome da qadauattonaxanaxaqui so qadataxala' qataq qadca'alaxaqui Jesucristo, qataq da nauotaxanaqtaic mayi chigoqo'ot somayi. Qaq nachi 'eetai' qome da chochaq tateec da ñi'oxonnataguec somayi. Qaq nachi 'eetai' qome da chochaq tateec da ñi'oxonnataguec somayi. Aja', nachi 'eetec.

Hebreos 13:16

Qataq sa ishit qome da qaucouai'ai da qau'ochi ca ÿaÿamaqchiguiñi, qataq da qautauañiic ca qadÿai cam qami' hueto'oto, cha'ayi de'eda nachitaqtaxanaxac, nachida dam ÿataqta ÿaÿamaxadeeta ñi Dios.

Filipenses 1:9

Qataq naxa da ñoqouagaxaueetac, qalaq seÿaxaataique da ña qanquigaxatshiguem da qadauotaxanaqtaiqui qataq na qadaÿajñiqui qataq da qadauattonaxanaxaqui,

1 Ts 3:12

Qaq ñim qadataxala' Jesús nañaxat qataq chochi huañi naq'en da qadsoxoyiqui, yaqto' qanchoxonñiÿa't qataq qavidaxachiÿauga 'enauac na shiÿaxauapi, 'eeta'ama qomi' da ÿataqta qami' sauotaxaque.

Filipenses 3:14

yaqto' sevida'a ca naloqnec qataq cam qaÿachaxanapec cam huo'o mshi qomi' iÿaxanalo ñi Dios mayi neta'ague da piguem, souaxat da ñi'adaqtau'a so Cristo Jesús.

1 Juan 3:22

Qaq ñimayi ishit da qomi' ÿanema 'enauac cam seÿaxanqaique, cha'ayi ÿataqta salaxasoxoguet nam lamaxasoxonaxacpi, qataq so'otaq cam ÿaÿamaxadeeta ñimayi.

Efesios 4:1

Qaq ÿoqo'oyi aÿim, mayi aÿim qaicoñittai' souaxat da sasoilec so Cristo, nagui qami' ñachoxodeetoiguilo da ÿataqta qoquiitegue qome da lataxac cam iÿaxana ñi Dios, da 'eeta'am nataq'en da qoñiita.

2 Corintios 13:11

Qaq nagui qami' ÿaqaÿa't, ÿataqta no'on qome ca qoyiquiaxaqui. Ÿataqta qanpogoxoiñiÿapegue' qome da nalochiguiñi da qanachaalataxaqui, qataq ÿataqta qauamaichiguiñi, qataq 'oonolec ca qadhuennataxaqui, qataq qaulaquiitapiguiñi. Qaq yaqto' qami' hueta'agueta ñi Dios mayi chigoqo'ot da nlagaxayic qataq da nsoxoyic.

1 Corintios 15:58

Qaq ÿoqo'oyi qami' ñauochaxa'u ÿaqaÿa't, saqco' qome ca qanamachiÿaique, qoquiito'ot da qau'ochiitac da l'onataxanaxac so qadataxala'. Cha'ayi qami' qauaÿajñiita da qad'onataxanaxaqui da qau'onataxañiitacot somayi, ÿataqta huo'o ca naigui.

2 Ts 3:1

Qaq da pa'ateec qad'aqtac, qami' qadqaÿa't, qanqouagaxauñiilguete qome qomi', yaqto' da l'aqtac so qadataxala' saqaÿaloq da ivideuga 'enauac na shiÿaxauapi da ÿi'oxoden. Nachi 'en'am co'olloxochiyi da qoñiita.

2 Ts 2:1

Qaq nagui, qami' qadqaÿa't saxa da sa'axataq da lli'iguelaxasoxoc so qadataxala' Jesucristo, qom anac da qomi' laÿona't. Qami' saqataxalo

Colosenses 2:6

Qaq ÿoqo'oyi de'eda 'eetec co'ollaq qauacoñiiguet so qadataxala' Jesucristo, qaq nachida qome qoviita'a da qan'ayiitau'a somayi,

Filipenses 1:27

Qaq chaqdato' da qami' qanpogoxoiñiÿapegue' da yaqto' da qadataxaqui nateeteguet da l'aqtac so Cristo. Qaq yaqto' da ishit da qami' sevitalo, huo'otaq da sa ishit, qalaxayi ñaqaiyita ñishitaique da aÿim ivida'a qome ca i'axaÿaxac da qoñiita da sa ishit da qanañaxañiiñi, qataq sa ishit da qami' huesoguilo da qauloquiitapeguelec da qadpi'iÿaxaqui mayi qauachigoxochiÿaigui da n'aqtac mayi chigaqaigui da nca'alaxa,

Juan 15:2

Qaq ñimayi iquesoxouec acamachaqaca ana icouepi da huo'otaq sa ishit da huo'o aca ala, qataq ñimayi nqat ana llaxataxa ana lcouepi mayi huo'o ana ala, yaqto' ÿacteec da huo'o ana alapi.

1 Ts 4:2

Cha'ayi qami' mashi qauaÿajñi na qadqataxacpi mayi qami' sanaxama. Damayi sachigoxotoqo'ot so qadataxala' Jesús.

2 Corintios 5:9

Qaq ÿoqo'oyi ñipogoxoinaqtapegue' da qomi' ÿaÿamaxadeete' so qadataxala', nagui da ña ñachaataqtaigui da qad'oquiaxac, huo'otaq da mashi sa ishit da ñachaataqtaigui.

Romanos 8:8

Qaq ÿoqo'oyi cam quetague' da 'eetapeguec da maichi lapachiyaxac, nachi camayi sa ishit da ÿaÿamaxaden ñi Dios.

Hebreos 13:22

Qami' ÿaqaÿa't, qami' ñachoxodeetoiguilo da ÿataqta qan'añaxachiiguet da ÿaqataxac da qoñiita, cha'ayi saq 'amaqtaq da shiyiñi i'aqtac mayi qami' samaxalo.

Hebreos 11:6

Qaq ÿoqo'oyi sa ishit da huo'o ca chochi ÿaÿamaxadeeta ñi Dios da huo'otaq qaica ca lpi'iÿaxac. Cha'ayi da qanquigueu'a ñimayi, qalaq ñi 'oonolec iuen da ÿataqta i'amaqten ñi Dios da ÿataqta 'eesa da huo'o, qataq i'amaqten da ñimayi ishit da ishiiten cam nmitaique ñimayi.

Efesios 5:17

Qaq ÿoqo'oyi sa ishit qome da qaica ca qauaÿajñiÿapec. Chaqdata da qanpogoxoiñiÿapegue' da qauaÿajñi cam 'eetapeguec so qadataxala'.

Efesios 4:20

Qalaxayi qami' sa ishit da qanapaxaguenataguiiqui de'eda da qoquiitague' so Cristo,

2 Corintios 10:1

Aÿim Pablo, qami' ñachoxodeetoto, souaxat da huesottac lsoxosoxonaxac so Cristo qataq da lsoxoyic. Aÿim mayi qoÿiitegacnaxa da qaica ca i'amaqchic da qami' sootaiguilo, qalaxayi naxa da sa ishit da qami' sootaiguilo, qalaq ÿataqta saq llivigui yi iuel.

2 Corintios 6:1

Cha'ayi qomi' lta'u ñi Dios dam l'onataxanaxac, qaq ÿoqo'oyi qami' ñachoxodenaqtoiguilo da sa ishit qome da saqca ca naigui qanqashiñi da lqouagaxanaqtaic mayi qami' ÿachaxanalo ñimayi.

1 Corintios 15:1

Qaq nagui qami' ÿaqaÿa't, ñishitaique da qami' souennataxanaxanque de'eda n'aqtac mayi chigaqaigui da nca'alaxa, dam ñaq qoquiitalec nagui, mayi qami' sa'axatema co'olloxochiyi, nachi qau'amaqchiñi.

1 Corintios 11:23

Cha'ayi aÿim sachigoxoto'ot so qadataxala' de'eda napaxaguenataxanaxac mayi mashi qami' sanema da se'eso pe co'ollaq yaqta'a da qoÿaneuo so qadataxala' Jesús, nachi ÿacona aso pan.

Hechos 20:27

Cha'ayi aÿim ÿataqta sa'axatta 'enauac nam 'eetapeguecpi ñi Dios, qaica ca soxottapiguiñi.

2 Timoteo 4:1

Qaq de'eda ÿaqataxac 'am sami' nagui ÿataqta qomi' ÿauaachiguilo ñi Dios qataq so qadataxala' Jesucristo mayi anac qome da nachaxan da nta'a, qataq nmit ñi 'oonolec na shiÿaxauapi mayi ña nca'altauec qataq na mashi ileu. 'Am shinapega

1 Timoteo 5:21

Da ÿaqataxac 'am sami' nagui ÿataqta qomi' ÿauaachiguilo ñi Dios qataq so qadataxala' Jesucristo nataq'en na chigaqshiguem Dios lamaxashicpi lca'aguishicpi. Ÿataqta 'aualaxalco' qome da ÿaqataxac. Sa ishit da huo'o ca 'aumatalec da 'adauotaxat, qataq sa 'alca'agui na ÿale.

Gálatas 6:1

Qami' ÿaqaÿa't, da huo'o ca 'oonolec da qoñiita huo'o ca ilamaxata'aguet lasouaxashit, nachi qami' mayi qami' netanguita so Espíritu ishit da qautauañi camayi, da yaqto' ishit da ñishiguem. Qalaxayi ÿataqta huesottac da qadquiyaqteÿaxaqui. Qataq ñi 'oonolec ÿataqta ntelañi. Ten, sa iuena'a camayi da nataq'en qaÿauo'o ca ñi'iguenataguec.

1 Ts 5:12

Qami' qadqaÿa't, qami' ñachoxodenaqtoto da ÿataqta qauloÿiguet na l'onataxanaxanecpi so qadataxala' Jesús nam qami' ilotagueto qataq qami' huaqattegalo.

2 Ts 3:13

Qami' qadqaÿa't, sa ishito' qome da qadasamiiñi da qau'ochi da ÿaÿamaqchiguiñi.