1 Ts 3:6 - Nuevo Testamento Toba Sur

⁶ Qaq can nvi' so Timoteo da chigaqa'a na Tesalónica, nachi qomi' nda'alo da 'onaxaic qad'axaÿaxac da qadpi'iÿaxaqui, qataq da qadsoxoyiqui. Qataq qomi' da'aqtaxanema da saqalota da qadhuennataxaqui da shinaqta, qataq huo'o da qadyaqai da qomi' qanauañiito. Nachi 'en'am qomi' nataq'en huo'o da qadyaxa da qami' ñauanaxato.

Nuevo Testamento Toba Sombrero Negro

⁶ Qama'le nayi joote 'niyelaq joñe'me Timoteo, chiyoĝogue di'me Tesalónica, qama'le yataqata onaĝaic ga'me 'laqataĝanaĝac, da'me ami yataqata t'añi nayi joga'me adepi'i, chayovida'a da'me adoqopich'ii jo'ne ami uetauelo. Choqoda'me qo'mi t'aqataĝatapema da'me nach'e eta't qo'mi auenachetapegalo da'me qo'mi, yataqata ja qo'mi 'te auapalaĝache'talo, nach'e eta't qo'mi avichoĝodeñi, chayovida'a da'me 'uo ga'me lamaic da'me yitaĝa qo'mi auañiyalo, qama'le nach'e ena'am da'me qo'mi 'uo da'me qadamaic da'me yitaĝa ñauanaĝa't qomle.

La'aqtaqa Ñim Lo'onatac 'Enauacna 2013

⁶ Qaq can nvi' ñi Timoteo da chegaqa'a na Tesalónica, nache qomi' da'aqtaxaateguema da qami' ỹataqta qanauochiỹa't qataq saq qaỹa'axañiiuec da qarpi'iỹaxaqui Ñim Lo'onatac 'Enauacna. Nataqa'en qomi' da'aqtaxaateguema da qomi' qauennachetrapigui souaxat da qarauotaxanaqtaiqui da shenaqta, qataq huo'o da qaryaqai da qomi' qanauañito, 'ena'ama qomi' da huo'o da qaryaxa da qami' ñauanaxato.

1 Ts 3:6 Referans Kwoze

1 Corintios 11:2

Qami' ÿaqaÿa't, ÿataqta qami' ñitootegueque, cha'ayi ÿataqta aÿim qadhuennataxachi, qataq qoquiitelec da ÿapaxaguenataxanaxac mayi qami' sanema.

1 Ts 1:3

Qaq ñim qadta'a Dios mayi souaqto'ot, ñimayi mayi ÿaÿateeta da qadhuennataxa da tachigui qadhuel da l'onataxanaxac da qadpi'iÿaxaqui, qataq da qadsoxoyiqui da qoviitague' na qadqaÿañicpii, qataq da qoquiito'ot qanaquitaxaqui ñi qadataxala' Jesucristo.

Hechos 18:5

Qaq co'ollaq nvilyi' so Silas qataq so Timoteo, chigoqda'ague da Macedonia, nachi so Pablo ÿataqta nalamaqteguet da i'axattac da l'aqtac ñi Dios, qataq ÿataqta da'aqtaxaatem na judiopi da so Jesús somayi nachiso so nta'a mayi qadca'alaxaqui mayi qaiuattaique.

Filipenses 1:8

Qaq ñi Dios ÿaÿateeta da ÿataqta sauotec 'enauac da qoñiita, da shiita'am da lauotaxanaqtaic so Jesucristo da qoñiita.

1 Juan 3:23

Qaq dam lamaxasoxonaxac ñimayi 'eetega da qomi' sa'amaqtenaq so llalec Jesucristo, qataq 'eetega da ñi 'oonolec da shinaqta ÿataqta ÿauotec ca lÿa. Nachida da qomi' ÿamaxalguete.

Hebreos 13:7

Qataq qauennachiÿa'a qome som qadataxala'aipi mayi qami' i'axatema co'ollaxa da l'aqtac ñi Dios; qauennachiÿa'a dam 'eetec da naigui da nachaalataxac, nachi ÿataqta qau'enaxachiichigui da 'eetec da lpi'iÿaxac.

Hebreos 13:3

Qataq qauennachiÿa'a qome na ncoñitaguishicpi, 'eeta'am qanqashiñi da huo'otaq qancoñitaxauaipi namayipi, qataq nam sa ishit da qaÿauo'o ca nyacnataguec, cha'ayi qami' nataq'en qauaÿajñi da ishit da huo'o da nque'etaxanaxac da qad'oquiaxaqui.

Filemón 1:5

Cha'ayi aÿim huo'o da i'axaÿaxac da 'adauotaxanaqtaic qataq da 'adpi'iÿaxac so qadataxala' Jesús qataq da 'adauotaxanaqtaic 'enauac nam lalamaxatpi ñi Dios.

2 Timoteo 1:3

Da ñoqouagaxaueetac yi na'a'q qataq yi pe, nachi tachigui iuel 'am. Qaltaq sanot da ñi'achic ñi Dios mayi so'otta'pe naua l'aqtaqa, qataq ñanomta da qaica ca hueto'ot ÿasouaxashit. Qaq de'eda nachida da 'eetec nataq'en so hua'au ita'alpi.

1 Timoteo 1:5

Qaq damayi qaÿamaxasoxoolec da qoÿaxaañi, cha'ayi ñi Dios nshitaique da nchoxonna't na shiÿaxauapi. Ca shiÿaxaua huo'o da lsoxoyic, cha'ayi ÿataqta qui'itta añi lquiyaqte, qataq da lavilÿaxac ÿaÿamaqchiguiñi, qataq huosota da lpi'iÿaxac.

2 Ts 1:3

Qami' qadqaÿa't, qomi' soqolaqtot da sanaqtacot da qan'achiquiaxac ñi Dios, souaxat da qoñiita. Qaq damayi nachi lataxac, cha'ayi qami' ÿataqta nquictashiguem da qadpi'iÿaxaqui qataq da lsoxoyic ñi 'oonolec da ÿauotec ca lÿa, ÿataqta nqochiitauec.

1 Ts 2:17

Qami' qadqaÿa't, se'eso na'a'q co'ollaq qami' sachigoxosoqtegueta da cada'acolec saq qami' souaqa'agueta. Qaq nai'ctaxa da sa qami' ñaqataxagueta, qalaxayi nachi 'eetai' da 'en'am da qami' souaqta'agueta. Qaq ÿoqo'oyi saqalota da qadyaxa da qaltaq qami' ñauanaxato.

1 Ts 2:9

Qami' qadqaÿa't, machi qauaÿajñiita co'ollaq qami' souaqta'agueta, qalaq ÿataqta so'onataxanaqtac, qataq ñasamaqtañi. Cha'ayi ñishoqtaique da ñauegaq cam qadhuenec. Qaq nachida da huo'o mshi so'onataxanaqtac na na'axa'tesat qataq pesa'chi, yaqto' sa ishit da huo'o ca nsallaxaueetapegueto qomi' da qoñiita. Qaq 'eda da shinaqtec co'ollaq qami' sa'axataqtapeguema da l'aqtac ñi Dios.

Colosenses 4:18

Qaq aÿim Pablo maichi semapegue' da shiyiñi da iquinaxanaxac da qami' samaxalo. Qaq qauennachiÿa'a qome da aÿim qaicoñittai'. Qaq ñi Dios qami' ÿanema qome ca qanchoxonnataguiiqui. Aja', nachi 'eetec.

Colosenses 1:4

Cha'ayi co'ollaq huo'o da qad'axaÿaxac da qadpi'iÿaxaqui so Cristo Jesús qataq da qadauotaxanaqtaiqui 'enauac nam lalamaxatpi ñi Dios,

Gálatas 5:6

Qataq da mashi sogote da ñi'adaqtau'a so Cristo Jesús, nachi ÿataqta qaica ca naigui da qaÿauo'o ca n'anaxat na l'oc ca shiÿaxaua, huo'otaq jegatai'. Cha'ayi dam ÿataqta huo'o ca naigui, nachida dam qadpi'iÿaxac. Qaq de'eda qadpi'iÿaxac, nachida da qomi' nachaatoiguilo naq'en da nsoxoyic.

1 Corintios 13:13

Qaq ÿoqo'oyi da npi'iÿaxac qataq da aquitaxac qataq da nsoxoyic ÿataqta qaica ca loga't. Qalaxayi da ÿoqta ÿacteec ne'enaua tres, nachida da nsoxoyic.

Hechos 18:1

Qaq co'ollaq ime de'eda, nachi so Pablo ca'ai yi Atenas da taigue da la ciudad Corinto.

Hechos 16:1

So Pablo qataq so Silas ivitra yi pueblo l'enaxat Derbe qataq yi Listra. Qaq huaña yimayi, nachi nateedalec so 'amqajnataxanaxaic l'enaxat Timoteo. Somayi llalec aso judío lashi 'amqajnataxanaxai, qaq so lta'a qalaxayi griego l'ec.

1 Ts 3:7

Ÿoqo'oyi qami' qadqaÿa't, nai'ctaxa da qomi' souaqtangui 'enauac na qadhuenaxanaxa qataq na qanque'ejnaxaguesat, qalaxayi selagaqchiguiñi can saÿajnaq da qoñiita da ñaq qoquiito'ot da qadpi'iÿaxaqui.