1 Ts 3:5 - Nuevo Testamento Toba Sur

⁵ Ÿoqo'oyi aÿim co'ollaq sa yalo'oguet da iuennataxa da qoñiita, nachi samaq so Timoteo da ichimaxata da qadpi'iÿaxaqui. Cha'ayi mashi huo'o da itelaxa da huo'otaq qami' ÿatenachi't so 'iguenataxanaxaic shiÿaxaua lma'na, nachi saqca ca naigui da qad'onataxanaxac.

Nuevo Testamento Toba Sombrero Negro

⁵ Qama'le nayi jayem, jo'ne mach'e yoĝot, male yataqata male ja jalo'oguet joga'me jayem ualegue, qama'le ja'uo joga'me yenataĝanaĝac quelqaya, jouaĝat da'me ami, jetaque jayaten qom maliaĝa oquitelegue jena'me jenjo' mach'e qadepe'e ladic, 'noota qom maliaĝa ja aĝañiñi, qa'a 'uo da'me yoqolanaĝa joñe'me oiquiaĝaic ta'le 'uo ga'me ami 'yeteque joga ta'le ami nauanegueta chayovida'a da'me ami yoqovi'n, qama'le joga'me qat'onatac yataqata yijamaĝajaye, qaya'te chiyaqayi.

La'aqtaqa Ñim Lo'onatac 'Enauacna 2013

⁵ Ỹoqo'oye aỹem co'ollaq sa yalo'oguet da iuennataxa da qoñiita, nache samaq ñi Timoteo da ichemaxata da huo'otaq ñaq huo'o da qarpi'iỹaxaqui Ñim Lo'onatac 'Enauacna. Cha'aye huo'o da itelaxa da huo'otaq qami' ỹatenache't so pa'aguenataxanaxaic, nache qaica ca naigui naqa'en da qaro'onataxanaxac.

1 Ts 3:5 Referans Kwoze

Mateo 4:3

Nachi so shiÿaxaua lma'na nqo'ona so Jesús da ÿi'iguen. Nachi 'enapego', 'eeta': –Da ÿoqta 'eesa da 'am llalec ñi Dios, qaq no'on qome da nañigui pan 'anqa'en ne'ena coma'pi.

2 Corintios 2:11

yaqto' so Satanás sa ishit da huo'o ca lligueuo da shinaqta, cha'ayi qomi' mashi saÿajnaqte' naua n'onataxaco.

Filipenses 2:16

da huo'otaq qau'axachiim da n'aqtac mayi chigaqaigui da nca'alaxa. Yaqto' qom ivita da ñi'iguelaq so Cristo, nachi ÿataqta samachiguiñi souaxat da qoñiita, cha'ayi saÿateeta da sa ishit da saqca ca naigui da ñaqalgoxosoxoc qataq da i'onataxanaxac.

Efesios 4:14

Nachi sa ishit qome da shinaqta'am ca nogotolec mayi qaica ca lqalaic da qaÿashaxaneec, qataq chochi ÿachitac na 'ico' l'at mayi nachina na ÿaqa'a napaxaguenataxanaxacpi. Huaña, nachi ilamaxata'aguet na shiÿaxauapi mayi sa nqalaate' da latenataxanaxac mayi nshitaique da qomi' ÿaueca'alo da nsomaxac.

Gálatas 4:11

Qaq ÿoqo'oyi aÿim ÿataqta lta'adaic da icolanaxa da sa iuena'a da qaica ca naigui da i'onataxanaxac mayi huaigui da qoñiita.

Gálatas 2:2

Qaq saigue damayi, cha'ayi ñi Dios ÿauo'o co'ollaxa da ÿauanaqchic, da yaqto' aÿim saigue damayi. Qaq co'ollaq huaña yi Jerusalén co'ollaq huaigui so ÿaqauga ltaxaÿaxac som nachi 'eetai'salo da nataxala'te, nachi sa'aqtaxaatapeguema da 'eetec dam n'aqtac mayi sa'axattapeguem nam saq judiopi. Qaq so'ot de'eda, cha'ayi sa saÿamaxaden da qaica ca naigui dam mashi semat qataq ñaq shicto'ot da so'ottac nagui.

1 Corintios 7:5

Qaq sa ishit da nmaqtega't caamayi. Chaqdata da huo'otaq nsoxoota't caamayi da ÿauo'o ca laloqne'c da sa ishit da nauaña't da ÿauotraique da ÿataqta nañaadeguet da nqouagaxaunaxa'c. Qalaxayi da ime, nachi qaltaq ipactegue da nauaña't, cha'ayi sa iuena'a da ÿasouaxat da sa ishit da naÿateetrela't, nachi so Satanás huo'o ca lligueuo da ÿauo'o ca lasouaxashi't.

1 Ts 3:6

Qaq can nvi' so Timoteo da chigaqa'a na Tesalónica, nachi qomi' nda'alo da 'onaxaic qad'axaÿaxac da qadpi'iÿaxaqui, qataq da qadsoxoyiqui. Qataq qomi' da'aqtaxanema da saqalota da qadhuennataxaqui da shinaqta, qataq huo'o da qadyaqai da qomi' qanauañiito. Nachi 'en'am qomi' nataq'en huo'o da qadyaxa da qami' ñauanaxato.

1 Ts 2:1

Cha'ayi qami' qadqaÿa't, qauaÿajñiita so hua'auchiguiñi qadvidaxac da qoñiita, somayi sa ishit da saqca ca naigui.

Hechos 15:36

Qaq huo'o so na'a'q, nachi so Pablo 'enapego' so Bernabé, 'eeta': –Qomi' ÿoltaq qolaq qome da ñamaxasoqtega na qadqaÿañicpi mayi neta'alo naua puebloyi mayi souaqta'alo co'ollaq sa'axataqtac da l'aqtac so qadataxala', da yaqto' saÿajnaq da saqca ca da.

2 Corintios 6:1

Cha'ayi qomi' lta'u ñi Dios dam l'onataxanaxac, qaq ÿoqo'oyi qami' ñachoxodenaqtoiguilo da sa ishit qome da saqca ca naigui qanqashiñi da lqouagaxanaqtaic mayi qami' ÿachaxanalo ñimayi.

Filipenses 2:19

Qaq so qadataxala' Jesús qom huo'otaq nachiso chigoqchigui, qaq saqaÿaloq qome da qami' samaxalo ñi Timoteo, da yaqto' qami' nauaneto, da yaqto' ishit da samachiguiñi qom qami' saÿate'n.