1 Ts 3:3 - Nuevo Testamento Toba Sur

³ yaqto' qaica ca 'oonolec da qoñiita da nañaxanapiguiñi da lpi'iÿaxac souaxat da que'ejnaxac. Cha'ayi qami' mashi qauaÿajñiita da nachi qoyiquiaxac da ñique'etaxanaxagui ne'ena que'ejnaxaguesat.

Nuevo Testamento Toba Sombrero Negro

³ nataq'aen qaedi male ami yataqata qaya'te yoqovi'n, jena'me jenjo' 'uo nayi naa'me naajo' noloqo'ote, qa'a joote ami yataqata auayachiñe queda'me male qo'mi yedalo'te jo' qomle naa'me naajo' qadachoĝodeco.

La'aqtaqa Ñim Lo'onatac 'Enauacna 2013

³ yaqto' qaica ca 'oonolec da qoñiita da nañaxanapiguiñi da lpi'iỹaxac souaxat da que'eenaxac. Cha'aye qami' mashe qauaỹaañita da, nache qoyecỹaxac da ñeque'etaxanaxagui ne'ena que'eenaxaguesat.

1 Ts 3:3 Referans Kwoze

Hechos 14:22

Nachi soomayi ÿataqta huaqattrega na 'amqajnataxanaxaicpi mayi netalguete ne'enaua 'ale'u, da yaqto' ÿataqta n'añaxattec da lpi'iÿaxac, qataq i'axattrac da qainoxoneu'a da l'onataxanaxac ñi Dios qom ilo'ogue 'enauacna, nachi ÿataqta qalota da que'ejnaxac.

Romanos 5:3

Qaq sa ishit da chaqdata de'eda. Nataq'en samaqchiguiñi souaxat da qanque'ejnaxac. Cha'ayi qomi' saÿajnaq da de'eda que'ejnaxac i'ot da qadhualaxavic,

Hechos 9:16

Qaq ñimayi aÿim sachaxana qome da ÿataqta qalota da nque'ejnaxac souaxat aÿim.

Juan 16:33

Qaq aÿim qami' sa'axatema 'enauac de'eda, yaqto' huo'o da qadlagaxayiqui da aÿim qan'ayiitau'a. Qami' ana 'alhua mayi qoviitalec huo'o qome da qanque'ejnaxaqui. Qalaxayi qan'añaxachi qome, cha'ayi aÿim mashi sogote da ÿoxonec nam 'onataxac mayi huetalec ana 'alhua.

1 Corintios 15:58

Qaq ÿoqo'oyi qami' ñauochaxa'u ÿaqaÿa't, saqco' qome ca qanamachiÿaique, qoquiito'ot da qau'ochiitac da l'onataxanaxac so qadataxala'. Cha'ayi qami' qauaÿajñiita da qad'onataxanaxaqui da qau'onataxañiitacot somayi, ÿataqta huo'o ca naigui.

Hechos 21:13

Qalaxayi so Pablo 'enapec: –¿Tá'ainec yi qanoÿiñiitac qataq qanshiitaique da aÿim qauaquicoqchichi? Yi aÿim ÿataqta qaica ca shictega, nai'ctaxa da huo'otaq aÿim qaicoñi', huo'otaq da aÿim qaÿalauat da huaña yi Jerusalén, souaxat da sasoilec so qadataxala' Jesús.

1 Ts 5:9

Cha'ayi ñi Dios sa ishit da qomi' lca'agui'shi da ÿauo'o ca qanhuaxanaguec ca pa'ateec na'a'q. Chaqdato' da saconaxaguet da nca'alaxa mayi chigoqo'ot so qadataxala' Jesucristo.

1 Corintios 4:9

Cha'ayi yi'oqta da ñi Dios ipa'axaatreec qomi' mayi qomi' Jesús lamaxa'shi da saqca ca qad'amaqchic. Shinaqta'am ca shiÿaxaua mayi taÿa'a da qaÿalauat souaxat da lasouaxashit. Sovidaqta'aguet da qomi' i'aalaque da qomi' imete'n 'enauac na chigaqshiguem Dios lamaxashicpi qataq 'enauac na shiÿaxauapi.

1 Pedro 2:21

Cha'ayi nachida da huo'o mshi qami' iÿaxanalo ñi Dios. Cha'ayi so Cristo huo'o da nque'ejnaxac souaxat da qoñiita, da yaqto' qomi' ishit da qauloilec somayi, qataq qoquiitelec da lliquiaxac.

Colosenses 1:23

Qalaxayi damayi iuen da qami' sa ishit da qai'axañiiuec da qadpi'iÿaxaqui, qoñiita'am aca qo'ipaq mayi ÿataqta qaÿoqchiguingui ca lpa'a'q. Qataq sa ishit da qai'axañiiuec da qanaquitaxaqui mayi qauachigoxochiichigui da n'aqtac mayi chigaqaigui da nca'alaxa mayi qan'axaÿaxañiÿa. Qaq de'eda n'aqtac nachida da qai'axattac 'enauaque naua 'ale'u. Qaq aÿim Pablo nachida da sa'axattac.

Efesios 3:13

Qaq ÿoqo'oyi aÿim qami' saqatalo da sa ishit da qanlaviitapiguiñi, souaxat da aÿim huo'o da ñique'ejnaxac souaxat da qoñiita, cha'ayi damayi naigui da yaqto' qami' ÿi'oxoda'q.

Hechos 2:25

Cha'ayi so nta'a David nataq'en i'axata'a co'ollaxa so Jesús, 'eeta': Aÿim nachi 'eetai' da ñauaatapegue' ñi qadataxala'; ñimayi hueta'ague da aÿoic, da yaqto' qaica ca ishit da aÿim ÿayigot.

Juan 16:2

Qami' qaÿamaqdauec qome da huaigui ana laponaxaqui na judiopi, qataq ivida'a qome da huo'o ca ishit da qami' ÿalaua't, nachi camayi ipi'itaxaatega da i'ottac cam l'onataxanaxac ñi Dios.

Lucas 21:12

Qaq qom saxanaxa da yi'oq 'enauac de'eda, nachi qami' qaÿaconeu'alo qome, qataq qami' qaicaata'pe. Ime, qaq qami' qaÿauegueu'alo ana laponaxaquipi na judiopi, da yaqto' qami' qanmi't. Ime, qaq qami' qaicoñi't, qataq qami' qaÿauegueu'alo na nta'alpi qataq nam ltauapi, souaxat da i'enaxat qauasoviilec.

2 Timoteo 1:8

Ÿoqo'oyi sa ishito' da 'ancoxolec da 'au'axateec so qadataxala' Jesús. Nataq'en sa ishito' da huo'o da 'adcoxo, souaxat da aÿim qaicoñittai', sasoilec somayi. Chaqdato' da 'anhuanau'a de'eda que'ejnaxac souaxat da n'aqtac mayi chigaqaigui da nca'alaxa, qaq ñi Dios 'am itaunec qome da 'ad'añaxac.

2 Ts 1:4

Qaq ÿoqo'oyi qomi' ÿataqta saqalota da qayi'oxonnataxanaxa da qoñiita da sa'aqtaxanaqtapeguem nam i'amaqten ñi Dios, souaxat da qanhualaxaunaxaqui qataq da qadpi'iÿaxaqui, nai'ctaxa da qoviitangui 'enauac na qancanaguiiqui qataq na qanque'ejnaxaqui.

Apocalipsis 2:13

Aÿim ÿataqta saÿateeta 'enauac nam 'au'ottacpi, qataq saÿaten da qonetangui nam ilotague' so Satanás. Qalaxayi ñaqaiyita 'am ÿataqta aÿim qoquetelec, qaq ÿataqta sa ishit da 'axaañi da aÿim 'au'amaqteetac, nai'ctaxa da co'ollaq qaÿalauat so i'aqtaxanaxanec Antipas, som 'oonolec da qoñiita, mayi huaña yim hueta'a so Satanás.

Apocalipsis 2:10

Qaq sa ishit qome da 'ayi'iÿa cam 'anque'ejnaxac. Cha'ayi so shiÿaxaua lma'na huo'o qome ca ÿamaxaigui añi ncoñitaxanaxaqui da qoñiita, da yaqto' 'enauac da qoñiita qaÿauo'o ca qañi'iguenaguiiqui. Nachi ÿataqta huo'o ca qanque'ejnaxaqui, ivittreec caua diez na'axa'te. Qalaxayi qoquiitot da qadpi'iÿaxaqui, chochi ivitta'a da qami' qadellivi. Nachi aÿim qami' sanema da achaalataxac, 'eeta'am aca qanshiitenaqchi.

Filipenses 1:28

qataq sa ishit qome da qami' icolanaqchi't nam qami' ipa'agueeta'pe. Cha'ayi damayi l'anaxat da namayipi taÿa'a da qanlaxajñi, qalaxayi damayi nataq'en l'anaxat da qami' qanca'alaxatreec. Qaq damayi maichi chigoqchigui ñi Dios.

Hechos 21:11

Somayi qomi' namaqtegalo. Nachi somayi ÿacona so nsaataxaqui so Pablo, nachi maichi icoñiyiguilo naua lchil qataq naua lhua'q. Nachi 'enapeco': –So Espíritu Santo 'enapec da l'aqtaxanaxac yi cam judiopi mayi lma' yi Jerusalén nachi 'eetec qome de'eda ñim lalamaxat ne'ena saataxaqui da icoñi'. Ime, nachi ÿaneu'a na sa ishit da judiopi.