1 Ts 3:10 - Nuevo Testamento Toba Sur

¹⁰ Qaq ÿoqo'oyi naua na'axa'te qataq naua pesa'chi ñoqouagaxaunaqtacot ñi Dios, da ishit da qomi' ÿanema da qami' ñauanaxato, yaqto' qami' setaunaxaque da ÿataqta nalochiguiñi da qadpi'iÿaxaqui.

Nuevo Testamento Toba Sombrero Negro

¹⁰ Pi'yaĝadi choqoga'me noloqo'ote 'uo joga'me qanachoĝodenaĝac janemaĝam joñe'me Qadet'a Dios qaedi qo'mi yaje'tema da'me yitaĝa ami jauanaĝalo qomle, nataq'aen da'me male ami yecochaĝalo qaedi yataqata nalochiñe da'me adepi'iyaĝaqui.

La'aqtaqa Ñim Lo'onatac 'Enauacna 2013

¹⁰ Ye na'a'q qataq ye pe seỹaxanaqtacot Ñim Lo'onatac 'Enauacna da qomi' ỹanema da qaltaq ishet da qami' ñauanaxato, da yaqto' qami' setauana'q da ỹataqta qaumachiỹo'ot da qarpi'iỹaxaqui Ñimaye.

1 Ts 3:10 Referans Kwoze

2 Corintios 13:9

Qaq ÿoqo'oyi qomi' ÿataqta samaqchiguiñi da huo'otaq qaica ca qad'añaxac, lamaaxa da ÿataqta qami' 'añaxaiqa. Qaq soqolaqtot da ñoqouagaxaunaqtac, yaqto' qami' ishit da ÿataqta qanaloichiguiñi.

1 Ts 3:11

Qaq ñi qadta'a Dios qataq ñi qadataxala' Jesucristo maichi huapegueto ca 'eetec da qoyiquiaxac da qami' ñoqo'onaxalo.

2 Corintios 1:24

Cha'ayi qomi' sa ishit da sauoqtaique da qami' sapaxaguenaxaque ca qad'amqajnataxanaxaqui, cha'ayi da qadpi'iÿaxaqui mashi ÿaÿamaqchiguiñi. Chaqdata da sauoqtaique da qami' setauana'q, da yaqto' nquic da qantonaxaqui.

2 Timoteo 1:3

Da ñoqouagaxaueetac yi na'a'q qataq yi pe, nachi tachigui iuel 'am. Qaltaq sanot da ñi'achic ñi Dios mayi so'otta'pe naua l'aqtaqa, qataq ñanomta da qaica ca hueto'ot ÿasouaxashit. Qaq de'eda nachida da 'eetec nataq'en so hua'au ita'alpi.

2 Ts 1:11

Qaq nachida da huo'o mshi ñoqouagaxaunaqteguelec da qoñiita, seÿaxanaqtacot ñi qadta'a Dios da ña qami' itauanque da ÿataqta qoquiitalec da lliquiaxac da huo'o mshi qami' iÿaxanalo. Nataq'en ñoqouagaxaunaqtacot ñi Dios mayi 'añaxaic da ña ipactelec 'enauac nam ÿaÿamaqchiguiñi qoñiitapeguecpi qataq da l'onataxanaxac da qadpi'iÿaxaqui.

Filipenses 1:25

Qaq cha'ayi ÿataqta 'eesa ñaq'en damayi, qataq saÿateeta da ña qami' soota'agueta, da yaqto' qami' setauanque da qanquiquiitashiguem qataq huo'o da qantonaxaqui, souaxat da qadpi'iÿaxaqui,

2 Corintios 1:15

Qaq 'eda da sepe'etalec co'ollaxa. Qaq ÿoqo'oyi huo'o da iuennataxa da sa'auaxaañi da qami' ñoqo'onalo, da yaqto' qauamaichiguiñi da dos da shi'iguelaxalec da qami' ñamaqtegalo.

Hechos 26:7

Nataq'en nam llalaqpi soua sachigoxosoxogueta doce llalqa so Israel, namayipi nataq'en iuattaique qom ivita da ipacchigui de'eda qaÿachaxanapec co'ollaxa. Qaq ÿoqo'oyi namayipi ÿi'oxodeetac ñi Dios, qataq i'ot da l'aqtac 'enauaque naua na'axa'te qataq naua pe'. Qaq nachida de'eda ñaquitaxac, 'am ita'a Agripa, da huo'o mshi na judiopi aÿim npa'agueetega.

Filemón 1:22

Nataq'en soqopitaxanapec da 'am shinapega da 'auqataxanai' qome ca i'ochaqa', cha'ayi aÿim seuattaique da huo'otaq qaÿasateguet que'eca qanqouagaxaunaxaqui. Nachi ñi Dios ishit da aÿim ÿanem da yaqto' qami' ñoqo'onalo.

Colosenses 4:12

Nataq'en qami' ÿamaxalo da lquinaxanaxac ñi Epafras. Ñimayi nataq'en lamaxashic so Jesucristo, qaq ñimayi maichi qami' chigoqtoiguilo co'ollaxa. Qaq ñimayi nachi 'eetai' naxa da qami' nqouagaxaueetalguete, da yaqto' qaica ca da da qadhuennataxaqui, qataq da yaqto' ÿataqta qanañañiÿot da qau'ochi ca 'eetapeguec ñi Dios.

Colosenses 1:28

Qaq qomi' nachiso so Cristo sa'axataqtac. Qaq saqataqtega 'enauac na shiÿaxauapi, qataq sapaxaguenaqtac 'enauac, yaqto' ÿaÿateeta ca lataxac, qataq yaqto' ñi 'oonolec ÿataqta nquictashiguem, souaxat da n'attau'a so Cristo.

Lucas 2:37

Qaq nagui asa'aso pa'ai mashi ivi' na ochenta y cuatro vi'i. Qaq ÿataqta sa ishit da ca'ai aso n'onaxanaxaqui da ÿi'oxodeetac ñi qadataxala' naua na'axa'tesa'chi qataq naua pe', da i'ottac da nqouagaxaunaxac qataq da nqouaqchittac.

Apocalipsis 4:8

Qaq se'esoua cuatro shiguiÿac, ñi 'oonolec ivi' seis ana lauapi. Qaq na npa'auec ana laua qalaq da'aichiguilo ana l'aitepi, qataq na pa'auo. Qaq soomayi nachi quetro'ot yi na'a'q qataq yi pe da 'eetra': 'Am mayi ÿataqta 'am qui'itta, 'am qadataxala' Dios mayi qaica ca 'auqalanapec, 'am mayi nachi 'eetai' da 'am huo'o, qataq nachi'am mayi 'au'onataxaatac nagui, qataq 'auanaÿa'cna.

2 Corintios 13:11

Qaq nagui qami' ÿaqaÿa't, ÿataqta no'on qome ca qoyiquiaxaqui. Ÿataqta qanpogoxoiñiÿapegue' qome da nalochiguiñi da qanachaalataxaqui, qataq ÿataqta qauamaichiguiñi, qataq 'oonolec ca qadhuennataxaqui, qataq qaulaquiitapiguiñi. Qaq yaqto' qami' hueta'agueta ñi Dios mayi chigoqo'ot da nlagaxayic qataq da nsoxoyic.

Apocalipsis 7:15

Qaq ÿoqo'oyi namayipi datatau'a na nso'onqa' ñi Dios, qaq do'onataxaatacot ñimayi na na'axa'te qataq na pesa'chi añi l'onaxanaxaqui. Qaq ñim nso'ootangui añi so'onaxaqui, ñimayi ipelteetalec namayipi.