1 Ts 2:5 - Nuevo Testamento Toba Sur

⁵ Cha'ayi qami' qauaÿajñiita da qomi' sa ishit da chochi samaicna'q naua qadtaxaÿaxaco, qataq sa ishit da chochi ñapoqtaña ca qadatenataxanaxac da ñaqataq añi plata. Qaq damayi ÿaÿateeta ñi Dios.

Nuevo Testamento Toba Sombrero Negro

⁵ Qa'a ami joote auayachiñe da'me ja auañiya ta'le ch'e ji'yoĝodenaqatac ga'me qadojaĝac, uotaĝa ta'le 'uo ga'me qadapaĝaguenataĝanaĝac jo'ne jenaĝa chiyaqayi ga'me qo'mi qoyejete'n. Jena'me jenjo' yataqata Dios joote yayaten nach'eñe qo'mi nelota'ñalo.

La'aqtaqa Ñim Lo'onatac 'Enauacna 2013

⁵ Cha'aye qami' qauaỹaañita da qomi' saishet da choche ño'onaxata'q naua qartaxaỹaxaco da sauoqtaique da qomi' qauaỹamaxayiñiite', qataq saishet da qami' satenachetaqta'ape da sauoqtaique da ñeqataq aca qo'omi. Qaq Ñim Lo'onatac 'Enauacna ỹaỹaten da ỹataqta 'eesa de'era.

1 Ts 2:5 Referans Kwoze

2 Corintios 12:17

Qaq ¿peta'a ishit co'ollaxa da qami' satenachi't da huo'otaq huo'o ca sachigoxotchigui ca 'oonolec soua shiÿaxa'u mayi qami' samaxalo?

Romanos 1:9

Qaq ñim Dios mayi so'onataxaatacot ñim semattot da iquiyaqteÿaxac da sa'axattac dam n'aqtaguec so llalec, ñimayi aÿim ÿaÿateeta da sa ishit da qami' secoua'aisalo da ivita da ñoqouagaxaueetac.

Hechos 20:33

Aÿim sa ishit da chochi ñaquitta'a co'ollaxa aca alom huo'otaq ca logoxot ca camachicague't shiÿaxaua.

Gálatas 1:20

Qaq ÿauaachigui ñi Dios nagui de'eda shiyiñi da qami' samaxalo, qaq damayi ÿataqta 'eesa.

2 Pedro 2:3

Qaq souaxat da lqopichi da nshiitenaguec, nachi namayipi qami' idolguete naua napaxaguenataxanaxaco saq 'en da yaqto' nqat añi qodomi. Qalaxayi namayipi sa ishit da ÿit de'eda nhuaxanaguec, cha'ayi mashi saqaÿoqtegue da qaÿaqataxaatapigui' damayi.

1 Pedro 5:2

Da ÿaqataxac 'eeta': Ÿataqta qauloÿigue qome na 'amqajnataxanaxaicpi mayi qami' ipataxalguete ñi Dios da qauloÿigue. Qau'enaxachiichigui cam ilotague' aca qagueta. Ÿataqta qanpa'ataxayiñiilec, cha'ayi nachida da 'eetapeguec ñi Dios. Sa ishit da chochi qami' qaÿamaqta'pe, qataq sa ishit da chochi qanaquichiita'a aca plata. Chaqdata da ÿataqta qanasapachiitelec da qad'onataxanaxaqui.

Tito 1:7

Cha'ayi ca qaipataxalec da ilo'ogue na 'amqajnataxanaxaicpi, camayi ilo'ogue 'enauac na l'onataxanaxacpi ñi Dios. Ÿoqo'oyi iuen da qui'itta naq'en da nachaalataxac. Sa ishit da hua'auaqchaqaic da damaxasoxon, qataq sa ishit da lemataqaic, sa ishit da taxaic, sa ishit da sa lhuanguit da lalemataic, sa ishit da quetaigui da latenataxanaxac da nmitta'a aca plata.

1 Ts 2:10

Qataq qami' 'amqajnataxanaxaiqa mashi qauaÿajñiite' qomi', qataq ñi Dios qomi' ÿaÿateete' co'ollaq qami' souaqta'agueta, qalaq ÿataqta qui'itta qataq no'on da qadataxac. Sa ishit ñaq'enaq da huo'o ca qan'aqtaguec sa ÿaÿamaxañi.

2 Corintios 7:2

Qaq ÿoqo'oyi qauauo'oi qome ca qaddaqa' naua qadquiyaqchilli'. Cha'ayi sa ishit da huo'o ca seque'emaqchitaq qataq da ñi'axataq qataq da satenachitaq.

2 Pedro 2:18

Cha'ayi naua l'aqtaqa qalaq ÿataqta ÿajnaxanaxaiqa, qalaxayi qaica ca naiguilo. Qataq ÿachigoxotchigui na namanaxanaqtaiguesat qataq nam 'eetapeguec da n'oquiaxac da ÿashaxaneec nam ÿoqta 'eesa da ca'ai na huetaiguilo naua lsomaxaco.

1 Timoteo 3:8

Nachi 'eetec nataq'en na ltauapi ca nataxala' iuen da no'on da n'aqtaguec, qataq sa ishit da ÿatenachit da l'aqtac. Qataq sa ishit da taxaic, qataq sa ishit da quetaigui da latenataxanaxac da nmitta'a aca plata.

1 Timoteo 3:3

Qataq sa ishit da taxaic, qataq sa ishit da sa lhuanguit da lalemataic. Qataq sa ishit da quetaigui da latenataxanaxac da nmitta'a aca plata. Chaqdata da soxodaic, qataq huo'o da lhualaxavic, qataq sa ishit da chochi naquitta'a aca plata.

2 Corintios 4:2

Qataq mashi sa ñashinaxaguet 'enauac na qoÿoxottañipi da qai'ot, qataq nam i'ot da n'aloxo. Qataq sa ishit da chochi satenataxanaqtac, qataq sa ishit da sashaxanaxaadeec naua l'aqtaqa ñi Dios. Chaqdata da 'eesoda naua sa'axata'q, qaq 'enauac na shiÿaxauapi ÿaÿaten da qomi' 'eesoda, qaq damayi ÿaÿateeta ñi Dios.

2 Corintios 2:17

Qalaxayi qomi' sa ishit da 'ico' qomi' nmenaxaiqa da semenaqta'pe naua l'aqtaqa ñi Dios, da huo'otaq shinaqta'am nam qalota mayi ÿashaxaadeec naua n'aqtaqa. Chaqdata da ÿataqta qomi' 'eesoda da sa'aqtaxanaqtac, qaq qomi' ÿaÿate'n ñi Dios, cha'ayi maichi qomi' lamaxa'shi, qataq qomi' l-lataqa so Cristo.

Romanos 16:18

Cha'ayi ne'ena shiÿaxauapi sa ishit da do'onataxaatacot so qadataxala' Jesucristo, chaqdata da maichi lsoxo. Qataq namayipi ÿatenachit da lquiyaqteÿaxac nam shiÿaxauapi mayi qaica ca ÿaÿajnapec, idolguete naua l'aqtaqa isotta'pe qataq amai'.

Romanos 9:1

Ÿataqta 'eesa de'eda sa'axattac, cha'ayi aÿim sa'amaqten so Cristo, qaq sa ishit da chochi satenataxaatac. Cha'ayi da ivilÿaxac chigoqchigui so Espíritu Santo da aÿim i'axatem da ÿoqta aÿim 'eesa.

Mateo 23:13

¡Ÿataqta choxodaxasodo' qami' mayi qauapaxaguenataxañiitapeguec na nqataxacpi qataq qami' fariseopi mayi qoñiitega da qami' 'eesoda! Cha'ayi qami' qauapoigui ñi lasom dam l'onataxanaxac ñi Dios mayi neta'ague da piguem, da yaqto' sa ishit da huo'o ca inoxoneuo. Qalaxayi qami' sa ishit da qaunoxoñiiuo, qataq sa ishit da qauashiñiim da inoxoneuo nam nshitaique da inoxoneuo.

Mateo 22:16

Huaña, nachi huo'o na qanamaq nam lapaxaguenatacpi namayipi qataq nam ÿalectaigui na quetague' so nta'a Herodes, da yaqto' 'enapega so Jesús, 'eeta': –'Am mayi 'auapaxaguenataxaatac, qomi' saÿajnaq da 'am ÿataqta 'eesoda naua 'ad'aqtaqa, qataq 'auapaxaguenataxaatapeguec da llic da no'on nataxac mayi ÿaÿamaxadeeta ñi Dios, qataq sa ishit da 'auqochitega cam 'enapec na shiÿaxauapi, cha'ayi 'am sa ishit da 'aulotapigui da yi'oqchigui lataxac na shiÿaxauapi.

Judas 1:11

Qaq ÿataqta ¡choxodaxaso' namayipi! Cha'ayi quetegue da lataxac so Caín, qataq souaxat da nshitaique da nauec añi plata, nachi dashiuec, 'eeta'am so Balaam. Qataq imeuo qanqoÿin, 'eeta'am so Coré co'ollaq qaÿalauat, souaxat da npa'aguenaxac.