1 Ts 2:2 - Nuevo Testamento Toba Sur

² 'Eesa da co'ollaq souaqta'a yi la ciudad Filipos, ÿataqta saqalota da qanshiunaguec, qataq qomi' qaiuaxaata'pe. Damayi mashi qauaÿajñiita. Qalaxayi co'ollaq qami' ñovidaxaiguilo, nachi ñi Dios qomi' itauanque da sa ishit da leutapigui qadhuel da qami' sa'axataxama da n'aqtac mayi chigaqaigui da nca'alaxa mayi chigoqo'ot ñi Dios. Qaq nai'ctaxa da souaqtangui na ÿotta'a't qanpa'aguenataguec.

Nuevo Testamento Toba Sombrero Negro

² Yataqata auayachiñe da'me yataqata qo'mi qo'eetapegalo nataq'aen ja qo'mi 'te qoyiyamaĝate'tape ca'li jouaqa'ta di'me Filipos, qalaĝaja Dios qo'mi yanema da'me lañoqotaĝanaĝac qaedi maqachaĝa ami ja'aĝataĝama ga'me 'laqataĝanaĝac, mate mane'e 'uo ga'me t'adaic qanep'aguenataĝanaguec.

La'aqtaqa Ñim Lo'onatac 'Enauacna 2013

² Nataqa'en qauaỹaañi da co'ollaq huaña ye nỹecpi ye Filipos, nache qomi' qaisheueeta'ape qataq saishet da qomi' qaiyacna'ape. Qalaxaye na'aictaxa da souaqaigui da lta'araic lqalaic, qalaxaye Ñim Lo'onatac 'Enauacna qomi' ỹanema da lta'araic qara'añaxac da sa'axataq da no'on na'axaỹaxac.

1 Ts 2:2 Referans Kwoze

Hechos 4:13

Nachi so nta'alpi co'ollaq ila'a da so Pedro qataq so Juan ÿataqta sa ñi'idelec da ltaxaÿaxa'c, qataq qaila'a da soomayi sa ishit da paxaguenaxaiqa, qataq nachina nam shiÿaxauapi mayi chochi huosoxoic, nachi huo'o da n'aalaxa. Qataq qaÿauatto'n da nachisoua soua nnaigaxa'u co'ollaxa so Jesús.

2 Timoteo 1:12

Qaq nachida da huo'o mshi huo'o de'eda ñique'ejnaxac. Qalaxayi sa ishit da yicoqtac, cha'ayi aÿim saÿateeta so hueto'ot de'eda ñaquitaxac. Qataq qaica da saqca ñaqshin ca l'añaxac da ilo'ogue qataq ntela'a dam aÿim ÿachito'ot, chochi ividaxatta'a que'eca pa'ateec na'a'q.

Hechos 16:37

Qalaxayi so Pablo 'enapego' so huataxanaqpi, 'eeta': –Qomi' maichi qomi' romano lashi'. Qalaq qomi' qauaxañiita'pe, 'enauac qomi' qaÿauaachiguilo, qamaq saxanaxa da qaÿaÿaten ca qadasouaxashit. Qataq qomi' qaÿamaxaiguilo añi ncoñitaxanaxaqui, qaq ¿nagui, qalaq qanshiitaico' da chochi qomi' qai'oxochiitrañi da qomi' qausoideec? ¡'A'i, sa ishit! No'on da npacai' camayipi, da yaqto' qomi' nqatreec.

1 Ts 1:5

Cha'ayi qomi' co'ollaq qami' sa'axataxama da n'aqtac mayi chigaqaigui da nca'alaxa, qalaq sa ishit da ndoxoiqa naua qadtaxaÿaxac. Cha'ayi qomi' hueta'agueta da l'añaxac so Espíritu Santo, qataq saÿajnaqta da ÿataqta 'eesa dam sa'axataqtac. Qataq qami' ÿataqta qauaÿajñiita da qadataxac no'on co'ollaq qami' souaqta'agueta. Qaq damayi naigui da maichi qanaÿamaxataxaqui.

Colosenses 2:1

Qaq aÿim ñishitaique da qami' qauaÿajñiita da ÿataqta lta'adaic da ñiloquiaxac souaxat da qoñiita, qataq nam netaña yi la ciudad Laodicea, qataq 'enauac nam saxanaxa da aÿim ÿauatton.

Hechos 17:17

Qaq ÿoqo'oyi nqo'oneu'a aca naponaxaqui, nachi da'aqtaxaatapeguem na judiopi, nataq'en nam laÿipi mayi ÿi'oxodeetac ñi Dios. Qataq 'enauaque naua na'axa'te da'aqtaxaatac, da'aqtaxaatapeguem nam hueta'a ca naponqa'.

Hechos 14:3

Qaq ÿoqo'oyi soomayi ÿataqta huo'oi soua na'axa'te da huetra'a yimayi, nachi ÿataqta sa ishit da ñi'idelec da i'axattrac da n'aqtac qataq ÿataqta huedelec so qadataxala'. Nachi so qadataxala' ÿataqta ipacchiguilo naq'en naua l'aqtaxanaxaco soomayi da i'axattrac da lqouagaxanaqtaic ñi Dios, nachi ÿanema soomayi da l'añaxac, da yaqto' i'o't na n'anecpi qataq nam sa qaÿauanapega.

Hechos 5:41

Nachi se'esoua Jesús lamaxa'shi chigoqtoiguilo so nta'alpi ÿataqta huo'o da ntonaxa'c, cha'ayi ñi Dios ÿashiitegueta soomayi da huo'o da nque'ejnaxa'c, huasoidelec da l'enaxat so Jesús.

Hechos 4:31

Nachi co'ollaq ime da nqouagaxaunaxac somayipi, nachi que'eca qanayiuta'a ÿataqta cholaxan. Nachi 'enauac somayipi ÿataqta nlaqchigui so Espíritu Santo. Huaña, nachi sa ishit da qañi'ilec da qai'axat da l'aqtac ñi Dios.

Hechos 4:20

Cha'ayi qomi' sa ishit da saxanaxañi da sa'axataqtac cam sauanaqchigui qataq ca sa'axasoqchigui.

Judas 1:3

Qami' ñauochaxa'u ÿaqaÿa't, aÿim huo'o da lta'adaic iyaxa da shiyiñi da llic da nca'alaxa mayi mashi 'enauac qomi' huetaiguilo da qami' samaxalo. Qalaxayi nagui sela'a da iuen da shiyiñi da qami' ñachoxodeetoiguilo da nachi 'eetai' da qauloquiitapeguelec qome da qad'amqajnataxanaxac mayi mashi ime da qoÿami' 'enauac nam lalamaxatpi ñi Dios.

Hechos 19:8

Nachi so Pablo ÿataqta ividaxattreec soua tres ca'agoxoiqa da ÿi'iguelaqtau'a aso laponaxaqui na judiopi da da'aqtaxaatac, qaica ca ñi'itaique, qataq i'axattapeguem somayipi da l'onataxanaxac ñi Dios da ilo'ogue 'enauacna, da yaqto' da'amqajnataxan.

Hechos 16:12

Qaq huaña yimayi, nachi saxague da Filipos. Qaq ÿataqta ndochiguiñi na chigaqa'ague da Roma na netalec da ilotague' yimayi, qaq nachiyi yim la ciudad mayi ÿataqta ÿi'oxodaic yim 'alhua Macedonia. Huaña yimayi, nachi ÿataqta huo'oi soua na'axa'te da souaqta'a.

Hechos 14:5

Nachi nam judiopi qataq nam saq judiopi naÿamaxate' na nta'alpi da qaitaxaÿapiguilo soomayi, da yaqto' sa qaÿalemaxa't qataq da qaÿasa'q na coma'.

Hechos 16:19

Qalaxayi so n'aco'pi aso qa'añole co'ollaq ila'a da mashi qaica som dauegaxaatapigui n'onataxac asomayi, nachi qaÿaconeu'a so Pablo qataq so Silas, nachi qaÿauegueu'a ca ltaxaÿaqa' so nta'alpi mayi huangui na laiñi so la ciudad.

Hechos 17:1

Qaq da lliquiaxac so Pablo qataq so Silas tajdelec yi Anfípolis qataq yi Apolonia. Ime, nachi nqo'ooda yi la ciudad Tesalónica. Qaq yimayi huo'o aso laponaxaqui na judiopi.

Romanos 1:1

Aÿim Pablo, aÿim l-latac so Jesucristo. Ñi Dios aÿim iÿaxana, qataq aÿim iÿotauga da ÿauo'o aÿim lamaxashic, da yaqto' sa'axat da l'aqtac mayi chigaqaigui da nca'alaxa.

2 Corintios 3:12

Qaq ÿoqo'oyi ÿataqta huo'o da qanaquitaxac, ÿoqo'oyi sa ishit da huo'o ca qomi' nqanaxa't da sa'aqtaxanaq.