1 Ts 2:15 - Nuevo Testamento Toba Sur

¹⁵ Ne'ena judiopi nachina na ÿalauat co'ollaxa so qadataxala' Jesús, 'eeta'am so hua'au lta'alpi co'ollaq maichi ÿalauat so lalamaxat mayi Dios l'aqtaxanaxanecpi. Qataq nachina na qomi' ÿamaqdauec co'olloxochiyi. Ñi Dios ÿataqta sa ÿaÿamaxaden namayipi. Qataq namayipi taÿa da sa ÿalemaxat 'enauac na shiÿaxauapi.

Nuevo Testamento Toba Sombrero Negro

¹⁵ Naa'me naajo' judiopi nach'enaua ca'li yala't ñe'me Jaliaĝanec Jesús, ena'ama ga'me let'alpi jo'ne yala't ca'li dia'me Dios 'laqataĝanaĝanaqa, qama'le da'me qo'mi ch'e qo'mi yeladedegue, ja qo'mi 'te najeteta, qa'a jouaĝat da'me ja noqopideta joñe'me mach'e Qadet'a jo'ne Dios, eetedapega da'me yataqata qaya'te 'yamaqaten.

La'aqtaqa Ñim Lo'onatac 'Enauacna 2013

¹⁵ Ne'ena judiopi nachena na ỹalauat co'ollaxa So Qarataxala' Jesús, 'eeta'am so hua'au lta'alpi co'ollaq ỹalauat so lalamaxat la'aqtaxanaxanecpi Ñim Lo'onatac 'Enauacna. Qataq nachena na qomi' ỹamaqrauec co'olloxocheye. Namayepi ỹataqta sa ỹaỹamaxaren nam 'eetapeguecpi Ñim Lo'onatac 'Enauacna, nachaqrata da ỹataqta dataỹa'aguet Ñimaye.

1 Ts 2:15 Referans Kwoze

Mateo 5:12

Qaq ÿataqta qauamaichiguiñi qome qataq qantoñiitapigui', cha'ayi qami' qauacoñiiguet qome ca lta'adaic qanshiitenaguiiqui mayi hua'ague da piguem. Cha'ayi nachida da 'eetec da ncanaguec som hua'au l'aqtaxanaxanecpi ñi Dios co'ollaq saxanaqca da qoñiita.

Hechos 7:52

Cha'ayi ¿chaq négue'to' cam l'aqtaxanaxanec ñi Dios da huo'otaq sa iuaxan som hua'au qadta'aipi? Cha'ayi somayipi nachi ÿalauat co'ollaxa som hua'auchiguiñi da i'axatta'aguet da lvidaxac som shiÿaxaua mayi no'on da lataxac. Qaq somayi co'ollaq nvi', nachi qami' qauacoñiu'a, nachi qaualauachi.

Hechos 2:23

Qalaxayi ñaqaiyita co'ollaq qami' qoÿaneu'alo, da yaqto' ipacchiguilo naua lapaxayiñi lhuennataxaco ñi Dios co'ollaq saxanaxa da ivita de'eda. Nachi qami' qauaviqui somayi da qaucoñiyi, qataq qaualauachi, qataq iuaxaneuo qanqashiñi nam shiÿaxauapi mayi qauemaicpi.

Hechos 3:15

Qaq 'eda da 'eetec da qami' qaualauachi som chigoqo'ot da achaalataxac. Qalaxayi ñi Dios qaltaq nca'alaxateec somayi, qaq 'enauac de'eda qomi' sauanaqchigui.

Lucas 24:20

Qalaxayi nam lataxala'pi na ntaxaÿaxanaxanecpi da qaitaxaÿapegue' ñi Dios qataq nam maichi qadta'alpi qoÿanguet somayi da nalaataguec qataq da qaiuaxaneuo.

Mateo 27:25

Nachi 'enauac so shiÿaxauapi nmashiguem da ÿasat, 'eeta': –¡Qomi' qataq na qoyalaqpi ñachoxola't qome da qadasouaxashit da l-leuaxa de'eda shiÿaxaua!

Mateo 23:37

¡'Am Jerusalén, 'am Jerusalén mayi 'aualauat co'ollaxa so n'aqtaxanaxanecpi qataq 'auasaq na coma' so 'am namaxapi co'ollaxa ñi Dios! ¡Aÿim ÿataqta qalota co'ollaxa da sauotaique da saqapaloigui na 'ai'alaqpi da shiita'am aca 'olgaxa da nqapal catai' llalaqpiolec, qalaxayi sa ishit da 'auashin!

1 Corintios 10:5

Qalaxayi ñaqaiyita somayipi saqalota na sa ÿaÿamaxaden ñi Dios, qaq ÿoqo'oyi vichiguiñalo ana nhuachiqui somayipi se'eso tojlec 'alhua.

Hechos 12:3

Qaq somayi co'ollaq ila'a da na judiopi ÿataqta ÿaÿamaxadeeta de'eda, nachi nataq'en damaxasoxoolec da qaicoñi' so Pedro. Qaq de'eda nachi huetoiguilo soua na'axa'te da qanallic ana pan mayi sa qaÿauo'o ana lalecte.

Hechos 5:30

Ñim nDios so hua'au qadta'alpi, ñimayi qaltaq nca'alaxateec co'ollaxa so Jesús, som qami' qaualauachi co'ollaxa, nachi qauaxañiiguet so npe'enaxaqui.

Hechos 4:10

Qaq nagui qami' sa'aqtaxanaqtema, yaqto' de'eda ÿaÿateeta 'enauac na llalaqpi so Israel, da 'eetec de'eda shiÿaxaua mayi hueta'a ne'ena nagui ÿataqta no'oita. Damayi chigoqchigui da l'enaxat so Jesucristo mayi Nazaret l'ec, som qami' qauaxañiiuo co'ollaxa, qalaxayi ñi Dios qaltaq nca'aleec naq'en somayi.

2 Corintios 11:26

Qataq ÿataqta qalota da sequeuotac, qataq ñauane' da lchic na talapi, qataq na cachaxaicpi, qataq na maichi iuo' l'ecpi, qataq nam chigaqa'ague cam lÿa 'alhua. Qataq ñauane' nataq'en da lchic nam la ciudatpi, qataq naua n'onaxayi, qataq ana auaxai. Qataq ñauane' da lchic nam 'eetega qadqaÿañicpi, qalaxayi tenataxanaxaicpi.