1 Ts 2:13 - Nuevo Testamento Toba Sur

¹³ Qaq nachida da huo'o mshi sanaqtacot da qan'achiquiaxac ñi Dios, cha'ayi co'ollaq qan'axaÿaxañiÿa da l'aqtac ñi Dios mayi qami' sa'axataxama, nachi qau'amaqchiñi da ÿataqta 'eesa l'aqtac ñi Dios, da sa ishit qanqashiñi da l'aqtac ca chochi shiÿaxaua. Qaq damayi ÿataqta 'eesa l'aqtac ñi Dios, qaq ÿoqo'oyi ishit da huo'o ca naigui naq'en da nachaalataxac da qoñiita nam mashi da'amqajnataxan.

Nuevo Testamento Toba Sombrero Negro

¹³ Chane'eja da'me qo'mi, nach'e eta't da'me janemaĝam da'me qadamaic joñe'me Dios, yajouaĝat da'me auomachiiya ca'li ga'me qadapaĝaguenataĝanaĝac, jo'ne mach'e 'laqataqa ñe'me Dios, qama'le yataqata auacoñiyeguet ga'me, ja aueñetapega ta'le ch'e jiyaĝaua 'laqatac. Qa'a eja yataqata Dios mach'e 'laqataqa, qama'le yataqata eja 'uo joga'me ami chiyaqayilo, da'me ami jo'ne male yataqata eja auep'iiya'a.

La'aqtaqa Ñim Lo'onatac 'Enauacna 2013

¹³ Qaq nachera da huo'omshe sanaqtacot da qana'achecỹaxac Ñim Lo'onatac 'Enauacna, cha'aye co'ollaq qana'axaỹaxañiỹa da la'aqtac Ñimaye maye qami' sa'aqtaxanaxama, nache qaua'amaqchiñi da ỹataqta 'eesa la'aqtac Ñim Lo'onatac 'Enauacna, qaq saishet qanqa'eñi da la'aqtac ca choche shiỹaxaua. Qaq damaye ỹataqta 'eesa la'aqtac Ñimaye ỹoqo'oye nam ỹa'amaqten damaye, nache ishet da naralaxat da nachaalataxac.

1 Ts 2:13 Referans Kwoze

Hebreos 4:12

Cha'ayi da l'aqtac ñi Dios ÿataqta nca'altauec, qataq huo'o da l'añaxac. Qataq na llaxa napactelec ca ÿilonec mayi dos naua ala'pi. Qataq damayi ishit da ividau'a cam ÿataqta pa'auo saq cha'a nachaalataxac ca shiÿaxaua qataq som capegue' lqui'i, qataq ishit da ÿaateec naq'en ca lhuennataxac qataq da lavilÿaxac.

Romanos 10:17

Qaq ÿoqo'oyi da npi'iÿaxac chigoqchigui da 'axaÿaxanaxac, qaq dam qan'axaÿaxaatega, nachida da n'aqtaguec so Cristo.

1 Pedro 1:23

Cha'ayi qami' dalaxaic da qadañoxoqui. Qaq de'eda qadañoxoqui sa ishit da chigoqchiguilo caua yi'oqchiguilo qadta'alli' mayi taÿa'alo da imedeuo, cha'ayi nachida da l'aqtac ñi Dios mayi nca'altauec, qataq sa ishit da huo'o ca loga't.

1 Pedro 1:25

qalaxayi da l'aqtac ñi qadataxala' sa ishit da huo'o ca loga't. Qaq de'eda n'aqtac nachida da n'aqtaxanaxac mayi chigaqaigui da nca'alaxa dam qami' qai'axattapeguema.

1 Pedro 2:2

Qami' qoñiita'amo' ca nogotolec chita'ague da ñiguiñi da ÿataqta qansoxochi da l'aqtac ñi Dios mayi 'eeta'am ca ÿataqta ndoteec lchi' aca nate'e, yaqto' damayi qami' nañaxa't naq'en, qataq qami' ividaxata'alo da qanca'alliiuec.

Lucas 11:28

Qalaxayi somayi 'enapeco': –¡Qalaxayi ÿataqta ÿacteec da machiguiñi cam n'axaÿaxana dam l'aqtac ñi Dios qataq ÿalaxaguet!

Hechos 13:48

Nachi co'ollaq hua'axaÿa de'eda nam sa ishit da judiopi, nachi ÿataqta huo'o da ntonaxac. Nachi namayipi 'enac yi ÿataqta 'onaxaic da l'aqtac ñi qadataxala'. Huaña, nachi da'amqajnataxan nam nal'ena co'ollaxa da qaÿaqataxaatai' da yaqto' taÿot da nca'alaxa mayi chochaq tateec.

1 Juan 3:3

Qaq 'enauac nam huo'o da lpe'e somayi, namayipi ÿataqta nqui'itaxatta, 'eeta'am da 'eetec so Jesucristo da ÿataqta qui'itta.

Gálatas 4:14

Qaq se'eso ÿalolaxa mayi aÿim hueta'ac, somayi chochi ñi'iguenaxat. Qalaxayi ñaqaiyita qami' sa ishit da aÿim qau'otañi, qataq sa ishit da aÿim sa qauacoñiiguet. Chaqdata da qoñiita'am qanqashiñi aÿim ca chigaqshiguem Dios lamaxashic, qataq 'eeta'am qanqashiñi da nachaÿim Jesucristo.

2 Corintios 3:18

Qaq ÿoqo'oyi 'enauac da shinaqta mashi qaica som lapoxot na qadashic, nachi shinaqta'am aca tannaxai mayi 'edoigui naq'en da lli'oxoyic so qadataxala', qataq nachi ñiquigaqta'aguet da shinaqta'am so Cristo, cha'ayi dam lli'oxoyic somayi nachi qomi' nquigaxattrashigue'm. Qaq 'eda da 'eetec so qadataxala' da nachiso so Espíritu Santo.

Hechos 17:11

Qaq se'eso judiopi ÿataqta qaica ca ÿictega da n'axaÿaxan, qaq sa ishit da 'en'am nam netaña yi Tesalónica. Cha'ayi namayipi ÿataqta nqopita da n'axaÿaxana da n'aqtac. Ÿoqo'oyi 'enauaque naua na'axa'tesa'chi qaichimaxatta'pe naua ñiyigui'shi l'aqtaqa ñi Dios da huo'otaq ÿoqta 'eesa de'eda qai'axattac.

Colosenses 1:6

De'eda n'aqtac mayi qami' qai'axatema co'ollaxa, damayi ÿataqta nquictashiguem qataq huo'o da alaÿaxac 'enauaque naua 'ale'u, da 'eeta'am da qoñiita co'ollaq qan'axaÿaxañiÿa da lqouagaxanaqtaic ñi Dios, huaña, nachi qauaÿajñi da de'eda nqouagaxanaqtaic ÿataqta 'eesa.

Lucas 8:21

Qalaxayi somayi 'enapeco': –Cam n'axaÿaxanalo naua l'aqtaqa ñi Dios qataq ÿataqta i'o't, qaq nachaca aca ÿate'e, qataq ca ÿaqaÿañicpi.

Juan 17:19

Qataq souaxat namayipi nachi aÿim ÿataqta 'am ñañanot, yaqto' namayipi nataq'en ishit da 'am nañanot, chigoqchigui dam 'eesa lataxac.

Mateo 10:40

Ca qami' ÿacongueta, camayi nachaÿim aÿim ÿaconguet. Qaq ca aÿim ÿaconguet, camayi ÿaconguet ñim aÿim namaq.

Juan 17:17

Qaq 'auÿotauga qome namayipi, da yaqto' 'adalamaxatpi, 'auachigoxotchigui dam 'eesa lataxac; dam 'ad'aqtac mayi ÿataqta 'eesa.

Juan 15:3

Qaq qami' sogote da qami' qui'itte' souaxat naua ÿapaxaguenataxanaxaco mayi qami' sanema.

Lucas 8:11

Qaq 'eda da naigui som saloqnaxaatega, 'eeta': Aso nanguishi ala naigui da qai'axattac da l'aqtac ñi Dios.

Mateo 10:20

Cha'ayi sa ishit da nachiqami' da qautaqai. Cha'ayi som n'Espíritu ñi qadta'ai Dios, nachiso som qami' detaxaiguilo.

2 Pedro 3:2

Qami' qauennachiÿa'alo qome naua qami' i'axatema co'ollaxa som qui'itta l'aqtaxanaxanecpi ñi Dios qataq naua lapaxaguenataxanaxaco so qadataxala' qataq qadca'alaxaqui mayi qami' ÿapaxaguenque soua lamaxa'shi somayi.

Santiago 1:18

Ñimayi qomi' namaxalo da l'aqtac mayi i'axat da 'eesa lataxac da qomi' nca'alaxatreec, cha'ayi nshitaique da qomi' 'ico' l'auaxanqa ala na 'enauac l'onatac. Qaq damayi nachida da maichi lhuennataxac.

Hechos 17:32

Qaq co'ollaq qai'axaÿa de'eda 'eetec da qaltaq nca'aleec na leuaxaicpi, nachi huo'o na daÿalliguittac, qataq huo'o na laÿipi 'eeta': –Qaltaq ñi'axaÿaxanaxa de'eda qom qaltaq 'aupaquejlec da 'au'axat.

Hechos 16:14

Qaq huo'o aso 'oonole 'alo, l'enaxat Lidia, chigaqa'ague co'ollaxa da la ciudad Tiatira. Qaq asomayi imeetac ana ÿataqta no'on npotoyic nauedalec na ltogaxa. Asá'aso 'alo nachi 'eetai' da quetague' ñi Dios. Nachi asomayi n'axaÿaxaatac, nachi so qadataxala' ÿauatoigui da lquiyaqteÿaxac da yaqto' ÿaconguet dam i'axattac so Pablo.

Hechos 10:33

Qaq ÿoqo'oyi ÿataqta sa saÿaloxonai' da 'am samaxasoxona. Qaq nagui no'on, cha'ayi mashi 'anoviyi'. Qaq nagui qomi' souaqta'a ne'ena, sataqtau'a ca Dios, cha'ayi sauoqtaique da qomi' ñi'axaÿaxanaxa 'enauac cam 'am ÿamaxalec ñi qadataxala' da qomi' 'au'axatema.

Hechos 2:41

Huaña, nachi nam ÿalaxaguet da l'aqtaxanaxac so Pedro, nachi qanachilaxan. Nachi se'eso na'a'q nquigueec na da'amqajnataxan, cha'ayi huac da ivi' ca tres mil so shiÿaxauapi dalaxaicpi.

Hechos 8:14

Nachi soua Jesús lamaxa'shi mayi nejdaña yi Jerusalén co'ollaq ÿaÿate'n da na netaña yi Samaria i'amaqten da l'aqtac ñi Dios, nachi qaÿamaxa yimayi so Pedro qataq so Juan.

Lucas 5:1

Qaq huo'o so na'a'q so Jesús hueto'ot na loigue aso lapel late'edai mayi huaña yi Genesaret. Nachi ÿataqta qalota so anac shiÿaxauapi, ivitta'a da qanpataxagui somayi, cha'ayi somayipi huotaique da n'axaÿaxana da l'aqtac ñi Dios.

Hebreos 4:2

Cha'ayi qomi' nataq'en qomi' qai'axatema da n'aqtac mayi chigaqaigui da nca'alaxa, 'eeta'am da 'eetec somayipi da qai'aqtaxanem co'ollaxa. Qalaxayi somayipi sa ishit da huo'o ca naigui naq'en de'eda n'aqtaxanaxac, cha'ayi chochi n'axaÿaxaatega, sa ishit da i'amaqten.