1 Ts 2:11 - Nuevo Testamento Toba Sur

¹¹ Nataq'en qauaÿajñiite' qomi' co'ollaq qami' souaqta'agueta, qalaq se'enaxataqteguem ca shiÿaxaua da i'añaqchit qataq ÿanem da lamaiquiaxac ca llalec.

Nuevo Testamento Toba Sombrero Negro

¹¹ Nataq'aen auayachiñe da'me yataqata ami jañaĝadijeguem, chayovida'a da'me yataqata ami jichoĝodenaq, onolqa'tape da'me ami, ena'am ga'me net'a nale ee'teque gaa'me c'oqo'te.

La'aqtaqa Ñim Lo'onatac 'Enauacna 2013

¹¹ Nataqa'en qauaỹaañite' qomi' co'ollaq qami' souaqta'agueta, qalaq se'enaxataqteguem ca yo'oqchigui nta'a da huo'o ca ỹo'otec ca llalec. Qami' sa'añaqchetaqta'ape, qataq qami' sanaxama da qaramaicỹaxaqui.

1 Ts 2:11 Referans Kwoze

Hebreos 13:22

Qami' ÿaqaÿa't, qami' ñachoxodeetoiguilo da ÿataqta qan'añaxachiiguet da ÿaqataxac da qoñiita, cha'ayi saq 'amaqtaq da shiyiñi i'aqtac mayi qami' samaxalo.

1 Timoteo 5:21

Da ÿaqataxac 'am sami' nagui ÿataqta qomi' ÿauaachiguilo ñi Dios qataq so qadataxala' Jesucristo nataq'en na chigaqshiguem Dios lamaxashicpi lca'aguishicpi. Ÿataqta 'aualaxalco' qome da ÿaqataxac. Sa ishit da huo'o ca 'aumatalec da 'adauotaxat, qataq sa 'alca'agui na ÿale.

2 Ts 3:12

Que'eca shiÿaxaua samaxasoxonaxalec qataq saqataxa, cha'ayi qomi' lamaxa'shi so qadataxala' Jesucristo, da ÿataqta do'onataxan, saqca ca taÿapigui lauel, yaqto' ishit da nauec ca lhuenec.

1 Ts 5:11

Ÿoqo'oyi qantauñiÿa't, qataq ñi 'oonolec i'añaqchit ca lÿa. Qaq de'eda mashi qau'ochiitac, nachida qoquiitot.

1 Ts 2:7

Nachaqdata da qomi' huosotte' da qadsoxosoxonaxac da qoñiita, shinaqta'am aca 'alo da ÿataqta ÿaÿaten da ilo'ogue ca llalcolec.

Tito 2:15

Qaq 'eda qome da 'auapaxaguenataxanec. Ÿataqta 'au'añaqtaxan, qataq 'anloqteneec ca shiÿaxaua. Ÿataqta sa 'aldetalec da 'au'axat de'eda, yaqto' sa ishit da 'am qanamattaña.

Tito 2:6

Nachi 'en'am 'au'añaqchit na nsoxotpi, yaqto' ishit da nloteec.

1 Timoteo 6:17

Qaq camayi hueto'ot da yi'oqchigui nsallaxa, qonapega da sa ishit da n'amqajnaxaic, qataq sa ishit da pe'etega da nsallaxa, cha'ayi damayi saq 'eetai'. Chaqdato' da ÿachito'ot ñi Dios da naquitaxac. Cha'ayi ñimayi mayi nca'altauec, qataq qomi' ÿanema 'enauac na qadhueneguesat, chochaq huañi naq'en, yaqto' ishit da ñitonaqtapigui'.

1 Timoteo 6:13

Qaq nagui qomi' ÿauaachiguilo ñi Dios mayi chigoqtacot da lca'alaxa 'enauacna, nataq'en ñi Jesucristo mayi i'axat da lpi'iÿaxac co'olloxochi qaÿataxaato'ot so nta'a Poncio Pilato. Ÿoqo'oyi nagui 'am shinapega

1 Timoteo 6:2

Qaq ca namaxashic da huo'otaq huo'o ca n'aco' 'amqajnataxanaxaic, qalaq sa ishit da huo'otaq sa ÿalaxalec, lamaaxa da da'amqajnataxan. Chaqdata da ÿataqta huelec da lalaxayic, cha'ayi ca do'onataxaatacot, 'eeta'am l'amqajnataxanaxaua, qataq ÿataqta nauochaxaua lqaÿa. Qaq de'eda shiitega ÿataqta 'auapaxaguenataxanec qataq 'au'axat.

1 Timoteo 5:7

Ÿoqo'oyi 'auamaxasoxoolec de'eda shiitega, yaqto' aca pa'ai sa ishit da huo'otaq sa ÿaÿamaxañi ca n'aqtaguec.

1 Ts 4:1

Qaq nagui, qami' qadqaÿa't, qami' sedoxolguete da l'enaxat so qadataxala' Jesús da ñachoxodenaqtoto da qami' saqataxalo da qoquiitelec da lataxac dam qami' sapaxaguenaxaque achaalataxac mayi ÿaÿamaxadeeta ñi Dios. Nachida qome qoquiitot da qanqochiñiita'aguet.

Hechos 20:2

Nachi quetaguilo 'enauaque se'esoua 'ale'u, ÿataqta qalota da l'añaqtaxanaxac da i'añaqchittac na 'amqajnataxanaxaicpi, chochi ivitta'a yi Grecia.

Tito 2:9

'Auqata na n'onataxanaxanecpi da ÿataqta ÿalaxaguet 'enauac na l'aqtac ca n'aco'. Chaqdata da qaÿaÿamaxadeetac, qataq sa ishit da taxaÿaxaic.

Efesios 4:17

Qaq cha'ayi aÿim ñi'attau'a so qadataxala', ÿoqo'oyi qami' shinapegalo qataq qami' saqatalo da sa ishit qome da qoñiita'am da lataxac nam sa ishit da ÿauatton ñi Dios mayi quetagueto nam lhuennataxaco mayi qaica ca naiguilo,

Lucas 16:28

yim netraña caua cinco ÿaqaÿa't, da yaqto' da'aqtaxanema, yaqto' caamayi sa ishit da nada nataq'en ne'ena que'ejnaqa'.

1 Ts 4:6

Sa ishit da huo'o ca napacapeguelec qataq ÿatenachit ca lqaÿa, cha'ayi so qadataxala' Jesús ÿataqta sa naloqnañi da nhuaxanaguec 'enauac na i'ottac de'eda. Qaq damayi sogote da qami' sovitaxanaqtegalo.

1 Ts 5:14

Nataq'en qami' qadqaÿa't, qami' saqataxalo da ÿataqta qoñiÿapega na sa ishit da do'onataxan, qataq qau'añaqchichi na sa da'angui yi lauel, qataq qautauañi na sa da'añi da lpi'iÿaxac, qataq qanhualaxauñi' 'enauac na shiÿaxauapi.

3 Juan 1:4

Qaica ca lÿa ÿacteec naq'en da ñitonaxac da huo'otaq aÿim saÿaten da na ÿalaqpi huetaigui da i'ottac da n'aqtac mayi ÿataqta 'eesa.

2 Ts 2:5

¿Sa ishito' da qantouñiita'ac da sa'axattac de'eda co'ollaq aÿim qami' soota'agueta?