1 Ts 1:8 - Nuevo Testamento Toba Sur

⁸ Cha'ayi qami' chigoqtoiguilo da huo'o mshi saqaÿoqtegue da n'aqtaguec so qadataxala' Jesús. Qaq sa ishit da chaqyita yi Macedonia qataq yi Acaya. Nataq'en na shiÿaxauapi mayi netalguete naua saqaÿoqtalo 'ale'u, namayipi ÿaÿaten da huo'o da qadpi'iÿaxaqui ñi Dios. Qaq ÿoqo'oyi qomi' sa iuen da qaltaq sa'axataq de'eda.

Nuevo Testamento Toba Sombrero Negro

⁸ Qama'le ami chiyaqauelo ga'me 'laqatac joñe'me Jaliaĝanec jo'ne male nelagaĝategue, male ja onolec di'me Macedonia nataq'aen na'me Acaya, male yema jena'me aleua qoyayaten, yataqata qoyayaten da'me eeta da'me auep'iiya'a joñe'me Dios, qama'le nayi male qaya'te qat'aqatac ta'le ami ja'aĝataqatac.

La'aqtaqa Ñim Lo'onatac 'Enauacna 2013

⁸ De'era na'aqtaguec So Jesucristo maye qaua'axacheetac, damaye saishet da nachaqnauate' naua saqaỹapigui 'aleu' da ivira'alo, maye nataqa'en ivira'a na qalota shiỹaxauapi maye netaleguete naua qaỹoqtalo 'aleu'. Qaq ne'ena shiỹaxauapi maye hueta'alo ne'enaua 'aleu', mashe ỹaỹaten da huo'o da lta'araic qarpi'iỹaxaqui Ñim Lo'onatac 'Enauacna, qaq ỹoqo'oye qomi' sa iuen da qami' sa'axataqta'ape.

1 Ts 1:8 Referans Kwoze

Romanos 1:8

Qaq aÿim sa'auaxaachiguiñi da sachigoxotchigui so Jesucristo da sanot da ñi'achiquiaxac ñi ita'a Dios souaxat da qoñiita 'enauac, cha'ayi 'enauaque na laÿil qan'aqtaxaatapigui da qadpi'iÿaxaqui.

Apocalipsis 14:6

Ime, qataq sela'a so lÿa namaxashic piguem l'ec, huaÿotac, hueto'ot na piguem, ÿachitac so n'aqtaxanaxac mayi qaica ca loga't mayi chigaqaigui da nca'alaxa, da yaqto' da'aqtaxanem 'enauac nam netalec ana 'alhua ÿotta'a't shiÿaxauapi mayi ÿotta'a't na l'aqtacpi.

3 Juan 1:12

'Enauac na shiÿaxauapi ÿataqta no'on da l'aqtaxanaxac da i'axattac ca Demetrio. Nataq'en da n'aqtac mayi ÿataqta 'eesa, damayi i'axat da no'on lataxac camayi. Qaq qomi' nataq'en sa'axataqtac, qataq qami' qauaÿajñiita da de'eda qad'aqtac ÿataqta 'eesa.

2 Ts 1:4

Qaq ÿoqo'oyi qomi' ÿataqta saqalota da qayi'oxonnataxanaxa da qoñiita da sa'aqtaxanaqtapeguem nam i'amaqten ñi Dios, souaxat da qanhualaxaunaxaqui qataq da qadpi'iÿaxaqui, nai'ctaxa da qoviitangui 'enauac na qancanaguiiqui qataq na qanque'ejnaxaqui.

2 Ts 3:1

Qaq da pa'ateec qad'aqtac, qami' qadqaÿa't, qanqouagaxauñiilguete qome qomi', yaqto' da l'aqtac so qadataxala' saqaÿaloq da ivideuga 'enauac na shiÿaxauapi da ÿi'oxoden. Nachi 'en'am co'olloxochiyi da qoñiita.

Apocalipsis 22:17

Qaq so Espíritu Santo qataq aso huotaique da lhua so qagueta llalec 'eeta': –Ña 'auanac. Qaq cam hua'axaÿa de'eda n'aqtac, qaq nataq'en 'eeta': –'Auanac. Qaq cam ilem na laquip, qaq da nshapeque da nÿom, qaq no'on da anac, nachi nÿomgui ca 'etaxat mayi chigaqaigui da nca'alaxa. Qaq camayi chochi qoÿaachi'.

Romanos 16:19

Qaq 'enauac qaÿaÿaten da qami' ÿataqta qaualaqai. Ÿoqo'oyi aÿim ÿataqta samachiguiñi. Qalaxayi ñishitaique da ÿataqta qami' lhuotte' da qau'ochi ca no'on, qaq cam qauem qalaxayi sa ishit.

2 Corintios 3:4

Qaq ÿataqta saÿajnaqta de'eda, chigoqchigui so Cristo da qadpi'iÿaxac ñi Dios.

1 Corintios 14:36

Qami' qauennachiÿa'a da sa ishit da nachiqami' chigoqchiguilo da l'aqtac ñi Dios, qataq sa ishit da nachiqamita da qauacoñiiguet damayi.

Hechos 18:12

Qalaxayi so na'a'q co'ollaq lta'a nam netaña yi Acaya so l'enaxat Galión, nachi na judiopi huaxaÿa't da qanpa'aguena so Pablo. Nachi qaÿaconeu'a somayi da qaÿauegueu'a aca l'onataxanaxaqui so nta'a.

Romanos 15:26

Cha'ayi nam Macedonia l'ecpi qataq nam Acaya l'ecpi mashi huo'o da lhuennataxa da i'ot aca ltaunaxanaqte da ÿauotaique da ÿamaxa cam qadqaÿañicpi choxodaqpi mayi netaña yi Jerusalén.

2 Corintios 2:14

Qaq ÿoqo'oyi qomi' sanqot da qan'achic ñi Dios ñim chigoqchigui naq'en so Cristo Jesús da qomi' 'añaxaiqa, qataq chigoqchiguilo naq'en qomi' da qaÿaÿaten da n'aqtaguec somayi. Qaq damayi 'en'am da no'on alaitaÿaxac mayi huaÿoxoneec 'enauaque naua 'ale'u.

Colosenses 3:16

Qataq da lapaxaguenataxanaxac so Cristo ÿataqta nlaqchiguilo qome naq'en naua qadquiyaqchilli'. Qataq ÿataqta qanaÿajnaxanaqchiñi da qauapaxaguiñi qataq da qau'añaqchichi ca qadÿai. Qataq da qau'onaxañi, qalaq qau'oñi na ÿotta'a't n'onecpi mayi chigoqo'ot so Espíritu Santo. Qataq ÿataqta imauec da qadquiyaqteÿaxaqui da qai'añiitacot da qan'achiquiaxaqui ñi Dios.

1 Timoteo 2:8

Ÿoqo'oyi ñishitaique da 'enauac na ÿallippi da nqouagaxauen, qalaq ÿachaxaatrashigue'm naua lhua'q. Qalaxayi ÿataqta iqui'itaxatte' naua lquiyaqte, sa ishit da huetacot ca lalemataic, huo'otaq da ncotatague' ca lÿa.

2 Timoteo 2:9

Qaq nachida da huo'o mshi huo'o da ñique'ejnaxac, chochi sovitta'a da aÿim qaicoñittai', shiita'am ca qalota na lasouaxashit. Qalaxayi da l'aqtac ñi Dios sa ishit da qaicoñittai'.