1 Ts 1:7 - Nuevo Testamento Toba Sur

⁷ Qaq nachida da 'eetec da huo'o mshi qami' ilolguete qataq qami' i'enaxa't 'enauac nam 'amqajnataxanaxaicpi mayi netalguete yiua 'ale'u Macedonia qataq yi Acaya.

Nuevo Testamento Toba Sombrero Negro

⁷ Qama'le naq'aeta da'me ami yelolo'te ca'li yema joga'me p'etaqadaiquipi 'me 'lachaqa't di'me aleua jo'ne Macedonia, chayovida'a jena'me jenjo' Acaya.

La'aqtaqa Ñim Lo'onatac 'Enauacna 2013

⁷ Ỹoqo'oye qaviyiỹa'a da qami' laloqnaxanaqa'ate 'enauac nam quetague' So Jesucristo maye hueta'a ye 'alhua Macedonia qataq ye Acaya.

1 Ts 1:7 Referans Kwoze

Tito 2:7

Qataq 'am ÿataqta 'auachaxana namayipi ca no'on n'aqtaguec da 'ad'onataxanaxac. Da 'auapaxagueetac, sa ishit da huo'o ca camachaqca 'oxottapiguiñi. Chaqdata da sa 'auasaguettac.

1 Pedro 5:3

Qataq sa ishit da qami' maxasoxonaxaiqa da qami' qauamaqaitac nam qami' qaipataxalguete 'amqajnataxanaxaicpi. Chaqdato' da qami' laloqnaxanqa'te namayipi,

1 Timoteo 4:12

Qataq 'antel-la't, yaqto' sa ishit da 'am qanamattaña, souaxat da ñaq 'am nsoqolec. Chaqdato' da 'am laloqnaxanaxat na 'amqajnataxanaxaicpi souaxat da ÿaÿamaqchiguiñi 'adtaxaÿaxac, qataq da no'on 'iquiaxac, qataq da 'adsoxoyic, qataq da 'adataxac, qataq da 'adpi'iÿaxac, qataq da qui'itta n'aqtaguec da 'anachaalataxac.

1 Ts 1:8

Cha'ayi qami' chigoqtoiguilo da huo'o mshi saqaÿoqtegue da n'aqtaguec so qadataxala' Jesús. Qaq sa ishit da chaqyita yi Macedonia qataq yi Acaya. Nataq'en na shiÿaxauapi mayi netalguete naua saqaÿoqtalo 'ale'u, namayipi ÿaÿaten da huo'o da qadpi'iÿaxaqui ñi Dios. Qaq ÿoqo'oyi qomi' sa iuen da qaltaq sa'axataq de'eda.

Hechos 16:12

Qaq huaña yimayi, nachi saxague da Filipos. Qaq ÿataqta ndochiguiñi na chigaqa'ague da Roma na netalec da ilotague' yimayi, qaq nachiyi yim la ciudad mayi ÿataqta ÿi'oxodaic yim 'alhua Macedonia. Huaña yimayi, nachi ÿataqta huo'oi soua na'axa'te da souaqta'a.

2 Corintios 1:1

Aÿim Pablo, de'eda ñamaxasaguec chigoqtot ñi Dios da ÿauo'o aÿim lamaxashic naq'en so Jesucristo. Aÿim hueta'aguet ñi qadqaÿa Timoteo. Qaq nagui qami' samaxalo ana ÿide, qami' ÿaqaÿañicpi mayi qau'amqchiñiitac ñi Dios, mayi qoñiitaña na la ciudad Corinto, qataq nataq'en 'enauac na lalamaxatpi ñi Dios mayi netalec yi 'alhua Acaya.

Hechos 1:13

Qaq co'ollaq ivildeu'a yi la ciudad, nachi tayishiguemec ca pa'ashiguem ca noÿic mayi lanataqa't. Qaq na l'enqa'te soomayi: Pedro, Santiago, Juan, Andrés, Felipe, Tomás, Bartolomé, Mateo qataq so Santiago, Alfeo llalec, qataq so Simón mayi chigaqaigui na cananistapi, qataq so Judas mayi lqaÿa so Santiago.

1 Ts 4:10

Qataq nachi 'eetai' da qami' nachi qoñiita'ac 'enauac na qad'amqajnataxanaxauapi mayi netaña yi 'alhua Macedonia. Qalaxayi qami' qadqaÿa't, qami' ñachoxodenaqtoto da qoquiitot damayi da qanqochiñiita'aguet.

2 Corintios 9:2

Cha'ayi aÿim mashi ime da sauattoota da qami' sa ishit da huo'o ca qai'iquiitega. Qaq ÿoqo'oyi aÿim naxa ÿataqta huo'o da ÿi'oxonnataxanaxac da qoñiita ne'ena soota'a Macedonia, da qami' mayi qoviita'a na Acaya da nal'ena so lÿa vi'i da qauauoitaique aca qadtaunaxanaqchi. Qaq ÿoqo'oyi qalota nam lma' na Macedonia na huo'o da l'añaxac souaxat da qoñiita.

Hechos 18:1

Qaq co'ollaq ime de'eda, nachi so Pablo ca'ai yi Atenas da taigue da la ciudad Corinto.

Hechos 18:12

Qalaxayi so na'a'q co'ollaq lta'a nam netaña yi Acaya so l'enaxat Galión, nachi na judiopi huaxaÿa't da qanpa'aguena so Pablo. Nachi qaÿaconeu'a somayi da qaÿauegueu'a aca l'onataxanaxaqui so nta'a.

Hechos 19:21

Qaq co'ollaq ime de'eda, nachi so Pablo huo'o da lhuennataxa da taigue da Macedonia qataq da Acaya, qataq nachi huotaique da ivida'a yi Jerusalén. Qataq huotaique da huo'otaq imat yi Jerusalén, nachi taigue da Roma.

Romanos 15:26

Cha'ayi nam Macedonia l'ecpi qataq nam Acaya l'ecpi mashi huo'o da lhuennataxa da i'ot aca ltaunaxanaqte da ÿauotaique da ÿamaxa cam qadqaÿañicpi choxodaqpi mayi netaña yi Jerusalén.