1 Ts 1:5 - Nuevo Testamento Toba Sur

⁵ Cha'ayi qomi' co'ollaq qami' sa'axataxama da n'aqtac mayi chigaqaigui da nca'alaxa, qalaq sa ishit da ndoxoiqa naua qadtaxaÿaxac. Cha'ayi qomi' hueta'agueta da l'añaxac so Espíritu Santo, qataq saÿajnaqta da ÿataqta 'eesa dam sa'axataqtac. Qataq qami' ÿataqta qauaÿajñiita da qadataxac no'on co'ollaq qami' souaqta'agueta. Qaq damayi naigui da maichi qanaÿamaxataxaqui.

Nuevo Testamento Toba Sombrero Negro

⁵ Qa'a ca'li ami ja'aĝataĝama jena'me jenjo' 'noota, ja nach'edata da'me ch'e jojaqatac, dite da'me nach'e ena'am auec'achiñe joga'me jauoqo, da'me jaloĝonaq da'me lañoqotaĝanaĝac joñe'me Dios, nataq'aen da'me lajoĝonataĝanaĝac joñe'me Dios Lepaqal, nataq'aen da'me t'adaic lichoĝodenataĝanaĝac joñe'me. Qalaĝaja jena'me jenjo' joote auayachiñe ca'li ami jouaqatauelo, qama'le joote auec'achiñe da'me yataqata ami jecochaĝalo.

La'aqtaqa Ñim Lo'onatac 'Enauacna 2013

⁵ Cha'aye co'ollaq qami' sa'aqtaxanaxama da no'on na'axaỹaxac qalaq saishet da ndotre'c naua qara'aqtaqa. Nachaqrata da co'ollaq qami' souaqta'agueta qalaq qami' sachaxanaxalo da qomi' hueto'oto da la'añaxac Ñim Lo'onatac 'Enauacna qataq So Saqcha'a Na'añaxac Qui'itta da do'onataxaatapoigui da shenaqta, qaq damaye naigui da maiche qanaỹamaxataxaqui.

1 Ts 1:5 Referans Kwoze

Marcos 16:20

Nachi soomayi je'c da i'axa't da n'aqtac mayi chigaqaigui da nca'alaxa 'enauaque naua laÿil. Qaq som qadataxala' itauaata'pe soomayi da ÿataqta ipacchiguilo naq'en naua l'aqtaxanaxaco, qataq da ÿachaxan na n'anecpi mayi sa qaÿauanapigui. Aja', nachi 'eetec de'eda.

1 Ts 2:13

Qaq nachida da huo'o mshi sanaqtacot da qan'achiquiaxac ñi Dios, cha'ayi co'ollaq qan'axaÿaxañiÿa da l'aqtac ñi Dios mayi qami' sa'axataxama, nachi qau'amaqchiñi da ÿataqta 'eesa l'aqtac ñi Dios, da sa ishit qanqashiñi da l'aqtac ca chochi shiÿaxaua. Qaq damayi ÿataqta 'eesa l'aqtac ñi Dios, qaq ÿoqo'oyi ishit da huo'o ca naigui naq'en da nachaalataxac da qoñiita nam mashi da'amqajnataxan.

1 Pedro 1:12

Qalaxayi ñi Dios ÿaÿajnaxanaxanec somayipi da de'eda huetapegue' sa ishit da lalamaxat, cha'ayi damayi qaÿauotaique da qomi' talguete. Qaq ÿoqo'oyi nachida da qami' qai'axattapeguema dam qami' i'axatema nam i'añaqchit so Espíritu Santo mayi chigoqo'ot na piguem mayi i'axattac da n'aqtaxanaxac mayi chigaqaigui da nca'alaxa. Qaq damayi nataq'en nachida da nshitaique da ÿaÿateeta co'ollaxa nam chigaqshiguem lamaxashicpi ñi Dios.

2 Ts 2:14

Qaq nachida da huo'o mshi qami' iÿaxanalo ñi Dios, nshitaique da qauacoñiiguet da nca'alaxa mayi chigaqaigui da n'aqtac dam sa'axataqtac. Nataq'en nshitaique da qanhuañiÿau'a da lli'oxoyic so qadataxala' Jesucristo.

Colosenses 2:2

Qaq huo'o da ñiloquiaxac, cha'ayi ñishitaique da namayipi da'añi da lquiyaqteÿaxac, qataq ntaungui da nsoxoyic, qataq qaica ca iueetac dam aquitaxac mayi chigaqaigui da nauattonaxanaxac, da yaqto' ÿauattoota dam saq cha'a mayi ÿachaxan ñi Dios, mayi nachiso so Cristo.

1 Corintios 4:20

Cha'ayi da l'onataxanaxac ñi Dios da ilo'ogue 'enauacna sa ishit da chochi ndoxoiqa naua n'aqtaqa. Cha'ayi damayi ÿataqta n'añaxac.

Efesios 3:20

Qaq ÿoqo'oyi nagui qaÿi'oxoden qome ñi Dios ñim 'añaxaic mayi ishit da ÿacteec naq'en da qomi' ÿanema cam seÿaxanaqaique, huo'otaq cam tatapigui yi qadhuel, da chigoqchigui naq'en da l'añaxac mayi do'onataxaatapoigui da qanachaalataxac.

Romanos 1:16

Cha'ayi aÿim sa ishit da yicoqtapeguelec da no'on qad'axaÿaxac, cha'ayi damayi l'añaxac ñi Dios mayi ishit da nca'alaxateec 'enauac cam i'amaqten. Hua'auchiguiñi na judiopi da qanca'alaxateec. Ime, qataq jec na saq judío l'ecpi.

Hechos 11:21

Nachi dam l'añaxac so qadataxala' ÿataqta hueta'aguet namayipi, qaq ÿoqo'oyi ÿataqta qalota na ÿaxaneec da toguishic l'amqajnataxanaxac, nachi i'amaqten so qadataxala'.

2 Timoteo 2:10

Ÿoqo'oyi ñi'añaxateguet 'enauac na chochina, cha'ayi ñishitaique da na Dios lca'aguishicpi ividauga da nca'alaxa mayi ÿapac da lyaquiaxac qataq chochi tateec. De'eda nca'alaxa qomi' taÿoto, cha'ayi mashi ñi'adaqtau'a so Cristo Jesús.

2 Timoteo 2:8

Sa ishito' qome da 'aucoua'ai so Jesucristo mayi chigoxoguet so nta'a David. Somayi Dios nca'aleec naq'en. Qaq 'eda da n'aqtac mayi chigaqaigui da nca'alaxa mayi sa'axattapeguec.

Filipenses 4:9

Qataq ÿataqta qau'ochi qome 'enauac nam qami' sapaxaguenque, qataq nam ÿaqataxacpi mayi qami' sanema, qataq nam i'aqtacpi mayi qau'aqaichigui, qataq nam so'otpi mayi qauauañiichigui. Nachina qau'ochi qome. Qaq ñim Dios mayi chigoqo'ot da nlagaxayic qami' hueta'agueta qome.

2 Pedro 1:10

Qaq ÿoqo'oyi qami' ÿaqaÿañicpi, cha'ayi mashi ime da qami' iÿaxanalo ñi Dios qataq qami' lca'agui'shi, qaq ÿataqta qanpogoxoiñiÿapegue' de'eda da ÿataqta qami' ñaxatoiguilo. Cha'ayi da nachi qoñiitec de'eda, nachi sa ishit qome da qoviÿañi.

1 Pedro 1:3

Ÿataqta shi'oxodenaq qome ñi qadta'a Dios ñim lta'a so qadataxala' Jesucristo. Cha'ayi ñimayi ÿachigoxotchigui dam lta'adaic lchoxonnataxanaxa da qaltaq qomi' nañaxa't naq'en, ÿachigoxotchigui so Jesucristo co'ollaq nca'aleeguesop naq'en da nleuaxa. Qaq 'eda da chochaq tateec naq'en da qanaquitaxac,

Hebreos 6:11

Qalaxayi qomi' sauoqtaique da ñi 'oonolec da qoñiita quetot qome da n'añaxataxac, chochi ivitta'a ca loga't, yaqto' ÿataqta ipacchigui 'enauac cam qanaquichiitaique.

Filipenses 2:13

Cha'ayi ñi Dios nachiñi ñi qami' ÿanema cam ÿaÿamaqchiguiñi mayi qoñiitapeguec, qataq qami' itauanque da ña qaumachiita 'enauac. Qaq damayi maichi chigoqchigui ñimayi.

Efesios 2:10

Cha'ayi ñi Dios qomi' l'onataqa, qataq qomi' nañaxateu'alo naq'en so Cristo Jesús, cha'ayi nshitaique da so'otaq ca ÿaÿamaqchiguiñi. Qaq damayi nal'eno' da lapaqtapiguiñi da ÿauotaique qoyiquiaxac.

Gálatas 5:5

Cha'ayi qomi' sachigoxotaqchigui so Espíritu Santo qataq dam qadpi'iÿaxac da huo'o mshi qomi' huo'o da qanaquitaxac da ishit da qomi' ÿaÿamaxadeete' ñi Dios.

Gálatas 2:2

Qaq saigue damayi, cha'ayi ñi Dios ÿauo'o co'ollaxa da ÿauanaqchic, da yaqto' aÿim saigue damayi. Qaq co'ollaq huaña yi Jerusalén co'ollaq huaigui so ÿaqauga ltaxaÿaxac som nachi 'eetai'salo da nataxala'te, nachi sa'aqtaxaatapeguema da 'eetec dam n'aqtac mayi sa'axattapeguem nam saq judiopi. Qaq so'ot de'eda, cha'ayi sa saÿamaxaden da qaica ca naigui dam mashi semat qataq ñaq shicto'ot da so'ottac nagui.

2 Corintios 3:6

Cha'ayi ñimayi maichi chigoqchigui da qomi' nalau'alo naq'en da so'onataxanaxau'a dam dalaxaic aÿamaxataxac mayi saq 'en'am da qaÿalaxaguet ca chochi ñiyiguishic, cha'ayi damayi nachida da dalaxaic achaalataxac mayi chigoqo'ot so Espíritu Santo. Na nqataxacpi mayi qoÿittañi, namayipi i'ot da nalaataguec ca shiÿaxaua, qaq so Espíritu Santo, qalaxayi ÿan da achaalataxac.

1 Corintios 10:33

Qaq aÿim ÿataqta ñipogoxoueetague' da 'enauac qaÿaÿamaxadeeta ca so'ot. Qaq sa ishit da maichi ñimittaique ca ÿaÿamaxa. Chaqdata da ñishitaique da saÿamaxajñi ca iÿa, yaqto' ishit da qanca'alaxateec.

1 Corintios 3:16

¿Qami' sa qauaÿajñiÿo' da qoñiÿa'am da qami' lauo' ñi Dios, qaq so Espíritu Santo mayi chigoqo'ot ñimayi qami' netaiguilo?

1 Corintios 3:6

Aÿim saañi co'ollaxa da n'onataxanaxac, qaq so Apolo anac da icodelec, qalaxayi ñi Dios mayi i'ot da lañaxataxac.

1 Corintios 1:24

Qalaxayi nam lÿaxanataguishicpi ñi Dios judío l'ecpi, huo'otaq nam saq judío l'ecpi, namayipi ÿauattoota so Cristo da nachiso so l'añaxac qataq laÿajnec ñi Dios.

Romanos 2:16

que'eca pa'ateec na'a'q, qom ivita da ñi Dios chigoqchigui naq'en so Jesucristo da nmi't nam saq cha'alo lhuennataxaco 'enauac na shiÿaxauapi. Nachi ÿataqta ipacchigui qome de'eda sa'axattac n'aqtac mayi chigaqaigui da nca'alaxa.

Hechos 16:14

Qaq huo'o aso 'oonole 'alo, l'enaxat Lidia, chigaqa'ague co'ollaxa da la ciudad Tiatira. Qaq asomayi imeetac ana ÿataqta no'on npotoyic nauedalec na ltogaxa. Asá'aso 'alo nachi 'eetai' da quetague' ñi Dios. Nachi asomayi n'axaÿaxaatac, nachi so qadataxala' ÿauatoigui da lquiyaqteÿaxac da yaqto' ÿaconguet dam i'axattac so Pablo.

Hechos 2:33

Qaq ÿoqo'oyi somayi ñi Dios ÿacoosop da ÿaueegue da piguem, idolec na lhuaq aloic. Huaña, nachi somayi ÿaconguet so Espíritu Santo mayi ÿachaxanapeguem co'ollaxa ñi lta'a da ÿanem. Qaq 'enauac de'eda qauauañiichigui qataq qau'aqaichigui, damayi chigoqo'ot somayi.

2 Pedro 1:19

Qalaxayi nataq'en huo'o da lÿa ÿataqta 'eesa, damayi nachida da l'aqtaxanaxac som l'aqtaxanaxanecpi ñi Dios mayi qoÿittañi. Qaq qami' no'on qom ÿataqta qauloiteguet de'eda n'aqtaxanaxac, nachi damayi 'eeta'am aca ncoÿadaxanaxaqui da icoÿadelec cam napalaxa, chochi ivitta'a da yaqta'a yi'oxoñi, nachi nnoxooshiguem aca yi'oxoñi lalaqte huaqajñi, nachi icoÿadelguete naua qadquiyaqchilli'.

1 Pedro 5:3

Qataq sa ishit da qami' maxasoxonaxaiqa da qami' qauamaqaitac nam qami' qaipataxalguete 'amqajnataxanaxaicpi. Chaqdato' da qami' laloqnaxanqa'te namayipi,

Hebreos 10:22

Qaq ÿoqo'oyi qomi' ishit da ñiquigaxau'a ñi Dios, qalaxayi ÿataqta huesote' ñaq'enaq naua qadquiyaqte, qataq ÿataqta 'eesa ñaq'enaq da qadpi'iÿaxac. Cha'ayi ñimayi mashi iqui'itaxatte' naua qadquiyaqte, yaqto' qomi' sa ishit da 'eeta'am da ñaq huo'o ca qadasouaxashit qataq mashi sogote da qaiÿota da qad'oquiaxac, qaÿauota'a na ndoteec 'etaxat.

Lucas 1:1

Cha'ayi mashi qalota na shiÿaxauapi mayi ÿacoolec da ÿachigoxottot so hua'auchiguiñi da ÿiyiñi 'enauac na qai'otpi mayi qomi' huanguilo.

Romanos 15:13

Qaq ñi Dios mayi qomi' ÿanema da qanaquitaxac qami' nlaxatchiguilo qome da qantonaxaqui qataq da qadlagaxayiqui souaxat da qau'amaqchiñi ñimayi, da yaqto' chochaq huañi da qanaquitaxaqui souaxat da l'añaxac so Espíritu Santo.

1 Corintios 9:14

Qaq 'eda da lqataxac nataq'en so qadataxala' da ca i'axattapeguec da n'aqtac mayi chigaqaigui da nca'alaxa, camayi ishit da deque'etapigui da l'aqtaxanaxac.