1 Timoteo 6:9 - Nuevo Testamento Toba Sur

⁹ Qalaxayi na nshitaique da sallaxanec, sa ishit da nalo'oguet ca ñi'iguenaguec, ivitta'a da 'ico' lpachigui na saqalota lqopitaxanaqtaicpi mayi qaica ca naigui. Namayipi ishit da n'aqchit ca shiÿaxaua, qataq 'ico' iyiiñi naq'en, qataq ividaxatta'a da nlaxajñi.

Nuevo Testamento Toba Sombrero Negro

⁹ Qalaĝaja jogaa'me jetaque neuoyaĝadi, yataqata ja naloteguet joda'me napiyenague'j, qama'le tadoue joga'me 'lonaĝanaĝaiqui joñe'me ja yataĝalegue, male ja onolec ga'me yepiteda'a, chayovida'a qom yataqata ja no'en. Qama'le nach'eda da'me dojo' yajouaĝa't gaa'me jiyaĝadipi da'me tadoue ga'me lachoĝode'j let'adaic nataq'aen jena'me neleuaĝa.

La'aqtaqa Ñim Lo'onatac 'Enauacna 2013

⁹ Qalaxaye cam nda'a't da iuennatega da nsallaxa, nache camaye lqoiñiguishec so pa'aguenataxanaxaic. Ivitta'a da lpachigui na qalota lqopitaxanaqtaicpi maye qaica ca naigui, qataq na'aqchet, nache iviraxatta'a da ỹataqta nlachiguiñi.

1 Timoteo 6:9 Referans Kwoze

1 Timoteo 3:7

Nataq'en iuen da no'on da n'aqtaguec naq'en na saq 'amqajnataxanaxaicpi, yaqto' sa ishit da sa qaÿauo'o ca 'enec qanqoÿin, yaqto' sa ishit da ilamqa'aguet ca lqoinaxanaxac so shiÿaxaua lma'na.

Hechos 8:20

Nachi so Pedro 'enapego' somayi, 'eeta': –'Am qataq ana 'om qocaueegue' qome da 'am daqat, cha'ayi 'am 'aupi'itaxaatega da cam ÿan l'añaxac ñi Dios ishit da 'aushijnaxana.

Mateo 13:22

Qaq aso nanguishi mayi tajlec so lma' ana ÿaxat, qalaq asomayi naigui nam shiÿaxauapi mayi n'axaÿaxaatega da n'aqtac. Qalaxayi souaxat da imelec 'enauac nam chochaqna huetalec ana 'alhua, qataq da lqopichi da nsallaxa, qaq 'enauac ne'ena i'ot da sa ishit da ñaxat naq'en da n'aqtac, qataq sa ishit da huo'o ca alaÿaxac naq'en ne'ena shiÿaxauapi.

Judas 1:11

Qaq ÿataqta ¡choxodaxaso' namayipi! Cha'ayi quetegue da lataxac so Caín, qataq souaxat da nshitaique da nauec añi plata, nachi dashiuec, 'eeta'am so Balaam. Qataq imeuo qanqoÿin, 'eeta'am so Coré co'ollaq qaÿalauat, souaxat da npa'aguenaxac.

2 Pedro 2:3

Qaq souaxat da lqopichi da nshiitenaguec, nachi namayipi qami' idolguete naua napaxaguenataxanaxaco saq 'en da yaqto' nqat añi qodomi. Qalaxayi namayipi sa ishit da ÿit de'eda nhuaxanaguec, cha'ayi mashi saqaÿoqtegue da qaÿaqataxaatapigui' damayi.

Efesios 4:22

Qaq ÿoqo'oyi dam toguishic qadataxaqui co'ollaxa, damayi no'on da ÿataqta qaualachiiuec. Cha'ayi damayi taÿa'a da qanlaxajñi, qataq ÿataqta quichigui da natenataguec souaxat nam qauem 'eetapegueguesat.

Marcos 4:19

Qalaxayi ÿapacteec da ime'eguet na chochina huetalec ana 'alhua, qataq anac da nsallaxa ÿatenachit, ivitta'a da nqopita 'enauac na chochinasat. Nachi 'enauac ne'enapi ÿapolec da n'aqtac, nachi sa ishit da ÿauo'o ca alaÿaxac naq'en que'eca shiÿaxaua.

Mateo 26:15

Nachi 'enapego' somayi, 'eeta': –¿Chaq négue't aca aÿim qai'añiim, da aÿim qami' saneu'alo ñi Jesús? Nachi somayipi ÿanem somayi aso treinta lcatpiole mayi chigaqaigui na plata.

Mateo 19:22

Qalaxayi co'ollaq hua'axaÿa de'eda so nsoq, nachi ÿataqta daquico, cha'ayi somayi ÿataqta sallaxanec.

2 Timoteo 2:26

yaqto' nal'en da ntouen, qataq ca'ai da lqoinaxanaxac so shiÿaxaua lma'na mayi lcoñitaguishic da i'ot naq'en ca maichi 'eetapeguec.

1 Timoteo 1:9

Cha'ayi mashi qaÿaÿateeta da sa ishit da qai'ot na nqataxacpi da nmit ca shiÿaxaua da ÿataqta no'on. Chaqcata ca shiÿaxaua da sa i'ot na nqataxacpi, qataq sa ÿalaq, qataq qauemaic, 'itaxaloxoic, sa iyacnapec ñi Dios nataq'en da n'amqajnataxanaxac, qataq ca ÿalauat ca lta'a, huo'otaq aca late'e, huo'otaq camachicague't shiÿaxaua.

Lucas 21:35

nachi qoñiita'am cam nqoiñiguishic. Qaq 'eda qome da 'eetec da nvidaxac qom qanvita 'enauac na huetalec ana 'alhua.

Mateo 6:19

Sa ishit qome da ÿapacteec qalota da qadsallaqai qanqashiñi ana 'alhua, nam huaña da ishit da chic ca lalaxat, huo'otaq da chochi ltotañi ca camachaqca nogoxoshit, qataq ishit da decachiÿa ca cachaxaic.

Lucas 12:21

Qaq 'eda qome da 'eetec cam shiÿaxaua da maichi loguishiguem naq'en da maichi lsallaxa, qalaxayi ñi Dios ÿaÿaten camayi da ÿataqta choxodaq.

1 Timoteo 6:10

Cha'ayi da nqopitaxanaqtaic aca yi'oqchigui plata, nachida da 'ico' lpa'a'q na 'enauac ÿotta'a't sa ÿaÿamaxañisat. Cha'ayi mashi huo'o na ime'eguet da lqopitaxanaqtaic anamayi, nachi ÿalatauec da npi'iÿaxac, nachi taigui na ÿotta'a't nque'ejnaxac da nachaalataxac.

1 Timoteo 6:17

Qaq camayi hueto'ot da yi'oqchigui nsallaxa, qonapega da sa ishit da n'amqajnaxaic, qataq sa ishit da pe'etega da nsallaxa, cha'ayi damayi saq 'eetai'. Chaqdato' da ÿachito'ot ñi Dios da naquitaxac. Cha'ayi ñimayi mayi nca'altauec, qataq qomi' ÿanema 'enauac na qadhueneguesat, chochaq huañi naq'en, yaqto' ishit da ñitonaqtapigui'.

Tito 2:12

Qaq de'eda lqouagaxanaqtaic ñi Dios qomi' ÿapaxaguenque da 'enauac soqolqa'ai na qan'onatagueguesat qataq da qadqopitaxanaqtaic. Qanachi sachoq da achaalataxac da ntel-la't ca shiÿaxaua, qataq no'on da lataxac, qataq nañanot da quetague' ñi Dios, nagui da ñaq souaqta'a ana'ana 'alhua.