1 Timoteo 6:19 - Nuevo Testamento Toba Sur

¹⁹ Yaqto' de'eda sa yi'oq lsallaxa ishit da huo'o da naquitaxac naq'en cam ñaq natauo, qataq ishit da nauec ca achaalataxac chochi tateec.

Nuevo Testamento Toba Sombrero Negro

¹⁹ Qama'le da'me leuoyaĝa'j jalcote da'me necochaĝac gaa'me noloqo'ote jo'ne nate', nataq'aen qom p'iida'a da'me qoyaloĝonalo male yaqanate't da'me nataq'aen tadoue da'me nec'alaĝa jo'ne qaya'te loiquiaqa'.

La'aqtaqa Ñim Lo'onatac 'Enauacna 2013

¹⁹ Yaqto' huo'o ca lsallaxa cam natauo na'a'q qataq nachera da ỹauegueua'a da lactapiguiñi da huetaigui cam achaalataxac maye chochaq tatec.

1 Timoteo 6:19 Referans Kwoze

1 Timoteo 6:12

'An'añaxajleco' qome da 'adpi'iÿaxac, yaqto' ishit da 'anauec da achaalataxac mayi chochi tateec. Cha'ayi de'eda achaalataxac nachida da huo'o mshi Dios 'am iÿaxana, qataq mashi ime da 'anachaachisop da 'au'axat da 'adpi'iÿaxac, qataq saqalota na 'am ÿauaachigui.

2 Timoteo 2:19

Qalaxayi ñi Dios mashi lapaxañi so 'ico' l'oxonaxala' da l'onataxanaxac mayi qaica ca idaxanapec. Qaq somayi nanettalec so nedec, 'eeta': “Ñi qadataxala' Dios ÿauatton ca mashi lalamaxat;” nataq'en 'eeta': “'Enauac na mashi ncosatapegueueegue da l'enaxat so Cristo, ÿataqta ca'ai qome 'enauac na sa ÿaÿamaxañisat.”

1 Pedro 1:4

qataq i'ot da qami' ishit da qauacoñiiguet naq'en cam ÿachaxanapec ñi Dios mayi hueta'ague da piguem, cam sa ishit da qailaxachigui qataq sa ishit da qaishipaxanaqchit qataq sa ishit da daqaqtañi da 'eeta'am aca huoue lauoxo.

Lucas 16:9

Qaq ÿoqo'oyi qami' saqatalo da qau'onataxañiÿa dam lsallaxa na shiÿaxauapi mayi i'otta'pe naua qauema, da yaqto' huo'o ca qanauochaxauai, yaqto' qom ivita da imeuo da nsallaxa, qa nachi ishit da huo'o ca qami' ÿacongueta cam nma' mayi chochaq tateec da piguem.

Filipenses 3:14

yaqto' sevida'a ca naloqnec qataq cam qaÿachaxanapec cam huo'o mshi qomi' iÿaxanalo ñi Dios mayi neta'ague da piguem, souaxat da ñi'adaqtau'a so Cristo Jesús.

Efesios 3:17

Qataq seÿaxaatacot ñi qadta'a, da yaqto' so Cristo ishit da netaiguilo naua qadquiyaqchilli' souaxat da huo'o da qadpi'iÿaxaqui somayi, qataq yaqto' qami' ÿataqta qanañaxachiitalec qataq qan'ayiitalec da nsoxoyic,

Lucas 18:22

Nachi co'ollaq hua'aqchigui de'eda so Jesús, nachi 'eeta': –Huo'o da 'oonolec ña daqaptauec, 'eeta': 'Aumen qome 'enauac na 'am hueto'ot, ime, qaq 'ai'anoigui nam choxodaqpi, yaqto' huo'o ca 'adsallaxa hua'ague da piguem. Qaq qom ime, nachi 'auanac, aÿim 'auca'ategue.

Lucas 12:33

Qaq qaumiñi qome na qami' hueto'oto. Ime, qaq qai'añiim nam deuenaxaatapigui'. Ime, qaq qau'ochi cam qadchoxonaxaquii mayi sa ishit da lto qataq ca nsallaxa hueta'ague da piguem mayi sa ishit da imeuo, qataq sa ishit da inoxoneu'a cam cachaxaic, qataq sa ishit da chic ca lalaxat.

Mateo 19:21

Nachi so Jesús 'enapeco': –Da 'anshitaique da ÿataqta nalochiguiñi da 'adataxac, qaq no'on da qojec, nachi 'aumen 'enauac na 'am hueto'ot, qataq 'ai'anoigui na choxodaqpi, qaq yaqto' huo'o ca 'adsallaxa hueta'ague da piguem. Qaq da ime, nachi 'auanac, aÿim 'auca'ategue.

Gálatas 5:6

Qataq da mashi sogote da ñi'adaqtau'a so Cristo Jesús, nachi ÿataqta qaica ca naigui da qaÿauo'o ca n'anaxat na l'oc ca shiÿaxaua, huo'otaq jegatai'. Cha'ayi dam ÿataqta huo'o ca naigui, nachida dam qadpi'iÿaxac. Qaq de'eda qadpi'iÿaxac, nachida da qomi' nachaatoiguilo naq'en da nsoxoyic.

Lucas 18:2

Nachi 'enapeco': –Huo'o so pueblo netaña som nmit na nasouaxashitpi. Somayi ÿataqta qaica ca 'enec naq'en ñi Dios qataq 'enauac nam shiÿaxauapi.

Lucas 16:25

Qalaxayi so Abraham 'enapego' somayi, 'eeta': “'Am ÿalec, 'auennate co'ollaq 'auaconguet da 'auaÿamaqchiguiñi, saqca ca da da 'anachaalataxac, qaq ñi Lázaro qalaq qauem da lliquiaxac. Qaq ñimayi nagui huo'o da ntaunaguec ne'ena hueta'a, qaq 'am machaq huo'o da 'anque'ejnaxac.

Filipenses 3:12

Qaq aÿim sa ishit da huo'otaq shiitega da mashi sevi' 'enauac nam sa'axattac, huo'otaq da mashi nalochiguiñi da ÿataxac. Qalaxayi aÿim ashicta, huo'o da ñaquitaxac da ña sevida'a da huo'o mshi aÿim ÿaconeu'a co'ollaxa so Cristo Jesús.

2 Timoteo 1:1

Aÿim Pablo, aÿim ÿideuo ñi Dios da aÿim lamaxashic naq'en so Jesucristo, da sa'axateec da nca'alaxa mayi ÿachaxanapec co'olloxochiyi. Qaq de'eda nca'alaxa taÿot ca mashi n'attau'a so Cristo Jesús.