1 Timoteo 6:13 - Nuevo Testamento Toba Sur

¹³ Qaq nagui qomi' ÿauaachiguilo ñi Dios mayi chigoqtacot da lca'alaxa 'enauacna, nataq'en ñi Jesucristo mayi i'axat da lpi'iÿaxac co'olloxochi qaÿataxaato'ot so nta'a Poncio Pilato. Ÿoqo'oyi nagui 'am shinapega

Nuevo Testamento Toba Sombrero Negro

¹³ Qama'le da'me lec'atenaĝanaĝac ñe'me Dios jo'ne naqaeñe ya'uo 'loyaĝac yema ga'me uetalegue jena'me aleua, choqoñe'me Jesucristo jo'ne yataqata ja t'oiya'aguet ca'li joñe'me Poncio Pilato da'me 'yaĝatem da'me eja, qama'le nayi am jamaĝalegue

La'aqtaqa Ñim Lo'onatac 'Enauacna 2013

¹³ Qaq nagui qomi' ỹauaachiguilo Ñim Lo'onatac 'Enauacna nataqa'en So Jesucristo maye saishet da datenataxan co'ollaxa datato'ot so nta'a Poncio Pilato.

1 Timoteo 6:13 Referans Kwoze

Mateo 27:11

So Jesús qaÿauegueu'a so nta'a Pilato. Nachi somayi inattac so Jesús, 'eeta': –¿Peta'a nachi'am lta'a na judiopi? Nachi so Jesús 'enapeco': –Aja', nachida dam qonapec.

1 Timoteo 5:21

Da ÿaqataxac 'am sami' nagui ÿataqta qomi' ÿauaachiguilo ñi Dios qataq so qadataxala' Jesucristo nataq'en na chigaqshiguem Dios lamaxashicpi lca'aguishicpi. Ÿataqta 'aualaxalco' qome da ÿaqataxac. Sa ishit da huo'o ca 'aumatalec da 'adauotaxat, qataq sa 'alca'agui na ÿale.

Apocalipsis 3:14

Qataq nataq'en 'auamaxa qome aca 'ede ñi namaxashic piguem l'ec mayi ilotague' na 'amqajnataxanaxaicpi mayi netaña yi Laodicea. Qoneta': “'Eeta' da l'aqtac nam ÿataqta 'eesa, nam sa ishit da napacalec ca l'aqtac, nam chigoqchigui 'enauac nam i'otpi co'ollaxa ñi Dios. 'Eeta':

Apocalipsis 1:5

Qataq chigoqo'ot so Jesucristo som ÿataqta ipacchiguilo naua l'aqtaqa ñi Dios, qataq nachiso so l'auaxanec da qanca'alaxateeguesop na leuaxaicpi, qataq nachiso so lataxala' na nta'alpi mayi huetalec ana 'alhua. Qaq somayi ÿataqta qomi' ÿauoteque, qataq iÿouec na qadasouaxashitpi, deÿoxonalo naua ltago'q,

Juan 5:21

Cha'ayi de'eda 'eetec da ñi ita'a da ishit da qaltaq nca'alaxateec ca leuaxaic, nachi ÿanem da lca'alaxa, qaq nachi 'eetec nataq'en nam llalec da ishit da ÿanem da lca'alaxa cam tajlec da ÿanem.

Apocalipsis 22:1

Nachi so namaxashic aÿim ÿachaxana so tala mayi chigoqtapoigui da nca'alaxa na l'ec 'etaxat. Somayi 'eeta'am na chauec, ÿataqta yi'oqchiguiñi. Qaq somayi chigoqteu'a ca nso'onqa' ñi Dios qataq so qagueta llalec.

Apocalipsis 21:6

Qataq aÿim 'enapega, 'eeta': –Mashi sogote da ime. Aÿim mayi nachaÿim l'atchiguiñi qataq sepa'ateec, shiita'am aca l'auaxana ana leetrapi qataq aca pa'ateec. Qaq cam ilem na laquip, qaq aÿim sanem ca 'etaxat mayi chigaqaigui da nca'alaxa mayi chigaqangui acam npaxaatashiguem na l'ec. Qaq camayi chochi qoÿaachi'.

1 Timoteo 6:12

'An'añaxajleco' qome da 'adpi'iÿaxac, yaqto' ishit da 'anauec da achaalataxac mayi chochi tateec. Cha'ayi de'eda achaalataxac nachida da huo'o mshi Dios 'am iÿaxana, qataq mashi ime da 'anachaachisop da 'au'axat da 'adpi'iÿaxac, qataq saqalota na 'am ÿauaachigui.

1 Timoteo 2:5

Cha'ayi 'oonolec ñi Dios, nataq'en 'oonolec so shiÿaxaua mayi ishit da ÿi'iguelaxateguet da nmane' naq'en ñi Dios na shiÿaxauapi. Somayi l'enaxat Jesucristo.

Hechos 17:25

Qataq sa ishit da iuen ca chochi l'onatac ca shiÿaxaua da qoÿanem. Cha'ayi ñimayi nachiñi ñi chigoqo'ot 'enauac da qadca'alaxa, qataq naua qad'a'chi, qataq 'enauac na chochina.

Juan 19:11

Nachi so Jesús 'enapeco': –'Am qaica ca qonec da huo'otaq sa ishit da 'am ÿanem ñi Dios ca 'ad'añaxac, da yaqto' ishit da huo'o ca qoneta'ac aÿim. Qaq ÿoqo'oyi cam aÿim ÿaneu'a 'am, camayi qome ÿataqta ÿacteec da lta'adaic da lasouaxashit, qaq saq 'en'am da qoneta.

Juan 14:6

Nachi so Jesús 'enapega somayi, 'eeta': –Aÿim mayi nachaÿim nqa'aic, qataq nachaÿim 'eesa lataxac, qataq nachaÿim nca'alaxa. Saqca ca lÿa ñigueuo da qainoxoneu'a ñi ita'a, nachaqaÿimta.

Juan 5:26

Cha'ayi ñim lta'a huo'o da l'añaxac, da yaqto' maichi ÿan da nca'alaxa, nataq'en ÿanem na llalec da l'añaxac da ÿan da nca'alaxa.

Mateo 27:2

Nachi qaÿauec somayi, qoÿaxatta'a't naua lhua'q, da qoÿaneu'a so nta'a Poncio Pilato.

2 Corintios 9:13

Qataq camayipi ishit da ÿi'oxodeetac ñi Dios, cha'ayi de'eda qadtaunaxanaxaqui ichoxot da qami' ÿataqta qaualaqaiguet da no'on qad'axaÿaxac mayi i'axat da n'aqtaguec so Cristo. Nataq'en camayipi ishit da ÿi'oxodeetac, souaxat aca qadtaunaxanaqchi mayi qau'ochi da qauamaqaÿa camayipi qataq nataq'en 'enauac nam laÿipi.

Gálatas 3:26

Cha'ayi de'eda npi'iÿaxac nachida da huo'o mshi 'enauac da qoñiita qami' llalqa ñi Dios, souaxat da qan'ayiitau'a so Cristo Jesús.

1 Timoteo 1:12

Sanot da ñi'achiquiaxac ñi qadataxala' Jesucristo mayi aÿim ÿanem co'olloxochiyi da i'añaxac da souapegue' de'eda, cha'ayi ñimayi saq llalcolec da lpe'e naq'en aÿim, qataq aÿim ipataxalec da l'onataxanaxac.

1 Timoteo 1:15

Qaq de'eda ÿataqta 'eesa, sa ishit da qaÿoqolguet, cha'ayi so Cristo Jesús naÿa ana 'alhua da nca'alaxateec na shiÿaxauapi 'itaxaloxoicpi. Qaq aÿim, mayi aÿim ÿacteec da aÿim 'itaxaloxoic.