1 Timoteo 5:8 - Nuevo Testamento Toba Sur

⁸ Cha'ayi ca shiÿaxaua da sa ishit da huapegue' na maichi lauo' l'ecpi, que'eca shiÿaxaua sa natenguet da 'eetega lpi'iÿaxac. Lamaaxa da huo'otaq sa ishit da huapegue' ca maichi lalamaxat llalaqpi. Camayi ÿoqta napaquejlec ca saxanaxa da da'amqajnataxan.

Nuevo Testamento Toba Sombrero Negro

⁸ Qalaĝaja qom 'uo ga'me ja netela ga'me qoyen loĝot, uotaĝa ja netela ga'me mach'e layi, male joote nemanec ga'me lepe'e nataq'aen yataqata qoyen 'naja napacalo'te jogaa'me ja p'iida'a da'me 'noota.

La'aqtaqa Ñim Lo'onatac 'Enauacna 2013

⁸ Qaq ca shiỹaxaua da saishet da huapegue' na maiche lauo' le'ecpi, camaye sa nateneguet da 'eetega lpi'iỹaxac. Lamaaxa da huo'otaq saishet da huapegue' caua maiche llalqa. Nache camaye ỹoqta napacalec ca saxanaxa da da'amqaanataxan.

1 Timoteo 5:8 Referans Kwoze

Gálatas 6:10

Qaq ÿoqo'oyi da ivita da huo'o ca qaddaqa', nachi 'enauac so'otaxac ca ÿaÿamaqchiguiñi na shiÿaxauapi, lamaaxa da nachina na qad'amqajnataxanaxauapi.

2 Corintios 12:14

Qaq nagui qataq sogote da ñaÿamaxattai' da qaltaq tres da shi'iguelaxalec da qami' ñamaqtegalo, qalaxayi sa ishit qome da huo'o ca aÿim nsallaxaueetapegue' da qoñiita. Cha'ayi aÿim sa ishit da ñimittaique cam qami' hueto'oto, cha'ayi nachiqami' mayi qami' saÿa'alo. Cha'ayi cam nta'a mayi nachica ca laÿon aca alom da yaqto' talec cam llalec, qaq sa ishit da nachica cam ñalec da laponaxaalec cam lta'a.

Tito 1:16

Namayipi 'eetega da ÿauatton ñi Dios, qalaxayi da lataxac ÿataqta sa natenguet. Cha'ayi ÿataqta sa qaishiteguet, souaxat da sa ÿalaq qataq saq taiguet ca camachaqca n'onataxanaxac ÿaÿamaqchiguiñi.

Mateo 7:11

Yi qami' matem qami' qauemaiqa, qalaq qauaÿajñi da qai'añiim ca no'on cam qai'alqui. Qaq ¡táloxochiyictoxo' da saq ÿacteec ñim qadta'ai mayi neta'ague da piguem da ishit da ÿanem ca no'on cam iÿaxanot ñimayi!

2 Timoteo 3:5

Namayipi nachaxaata da 'eetega quetague' da n'amqajnataxanaxac, qalaxayi sa ishit da hueto'ot da l'añaxac da n'amqajnataxanaxac. Qaq 'ena qome na 'antela'aguet.

Apocalipsis 3:8

Aÿim saÿaten 'enauac nam 'au'ottacpi. Qaq aÿim 'am sanem ñi 'ico' lasom ÿauattaigui mayi sa ishit da huo'o ca ÿapogui. Cha'ayi nai'ctaxa da saqalligueme da 'ad'añaxac, qalaxayi ÿataqta 'aualaxalec da i'aqtac, qataq sa ishit da aÿim 'ancoqtapeguelec.

Apocalipsis 2:13

Aÿim ÿataqta saÿateeta 'enauac nam 'au'ottacpi, qataq saÿaten da qonetangui nam ilotague' so Satanás. Qalaxayi ñaqaiyita 'am ÿataqta aÿim qoquetelec, qaq ÿataqta sa ishit da 'axaañi da aÿim 'au'amaqteetac, nai'ctaxa da co'ollaq qaÿalauat so i'aqtaxanaxanec Antipas, som 'oonolec da qoñiita, mayi huaña yim hueta'a so Satanás.

2 Pedro 2:1

Qalaxayi nataq'en som llalaqpi so Israel co'olloxochiyi huo'o so 'eetega da l'aqtaxanaxanecpi ñi Dios, qalaxayi saq 'en. Qaq nachi 'eetec nataq'en nagui da qoñiita huo'o na dapaxaguenataxaatapeguec da sa lataxac. Namayipi n'otaxaateuo na lapaxaguenataxanaxacpi mayi ishit da deque'emaqtaxan, ivida'a da nqolguete' so qadataxala' mayi nca'alaxateec namayipi. Nachi namayipi maichi quetau'a da saqaÿaloq ca nhuaxanaguec.

Juan 15:22

Namayipíctaxa sa ishit da huo'o ca lasouaxashit, da huo'otaq sa ñanac da setaxaÿot. Qalaxayi namayipi nagui sa ishit da ÿoqolguet da huo'o da lasouaxashit,

Judas 1:4

Cha'ayi huo'o na shiÿaxauapi quetaigui da latenataxanaxac da qami' taiguilo. Namayipi nal'ena co'ollaxa da i'axa't naua ñiyigui'shi l'aqtaqa ñi Dios da taÿa'a da 'itchiguiñi nhuaxanaguec. Namayipi ÿataqta qauemaicpi, cha'ayi ÿaconguet da lqouagaxanaqtaic ñi qadta'a Dios da chochi da'ashiÿoigui da i'o't naua n'onataxaco da lapachiyaxac, qataq nqolguete' ñi Dios ñim qomi' lalamqa'te qataq so qadataxala' Jesucristo.

2 Corintios 6:15

Qataq ¿ishit peta'a da nhuoteete' so Cristo so Satanás? qataq ¿ishit peta'a ca 'amqajnataxanaxaic da tatapegueu'a ca sa ishit da da'amqajnataxan?

Mateo 18:17

Qaq da huo'otaq sa ishit da ÿalaxalguete caamayi, nachi 'am ishit da 'au'aqtaxanoigui na lapoota'a't 'amqajnataxanaxaicpi. Qaq da sa ishit da ÿalaxaguet namayipi, nachi camayi ishit da 'eeta'am qanqoÿin ca sa ishit da i'amaqten ñi Dios, huo'otaq cam ÿacootapeeguet ana nshiitenaqte ca nta'a.

1 Corintios 6:6

Da huo'o ca 'amqajnataxanaxaic huo'otaq nasouaxata'ai' ca l'amqajnataxanaxaua, qaq ¿iuen peta'a da iÿaxanot ca nta'a mayi sa da'amqajnataxan da ÿaÿamaxajñi?

2 Timoteo 2:12

da huo'o da qanque'ejnaxac, nachi 'en'am ñiuanaqhua'a qome da qailo'ogue 'enauacna. Da shinaqpec sa sauattonaq somayi, nachi 'en'am somayi 'enapec qomi' sa ÿauatto'n.