1 Timoteo 5:5 - Nuevo Testamento Toba Sur

⁵ Cha'ayi da huo'o aca pa'ai da huo'otaq ndoguiñi qataq qaÿalata'a't, qalaxayi mashi hueto'ot ñi Dios da naquitaxac, qataq queto'ot da nqouagaxaunaxac na na'axa'tesat qataq na pesa'chi.

Nuevo Testamento Toba Sombrero Negro

⁵ Jaga'me yataqata p'ai jo'ne onola, joote yanem da'me leuataqataĝanaĝac ñe'me Dios, qama'le ja yaĝañi da'me nachoĝodenaĝac, chayovida'a lajelaĝanaĝac yemeda naa'me noloqo'ote, nataq'aen pi'yaĝadi.

La'aqtaqa Ñim Lo'onatac 'Enauacna 2013

⁵ Aca pa'ai maye ỹoqta 'eesa da qaỹalata'a't, acamaye imato'ot da naquitaxac Ñim Lo'onatac 'Enauacna da iỹaxaatacot ca ntaunaguec, ye na'a'q qataq ye pe.

1 Timoteo 5:5 Referans Kwoze

1 Timoteo 5:3

'Autauan aca pa'ai da ÿataqta qaica ca pi'iÿa'a.

Lucas 2:37

Qaq nagui asa'aso pa'ai mashi ivi' na ochenta y cuatro vi'i. Qaq ÿataqta sa ishit da ca'ai aso n'onaxanaxaqui da ÿi'oxodeetac ñi qadataxala' naua na'axa'tesa'chi qataq naua pe', da i'ottac da nqouagaxaunaxac qataq da nqouaqchittac.

1 Pedro 3:5

Cha'ayi 'eda da 'eetec naq'en da naÿamaxataxac co'olloxochiyi so hua'au 'alpi mayi nañanot da quetague' ñi Dios. Asomayipi pi'iÿa'a ñi Dios, qataq nañanguet da ÿalaxaguet so lamoxouapi.

1 Timoteo 5:16

Ca 'amqajnataxanaxaic, huo'otaq aca 'amqajnataxanaxai, da huo'o aca lauo' lashi pa'ai, nachi 'onaxaic da itauan qome, yaqto' acamayi sa ishit da nsallaxaune' 'enauac na 'amqajnataxanaxaicpi, yaqto' namayipi ishit da itauan aca pa'ai mayi ÿoqta qaica ca pi'iÿa'a.

1 Corintios 7:32

Ñishitaique da ÿataqta qami' huosochiyiñi, qaica ca qami' nqanaxa't. Ca shiÿaxaua da ñaq lamaxaic, ÿataqta nalamaqteguet da quetague' so qadataxala', cha'ayi nshitaique da qaÿaÿamaxadeeta.

Lucas 18:1

So Jesús huo'o da daloqnaxana co'ollaq huotaique da dapaxaguenataxanec da iuen ca shiÿaxaua da nachi 'eetai' da nqouagaxaueetac, sa ishit da nasamñi.

Efesios 6:18

Qaq da qau'ochi 'enauac de'eda, nachi qanatamñiitac, chigoqchigui qanqashiñi so Espíritu Santo da nachi 'eetai' da qanqouagaxauñiitac qataq qauÿaxañiitacot ñi Dios. Qaq ÿataqta qanloiteec, da yaqto' ishit da qau'ochi 'enauac de'eda. Sa ishit da qanasamiitapiguiñi. Qataq qanqouagaxauñiitalec 'enauac nam lalamaxatpi ñi Dios.

Lucas 18:7

Qaq ñi Dios ¿peta'a saq 'eeteco' nataq'en de'eda, da iuejlec cam lca'aguishic mayi nachoxodeetacot ñimayi naua na'axa'tesa'chi qataq naua pe'? Qaq ¿peta'a huo'o ca ÿictega? 'A'i.

1 Corintios 7:34

Nataq'en aca 'alo mashi huadon sa ishit da 'en'am aca lamaxai. Cha'ayi aca lamaxai ÿataqta nalamaqteguet da quetague' so qadataxala', cha'ayi nshitaique da imauec da ÿanot ñi Dios da l'oquiaxac qataq som capegue' lqui'i. Qalaxayi aca mashi huadon ÿataqta imelec na n'onatacpi mayi huetalecna, cha'ayi nshitaique da machiguiñi naq'en ca lhua.

Romanos 1:12

Qaq yaqto' ñi 'oonolec da shinaqta ishit da i'añaqchit ca lÿa da idolec de'eda npi'iÿaxac mayi qami' hueto'oto nataq'en aÿim.

Romanos 1:5

Qaq nachi chigoqchigui so Jesucristo da ñi Dios qomi' nqouagueque da qomi' ÿanaguilo da qomi' lamaxa'shi, da yaqto' so'onataxanqot somayi, yaqto' 'enauac na ÿotta'a't shiÿaxauapi ishit da huo'o ca da'amqajnataxan qataq ÿalaq.

Hechos 26:7

Nataq'en nam llalaqpi soua sachigoxosoxogueta doce llalqa so Israel, namayipi nataq'en iuattaique qom ivita da ipacchigui de'eda qaÿachaxanapec co'ollaxa. Qaq ÿoqo'oyi namayipi ÿi'oxodeetac ñi Dios, qataq i'ot da l'aqtac 'enauaque naua na'axa'te qataq naua pe'. Qaq nachida de'eda ñaquitaxac, 'am ita'a Agripa, da huo'o mshi na judiopi aÿim npa'agueetega.

Hechos 6:1

Qaq se'esoua na'axa'te ÿataqta nquictauec na da'amqajnataxanpi. Nachi nam judiopi mayi ÿaÿate'n naua l'aqtaqa na griegopi, namayipi nachitega nam laÿipi judiopi, cha'ayi namayipi 'eetega da sa ishit da ÿoqta qailo'oguet nam pa'aipi mayi lauo' lashipi da ivita da qoÿaneec na nallic yi na'a'q.

Hechos 9:39

Nachi so Pedro ca'ateguelo soomayi. Qaq co'ollaq iviyi', nachi somayi qaÿaviguishiguemec so noÿic mayi huetaña aso Dorcas. Qaq 'enauac nam pa'aipi datatau'a, noÿiitagui. Nachi qaÿachaxaatac ana l'onata npotopi qataq na lomaxaquipi mayi l'onatacpi asomayi co'ollaq ña qanachattague'.

Hechos 9:41

Nachi somayi ÿacona na lhuaq asomayi, nachi ÿanaxanaxaashiguem. Ime, nachi iÿaxaneuga so nqaÿañicpi qataq som pa'aipi, nachi ÿachaxan asomayi da qaltaq nca'aleec.

Filipenses 4:6

Qataq sa ishit qome da huo'o ca qami' ÿaquicoqchitta'pe. Chaqdata da ÿataqta qau'aqtaxañiitem ñi Dios da ivita da qanqouagaxauñiitacot. Qauÿaxañiÿot ñimayi, nataq'en qai'añiitacot da qan'achiquiaxaqui.

1 Timoteo 2:1

Qaq da hua'auchiguiñi i'aqtac 'eeta': Ñishitaique da saqata da qanayictot da qouagaxaunaxac, da qanqouagaxaueelec 'enauac na shiÿaxauapi, da qanqouagaxaunot ñi Dios, nataq'en da qoÿanot da 'achiquiaxac.

2 Timoteo 1:3

Da ñoqouagaxaueetac yi na'a'q qataq yi pe, nachi tachigui iuel 'am. Qaltaq sanot da ñi'achic ñi Dios mayi so'otta'pe naua l'aqtaqa, qataq ñanomta da qaica ca hueto'ot ÿasouaxashit. Qaq de'eda nachida da 'eetec nataq'en so hua'au ita'alpi.