1 Timoteo 5:4 - Nuevo Testamento Toba Sur

⁴ Qalaxayi aca pa'ai da huo'o ca llalec huo'otaq laual, caamayi mayi hua'auyiñi ÿaÿate'n da ilodeguet qataq itaua'n aca maichi l'ac, ishiitenguet da ltaunaxanaxac soua chigoxogueta lta'al. Cha'ayi de'eda ÿataqta no'on, qataq ÿaÿamaxadeeta ñi Dios.

Nuevo Testamento Toba Sombrero Negro

⁴ Qalaĝaja jaga'me p'ai jo'ne uo'oe gaa'me c'oqo'te uotaĝa laua', 'noota ta'le naqaegaua 'uaediñe joote yayate'n ga'me qoyen 'lonata'j da'me lecochiyalo ga'me layi, qa'a ca'li jañe'me yataqata ami noqopitalo, qama'le jena'me jenjo' yataqata Dios yiyamaĝaden.

La'aqtaqa Ñim Lo'onatac 'Enauacna 2013

⁴ Qalaxaye aca pa'ai da huo'o ca llalec huo'otaq laual, nache caamaye iue'n da hua'auyiñi da itaua'n acamaye na lhuenaxanaxasat, ỹe'eguelaxatteguet dam ltelaxa co'ollaxa qataq da ltaunaxanaxac acamaye. Cha'aye de'era ỹataqta ỹaỹamaxareeta Ñim Lo'onatac 'Enauacna.

1 Timoteo 5:4 Referans Kwoze

1 Timoteo 2:3

Qaq de'eda qouagaxaunaxac ÿataqta 'eesa lataxac, ÿaÿamaxadeeta ñi Dios mayi qadca'alaxaqui.

Lucas 2:51

Huaña, nachi ÿi'iguelaq somayi, queuoiguilo soua lta'al, tadegue da Nazaret. Nachi somayi quetot da ÿataqta ÿalaxalguete soua lta'al. Qaq aso late'e ÿataqta ÿoxochigui añi lquiyaqte 'enauac de'eda.

1 Timoteo 5:16

Ca 'amqajnataxanaxaic, huo'otaq aca 'amqajnataxanaxai, da huo'o aca lauo' lashi pa'ai, nachi 'onaxaic da itauan qome, yaqto' acamayi sa ishit da nsallaxaune' 'enauac na 'amqajnataxanaxaicpi, yaqto' namayipi ishit da itauan aca pa'ai mayi ÿoqta qaica ca pi'iÿa'a.

Tito 1:11

Namayipi iuen da qaÿapoguilo naua ala'pi, cha'ayi ÿataqta saq maÿa't naq'en na nhuo' l'ecpi, souaxat da dapaxaguenataxaatapeguec na sa lataxac, cha'ayi chochi nshitaique da nauec añi plata.