1 Timoteo 5:25 - Nuevo Testamento Toba Sur

²⁵ Qaq nachi 'eeta'am ca ÿaÿamaqchiguiñi n'onataxanaxac yi'oqta. Qalaxayi da huo'otaq saxanaxa da yi'oq, qalaxayi sa ishit da nachi 'eetai' da saq cha'a.

Nuevo Testamento Toba Sombrero Negro

²⁵ Nataq'aen jogaa'me 'yetedac jena'me 'noota: uo'oe gaa'me 'lonataqa jo'ne di'yo't, qalaĝaja jogaa'me ja di'yo't jo'ne nataq'aen 'noote', 'uo ga'me nolo' qom qoyecodelo'te qama'le yemta di'yo't.

La'aqtaqa Ñim Lo'onatac 'Enauacna 2013

²⁵ Nache 'eeta'am da 'eetec ca no'on nataxac. Huo'o ca huaña da saq qalaq da qaila'a, qalaxaye ca lỹa saishet da qaila'a. Qalaxaye damaye saishet da queta da saq yo'oq.

1 Timoteo 5:25 Referans Kwoze

Lucas 11:33

Qaica ca ishit da iqueteteu'a aca lcoÿadaxanaxaqui, ime, qaq ÿanaña ca ÿapochiguiñi, huo'otaq da ÿano'ot na pa'aguiñi aca cajón. Chaqdata da ÿaatchiguem acamayi, yaqto' da huo'o ca pa'auo, nachi yi'oqtelec.

1 Timoteo 3:7

Nataq'en iuen da no'on da n'aqtaguec naq'en na saq 'amqajnataxanaxaicpi, yaqto' sa ishit da sa qaÿauo'o ca 'enec qanqoÿin, yaqto' sa ishit da ilamqa'aguet ca lqoinaxanaxac so shiÿaxaua lma'na.

Hechos 22:12

Qaq yimayi nachi netaña so shiÿaxaua l'enaxat Ananías. Qaq somayi ÿataqta ÿalaxalec nam lqataxacpi so Moisés, qaq nam judiopi mayi lma' yi Damasco ÿataqta no'on naq'en da n'aqtaguec somayi.

Hechos 10:22

Nachi soomayi 'ena'po': –Qomi' lamaxa'shi ñi huataxanaq lta'a, l'enaxat Cornelio. Ñimayi no'on da lataxac qataq ÿataqta ñi'iÿa ñi Dios. Ÿoqo'oyi 'enauac na judiopi ÿataqta huo'o naq 'enec naq'en qataq lauotaxat. Qaq huo'o so chigaqshiguem Dios lamaxashic 'enapega da 'am namaxasoxona, da yaqto' 'anqo'ona yi lma', nachi ñimayi ishit da n'axaÿaxana cam 'ad'aqtaxanaxac.

Hechos 9:36

Qaq se'esoua na'axa'te huo'o aso 'amqajnataxanaxai netaña yi la ciudad Jope. Asomayi naua judío l'aqtaqa l'enaxat Tabitá, qaq naua griego l'aqtaqa Dorcas (de'eda n'enaxat naigui da ñi'imshi). Asá'aso 'alo ÿataqta no'on da l'onataxanaxac, qataq itauaatac nam huo'o da lhuenaxanaxa.

Mateo 5:16

Qaq nachi 'eetec qome nataq'en da qoñiita, ÿataqta qau'edaxachiÿoiguilo qome naua qadcoÿadaxanaxaquilli', yaqto' 'edalec na shiÿaxauapi, yaqto' namayipi, da ila'a dam ÿaÿamaqchiguiñi mayi qau'ochiitac, nachi namayipi ÿi'oxoden ñi qadta'a mayi neto'ot na piguem.

Filipenses 1:11

Qaq yaqto' so Jesucristo ÿataqta nlaxatchigui da qanachaalataxaqui ca no'on nataxac, da yaqto' huo'o da ñi'oxonnataguec qataq da lli'oxoyic ñi Dios.

Apocalipsis 14:13

Ime, nachi sa'axaÿa so n'aqtac chimqot na piguem, aÿim 'enapega, 'eeta': –'Iyiñi qome da 'eeta': “Ÿataqta machiguiñi qome nagui ca ileu da huo'otaq ileutañi' da l'amqajnataxanaxac so qadataxala'.” Nachi so Espíritu Santo 'enapec: “Aja', nachi 'eetec.” Cha'ayi camayi nmateeguesop nam l'onataxanaxacpi. Qaq da l'onataxanaxac, qalaxayi sa ishit qome da qaicoua'ai.