1 Timoteo 5:18 - Nuevo Testamento Toba Sur

¹⁸ Cha'ayi nachi nanettrañi naua ñiyigui'shi l'aqtaqa ñi Dios, 'eeta': “Sa ishit da 'ai'axattagui na lmic ca 'adauegaxanaxala' huaca da 'auapiaxanaxaalec na trigo da qanqattac ana ala.” Nataq'en 'eeta': “Qaishiiten ca 'onataxanaxaic aca maichi laueque.”

Nuevo Testamento Toba Sombrero Negro

¹⁸ Qa'a da'me Dios 'laqatac eetac: “Ena'te auojomoue nedegaĝat necoñetaĝaiqui ga'me uaca qom auapiaĝalegue ga'me trigo nale aviyota'a ga'me lo'oc.” 'Laqatac laqaya jo'ne enaac: “Ga'me jiyaĝaua jo'ne onataĝanaĝaic, qoyejeten nale yomat ga'me 'lonatac.”

La'aqtaqa Ñim Lo'onatac 'Enauacna 2013

¹⁸ Cha'aye nache nanettrañi naua ñiyigui'she la'aqtaqa Ñim Lo'onatac 'Enauacna, 'eeta': «Saishet da 'auo'ot ca lapoxot na alap ca 'arauegaxanaxala' huaca da yaqto' sa deque'e da 'auapiaxanaxaalec na trigo da 'anqattac ana ala.» Nataqa'en 'eeta': «Qaipagaqchiichigui da lashiichiỹaxac ca 'onataxanaxaic da qaisheeten.»

1 Timoteo 5:18 Referans Kwoze

1 Corintios 9:14

Qaq 'eda da lqataxac nataq'en so qadataxala' da ca i'axattapeguec da n'aqtac mayi chigaqaigui da nca'alaxa, camayi ishit da deque'etapigui da l'aqtaxanaxac.

Lucas 10:7

Ime, nachi qoviÿa'a que'eca nma', qaq qolliqui qataq qanÿomiigui 'enauac cam huo'o, cha'ayi ca do'onataxaatac, camayi 'itchiguiñi da huo'o da nshiitenaguec. Qaq sa ishit qome da qaiteu'alo naua nma'te.

Mateo 10:10

qataq ca laÿi' ca qonoqoi na nqa'aic. Qataq 'oonolec ca qauachii qal-lomaxaquii, qataq caua qadapela'chilli' qataq ca qadashilaxala'ai. Cha'ayi ca 'onataxanaxaic ÿataqta 'itchiguiñi da ÿaconguet ca aloq.

Santiago 4:5

Ÿoqo'oyi saq vichiguiñi da 'enapec naua ñiyigui'shi l'aqtaqa ñi Dios, 'eeta': “So Espíritu mayi qomi' ÿanaiguilo naq'en ñi Dios, somayi qomi' ÿauoteque qataq 'ico' ica'altalguete.”

Romanos 10:11

Cha'ayi naua ñiyigui'shi l'aqtaqa ñi Dios 'eeta': “Qaica ca 'oonolec nam i'amaqteetac ñimayi da huo'otaq ishit da n'aloxootac.”

Romanos 9:17

Cha'ayi naua ñiyigui'shi l'aqtaqa ñi Dios na nettrañi co'ollaq ñimayi 'enapega so nta'a mayi ilotague' yi Egipto, 'eeta': “'Am sanagui da 'am nta'a, cha'ayi ñishitaique da 'am sachigoxotchigui da sachaxan da i'añaxac, qataq yaqto' ishit da ÿauatton da i'enaxat 'enauac nam huetalec ana 'alhua.”

Gálatas 3:8

Cha'ayi naua ñiyigui'shi l'aqtaqa ñi Dios, nal'ena co'ollaxa da ilota'a da nataq'en nam sa ishit da judío l'ecpi, qalaq ÿataqta ÿaÿamaxadeeta ñi Dios nam huo'o da lpi'iÿaxac. Nachi naua ñiyigui'shi da'aqtaxanema so Abraham da no'on l'axaÿaxac, 'eeta': “'Enauac qome na ÿotta'a't shiÿaxauapi huo'o da nqouagaxa 'am chigoqchigui.”

Romanos 11:2

Cha'ayi nal'ena co'ollaxa ñi Dios da lca'aguishic na Israel l'ecpi da ÿauo'o lalamaxatpi. Qaq ÿoqo'oyi nagui sa ishit da imaqhuec. Qaq ÿoqta da qami' mashi qauaÿajñi dam 'enapec naua ñiyigui'shi l'aqtaqa ñi Dios co'ollaq i'axat so l'aqtaxanaxanec Elías co'ollaq somayi nqouagaxaueetacot ñimayi, nachi ÿauo'o da ÿasaxalec na Israel l'ecpi, 'eeta':

Romanos 4:3

Cha'ayi ¿huá'ague ca 'eetec ca l'aqtac naua ñiyigui'shi l'aqtaqa ñi Dios? Qomyi 'eeta': “So Abraham huo'o da lpi'iÿaxac ñi Dios, qaq chigoqchigui de'eda lpi'iÿaxac da huo'o mshi ñi Dios ÿaÿamaxadeeta, nachi ÿamata'ac da no'on shiÿaxaua.”