1 Timoteo 5:17 - Nuevo Testamento Toba Sur

¹⁷ Ca nataxala' da ÿataqta ÿaÿaten da ilo'ogue na 'amqajnataxanaxaicpi, camayi ÿataqta qaÿauotec qome qataq qaitauan. Lamaaxa da nañanguet da da'aqtaxan qataq dapaxaguenataxan.

Nuevo Testamento Toba Sombrero Negro

¹⁷ Gaa'me 'yaĝaicachidi jo'ne yataqata yiyamaĝatetedac nale joga'me tamenaĝaiqui 'lonatac, nach'egaua 'noota ta'le yataqata qoye'n p'ajodaye: jogaa'me aqataĝanaĝayaqa uotaĝa paĝaguenataĝanaĝayaqa jo'ne 'yaĝa'tape naa'me Dios 'laqataqa.

La'aqtaqa Ñim Lo'onatac 'Enauacna 2013

¹⁷ Ca nataxala' da ỹataqta ỹaỹaten da ilo'ogue na 'amqaanataxanaxaicpi, camaye ỹataqta qaỹauotec qome qataq qaipagaqchiichigui da lashiichiỹaxac da lo'onataxanaxac. Lamaaxa da ỹataqta nañaneguet da la'aqtaxanaxac qataq da lapaxaguenataxanaxac da ỹa'axattac da no'on na'axaỹaxac.

1 Timoteo 5:17 Referans Kwoze

Hebreos 13:17

Ÿataqta qaualaqailec qome na qadataxala'aipi qataq qanañañiiguet da qami' ilo'oguelo, cha'ayi namayipi nachina na ilotague' da qanachaalataxaqui, cha'ayi ÿaÿateeta'a da huo'o ca na'a'q, qaq ishit da inat ñi Dios namayipi. Qataq qanpogoxoiñiÿapegue', da yaqto' ÿataqta machiguiñi da l'onataxanaxac qataq sa ishit da ÿapacteec qapa'atta. Cha'ayi da nachi 'eetec de'eda, qaq sa ishit da huo'o ca qanqachi.

Gálatas 6:6

Qaq cam ÿaconguet da napaxaguenataguec da l'aqtac ñi Dios, qaq camayi no'on da nhuaate' ca napaxaguenaxala' 'enauac nam hueto'ot lsallaxa.

Lucas 10:7

Ime, nachi qoviÿa'a que'eca nma', qaq qolliqui qataq qanÿomiigui 'enauac cam huo'o, cha'ayi ca do'onataxaatac, camayi 'itchiguiñi da huo'o da nshiitenaguec. Qaq sa ishit qome da qaiteu'alo naua nma'te.

Hebreos 13:7

Qataq qauennachiÿa'a qome som qadataxala'aipi mayi qami' i'axatema co'ollaxa da l'aqtac ñi Dios; qauennachiÿa'a dam 'eetec da naigui da nachaalataxac, nachi ÿataqta qau'enaxachiichigui da 'eetec da lpi'iÿaxac.

2 Timoteo 2:6

Nataq'en ca shiÿaxaua da huetauga ca nanaxanqa' da do'onataxaatac, camayi mayi hua'auñi ÿaconguet da alaÿaxac da l'onataxanaxac.

Filipenses 2:29

Qaq ÿataqta lta'adaic qome qanqashiñi da qantonaxaqui da qauacoñiiguet ñimayi, cha'ayi maichi qad'amqajnataxanaxauai so qadataxala', qataq nachi 'eetai' qome da ÿataqta qauauochiic ca 'eeta'am ñimayi.

Romanos 12:8

Qaq cam tateu'a da ÿaÿaten da i'añaqchit ca lÿa, qaq nachiyi huelec da i'ot. Ca da'agaxanaqta, qaq sa ishit qome da huo'o ca chochi naquitta'a. Ca tateu'a da nataxala', qaq ÿataqta ilotelec qome da l'onataxanaxac. Ca tateu'a da itaunec da lhuenaxanaxa ca lÿa, qalaq chaqdata qome da lamaiquiaxac.

Hechos 28:10

Nachi somayipi ÿataqta qalota da lli'oxonnataxanaxa da shinaqta. Qaq can ime, nachi qaltaq soqolaq, nachi somayipi qomi' ÿanema 'enauac na qadhuenec de'eda qoyiquiaxac.

2 Corintios 6:1

Cha'ayi qomi' lta'u ñi Dios dam l'onataxanaxac, qaq ÿoqo'oyi qami' ñachoxodenaqtoiguilo da sa ishit qome da saqca ca naigui qanqashiñi da lqouagaxanaqtaic mayi qami' ÿachaxanalo ñimayi.

Romanos 16:12

Nataq'en samaxa da iquinaxanaxac aca Trifena qataq aca Trifosa mayi do'onataxaatracot so qadataxala', qataq nataq'en aca qanauochaxaua qadqaÿa Pérside mayi qalota da ldaxac da i'ottac da l'onataxanaxac so qadataxala'.

Romanos 15:27

Qaq damayi quetelec yi lavilÿaxac da i'ot namayipi, cha'ayi nachi 'eetec iuen da i'ot damayi. Cha'ayi nam judiopi mayi 'amqajnataxanaxaicpi ÿachitec co'ollaxa da n'achiquiaxac mayi saq cha'a nam sa ishit da judiopi. Qaq ÿoqo'oyi namayipi iuen da itaunec nam judiopi 'amqajnataxanaxaicpi dam yi'oqchigui lsallaxa.

Filipenses 4:3

Qataq 'am i'onataxanaxaua mayi saq aÿim 'auÿoteec, 'am shinapega da 'autaua'n qome que'ecaua qadqaÿa't, cha'ayi caamayi ÿataqta qalota da ltaunaxanaxa'c aÿim da sa'axataqtac da nca'alaxa, nataq'en ca Clemente qataq nam laÿipi i'onataxanaxauapi. Qaq ñi Dios mashi ÿidelec acam nanedaxalate nam nca'aleec na l'enaxatpi namayipi.

1 Corintios 16:16

Ÿoqo'oyi ñishitaique da qami' nataq'en ÿataqta qaualaqailec ca shiÿaxaua 'eeta'am namayipi qataq 'enauac nam detaunaxaatac qataq do'onataxaatac.

Hechos 11:30

Qaq 'eda da qoÿiitec. Nachi qaÿamaq aso nachitaqtaxanaqte da qaÿamaxa so nataxala'pi mayi netaña yi Judea, idoi' qanqoÿin so Bernabé qataq so Saulo.

2 Timoteo 4:2

da ÿataqta 'au'axat da n'aqtac, ÿataqta 'anpogoxoinapegue' da huo'o ca 'addaqa', nachi 'en'am da qaica ca 'addaqa'. 'Anloqteneec ca shiÿaxaua, 'auachaxana ca lsomaxac, 'auqata, ÿataqta 'anhualaxaune' da 'auapaxaguen.

1 Timoteo 4:16

Qataq 'antel-la't, 'aulotegue da 'adapaxaguenataxanaxac. Ÿataqta qoquetot de'eda shiitega, cha'ayi da 'au'ot de'eda, nachi ÿataqta 'avida'aguet da 'am qanca'alaxateec qataq 'enauac na 'am n'axaÿaxaatega.

1 Timoteo 3:5

Cha'ayi da huo'otaq sa ÿaÿaten da ilo'ogue da lma'ÿaxac, qaq ¿huá'ago' ca 'eetec da ilo'ogue na i'amaqten ñi Dios?

Filipenses 2:16

da huo'otaq qau'axachiim da n'aqtac mayi chigaqaigui da nca'alaxa. Yaqto' qom ivita da ñi'iguelaq so Cristo, nachi ÿataqta samachiguiñi souaxat da qoñiita, cha'ayi saÿateeta da sa ishit da saqca ca naigui da ñaqalgoxosoxoc qataq da i'onataxanaxac.

Mateo 24:25

Qaq damayi qami' sa'axatema nagui, yaqto' nachi 'eetai' qome da qauaÿajñiita'aguet.

Hebreos 13:24

Qaq qai'añiim qome da iquinaxanaxac 'enauac na qadataxala'aipi, qataq 'enauac na qadqaÿañicpi mayi qad'amqajnataxanaxauapi. Qaq nam netaña na Italia qami' ÿamaxalo da lquinaxanaxac.

1 Timoteo 4:10

Qaq nachida da huo'o mshi so'onataxanaqtac qataq ñi'añaxataxaguet da qanshiunaguec, cha'ayi mashi hueto'ot ñi Dios da qanaquitaxac. Ñimayi mayi nca'altauec, qataq nachiñi ñi nshitaique da nca'alaxateec 'enauac na shiÿaxauapi, qalaxayi ca da'amqajnataxan nachica ca qanca'alaxateec.

1 Corintios 15:10

Qalaxayi da lqouagaxanaqtaic ñi Dios nachida da huo'o mshi aÿim nagui, qaq de'eda ñoqouagaxa sa ishit da saqca ca naigui. Cha'ayi aÿim ÿacteec da i'onataxanaxac, ñapacalec 'enauac na laÿipi namaxashicpi. Qalaxayi sa ishit da nachaÿim, nachida da lqouagaxanaqtaic ñi Dios mayi aÿim ÿanem.

Hechos 20:35

Qaq nachi 'eetai' da qami' sapaxagueetapegueeque de'eda, da ca shiÿaxaua do'onataxan, yaqto' ishit da itauan cam huo'o da lhuenaxanaxa. Qaq ñitounaqta'ac qome da l'aqtac co'ollaxa so qadataxala', mayi 'eeta': “Ÿataqta machiguiñi ca shiÿaxaua qom dachitaqtaxan, qaq saq 'en'am cam chochi qaÿachit.”

Juan 4:38

Aÿim qami' sama'q, da yaqto' qanqachi na ala na nanguishic mayi sa ishit co'ollaxa da qanque'etaxañiitapigui da qai'añiitapiguiñi. Qaq ÿaqa'a co'ollaxa som do'onataxaatacpi, qaq qami' chochi qauacoñiitelec dam l'onataxanaxac somayipi co'ollaxa.

Lucas 12:42

Nachi so qadataxala' 'enapeco': –¿Chaq négue'to' ca 'eeta'am cam nlatac mayi ca n'aco' ipataxalec da ilo'ogue naq'en ca lma' qataq da dequi'axanataxan da ivita ca laloqo' da nqui'axac, qaq camayi ÿataqta ipacchigui cam qaÿamaxalec qataq ÿataqta sa nqalaat?

1 Timoteo 5:3

'Autauan aca pa'ai da ÿataqta qaica ca pi'iÿa'a.

1 Timoteo 4:6

Da 'am 'auapaxaguenec na qadqaÿañicpi de'eda shiitega, qaq 'am ÿataqta no'on l'onataxanaxanec so Jesucristo. Qataq 'am i'añaqchi't naua lqataxaco da qad'amqajnataxanaxac, qataq da ÿaÿamaqchiguiñi 'anapaxaguenataguec mayi qoquetalec.

1 Corintios 3:9

Cha'ayi qomi' n'onataxanaxauapi da l'onataxanaxac ñi Dios. Qaq qami' 'ico' da qoñiÿa'am ca lanaxanqa' ñi Dios. Qami' nataq'en qoñiÿa'am ca noÿic mayi n'oxootapiguishiguem ñi Dios.

1 Timoteo 4:14

Sa ishit da 'anañaxane' da l'onataxanaxac ñi 'anshitaxat mayi 'am ÿami' ñi Dios so na'a'q co'ollaq ÿachanguit añi lquiyaqte na lataxala'pi na 'amqajnataxanaxaicpi da 'am ÿashil-lec.

1 Timoteo 5:19

Sa ishit da 'auqocha'a ca chochi npa'aguenataguec ca lataxala' na 'amqajnataxanaxaicpi, chaqdata da huo'otaq dos, huo'otaq tres, caua da'aqtaxa'n.